|
|
السلاااام عليكم
انا كنت وحدة من رواد هالقسم وعشت فيه اجمل ايام حياتي المؤلمه والحمدلله على كل حال
حبيت اضع بين يديكم بعض النصايح حتى ربي يتمم لكل وحدة ناوية تحمل عن طريق الحقن المجهري او التلقيح او طفل الانبوب
قبل لا تروحي وقت الترجيع تسبحي وغسلي شعرك ورتبيه ولا تحطي اي روائح عطريه
وقت الترجيع جيبي المعوذات وقولي اللهم اني استودعتك مافي رحمي ورخي جسمج تماما بقدر ما تقدرين
اخرجي من المستشفى وانتي على عربانه لين السيارة حاولي تنسدحين داخلها
لمن توصلين للبيت طبعا راح تكون فترة انتظار النتيجة اسبوعين كامله انسي شي اسمه اني بدخل اتحمم
لا تتسبحين لمدة اسبوعين كاملة لان تخرجين من الحمام يحوشج اشوي برد لا سمح الله والظهر اشوي يكون بارد و مو كل وحدة جسمها يتحمل البرودة
قومي من النوم الصبح ادخلي الحمام غسلي وجهك وامسحي اباطج وتوضئ واخرجي خلي حركاتج خفيفة في المشي
صلاتج تكون كلها وانتي جالسه على الكرسي وخليكي اغلب الاحيان منسدحه خصوصا في الاسبوع الاول من الترجيع
اقري قران مو شرط سورة معينه اقري ولو صفحة واحدة
وقت النوم اقري المعوذات على بطنج
الاسبوع الثاني ابدي تحركي على خفيف داخل البيت امشي حاولي مثلا ترتبين غرفه نومج ولا تفكري تخرجي من البيت ابدا الا يوم التحليل
لا تضحكي بقوه او بصوت عالي خليكي مرتاحه بقدر الامكان
لا تجلسي على سريرج طوال فترة الاسبوعين حاولي تتحركي داخل البيت
ابتعدي ابتعاد كلي عن العطورات
من الافضل والاحسن ان طوال فترة الانتظار تشربين ماي زمزم يقولون زين للرحم
ابتعدي عن اكل الفلفل الحار و ليمون والشاي والقهوة واهمها القرفه لانها مدرة للطمث
خلي اكثر اكلج خيار وخس
اتمنى لكم ذريه صالحه طيبه تنسيكم معاناه الحرمااااااااااان والاماه
اتمنى ما طولت عليكم
حبيبتي مشكووره وماتقصريين عالنصايح
وان شاءالله ربي يرزقنا الذريه الصالحه اجمعيييييين
احنا نذكر بعض فيه بين فترة والثانية
ربي يرحمنا ومايحرمنا
ويعطينا الذرية الصالحه يارب
يمكن نصايحج تساعد في تثبيت التصاق البويضات وربي يرزق كل محرومة يارب عاجلا غير آجلا يارب
*
صح كلامج ماى الورد وبعد الابتعاد عن المنبهات مثل الجاي والقهوة والكاكاو