من امس بالليل للحين الصبح بجي متواصل

كويتيات ولدي عمره اسبوعين حليب اس 26 سببله غازات وامساك موقادر يتحملها والله قاعده اكتبلكم وهو ميت بجي من امس الساعه 11 للحين وهو بجي متواصل عاد توه شريتله حليب ابتاميل كومفرت بس ماعرف طريقة تحضيره وهل هو زين ولا لا؟

شوفي حبيبتي
في رضاعات صناعية متواجدة بالصيدليات
تمنع الغازات عن الطفل
ممتاااااازة جربيها

والحليب انا كنت استخدم سيميلاك حق بنتي خوش حليب

ويارب يهدي ولدج وتروح عنه الغازات ومايشوف شر

عندج ماي غريب الى من الطبيب ترى واااااايد زين , وانا استعمل حق ولدي اس 26 ما في غازات الظاهر انتي تخضين المميه وايد فيصير فقعااااات حطي على بطنه سويله زهورات ملوت البيبي وانشالله ماكو الى العافيه

شوفي حبيبتي اول شي هدي بالج ولا تحاتين ماكو الا الخير

ثاني شي كل طفل يختلف عن الثاني من ناحية تأثير الحليب عليه

اذا تبين حليب غازاته قليلة عندج نان وابتاميل كمفورت

طريقة تحضير الحليب مكتوبة على العلبة

ونصيحتي لج رضعي من صدرج على الأقل أول شهورأريح حق بطنة وعطيه رضعه باليوم حبة حلوة وسكر نبات ولما يشرب كرعي عدل وأكثر من مره

أتمنى أكون فدتج

بنات انا جربت معاه ماي غريب واعشاب ولاكو فايده بطنه متورم حوالين السر الدكاتره قالولي غازات اخوه اللي قبله تعبني 5 شهور بجي من الغازات وماكنت راضيه اغيرله الحليب انا احس حليب 26 كله غازات ويسبب امساك لانه متروس حديد بس انا سؤالي ابتاميل كومفرت اقدر استخدمه على طول ولا حق فترة الغازات بس وبعدين طريقة تحضيره اللي عل علبه كميتها كبيره على مولود حاطين للي عمره اسبوعين كمية 120 مادري احس بغثه جذيه ولا شرايكم

رضعيه رضاعة طبيعية فقط
و وخري عن الصناعي صدقيني أفيد له صدرك
راح تندمين اذا رضعتيه صناعي
الحليب الصناعي تركيبته قوية على معدة الياهل عشان شذيه يسبب له غازات
بس حليب الأم خفيف و مفيد حقه و مفيد حقك من ناحية انك تضعفين بسرعة بدون رجيم
و أوفر من المشترى
بس لا تاكلين اشياء تسبب غازات عشان ما يتعب لما يرضع منك( ابتعدي عن: البقوليات و الفلفل ) و اكلي رهش و شراب البيذان ، و الكراوية عجيبة لأنها تدر الحليب و لما يرضع منك راح تخف الغازات عنه.
و دهني بطنه زين زيتون مقري و عطيه دواء غازات اسمه بمبي قاز من الصيدلية.
صبري لما يصير عمره 4 شهور بالتدريج راح يتحسن
و تقريه عقب الرضاعة

اذا مصممة ترضعينه صناعي عطيه حليب نوفولاك للمغص رقم 1

ابتاميل وااايد زين وتقدرين تستمرين عليه على طول اهو في منه انواع للأطفال الخدج وغيره وعلي حسب العمر والوزن فإنتي إخذي اللي يناسب ولدج وبالنسبة للغازات آنا كنت أفوحله الماي مع حبة هيل خالتي علمتني جذيه وايد زين ومرة بالأسبوع عطيه ماي التمر نقعي التمر بالماي وشخليها وعطيه مايها بس نطري عليه يكمل الشهر وعندج الزهورات وماي غريب هم زينة وتري الياهل بهالسن طبيعي يكون في غازات لي عمر الأربع شهور وفي بعضهم أقل من هلعمر حسب الياهل

طبيعي تصير فيه غازات توه اسبوعين الله يعينج ذكرتيني بمعاناتي رضعيه طبيعي افيدله ولاتعطينه تمر بعده صغير معدته ماتتقبل شغلات وايده عطيه ماي نعناع (تازه) مع حبة سكر نبات وفي دوا غازات بالصيدليه اسمه ( ديسفلا تيل ) ترا وايد زين للغازات أنا للحين اعطيه لبنتي عمرها 4 شهور
الله يحفظه لج

بقول لج تجربتي بالنفاس
اللي للحين محتاجة لمعالج نفسي يطلعني منها كل ماتذكرتها رغم مرور7شهور عليها
بنتي كنت اعطيها سيميلاك ادفانس
بجي مو طبيعي طوال 30يوم
والله ساعتين على بعضهم نوم نادرا ما تحصل لي
ليما اقنعتني وحدة بتغيير الحليب جزاها الله خير
ورشحت لي حليب نان
صج صج فرق صارت بنتي طبيعية
وقدرت انام وارتاح
بس بس ما احب اتذكر هذيك الفترة
للحين لما اشوف حليب سيميلاك بالجمعية او عند احد احس بحقد عليه
نان وبس حبيبي
علما باني جربت ماي غريب
مال المستوصف ومال الجمعيات وشراب بونيسان للاطفال اللي تبع الهملايا
لكن ما انقذني غير نان وبس
لا ومتنت بنتي عليه قبل معصقلة ولا امساك ولا بجي
اللهم لك الحمد
بالنسبة لتغيير الكمية
انا اغير
يعني مكتوب 7ملاعق حليب وماي 180 فوق7 شهور
بس بنتي ماتشربه كله
فاستخدم الكمية اللي حاطينها لبو4اشهر
يعني 5ملاعق وماي150
والله ييسر امورج و يعينج

ذكرتيني في بنتي يوم جبتها

اقعدت تبكي طول الليل وانتفخ بطنها حيل

لما صحت امي الصبح قامت تهاوشني وعطتها ماي نعناع وخلتها نايمه على بطنها

سبحان الله ارتاحت مرة

بس لاتكثرين بس شوية نقط

ابتاميييييل كمفورت موطبيعي انا استخدمه حق ولدي جربي وراح ترتاحيييين عليييييييييييه

انا استعملت ابتاميل كمفورت وايد وايد زين

غيري الحليب و ابتاميل وايد زين ….وفي شي ثاني كنت اسويه سدحي بنتج على ظهرها و مسكي ريولها جنج تبين تغيرين لها بامبرز و رجعي ريولها لي بطنها راح تطلع الغازات و ترتاح ^_^

]disflatyl دوا غازات من الصيدلية ممتاز .. و انا اعطي بنتي بيبيلاك الحمدلله ماشي عليها و كيكيوز و ابتاميل و نوفيلاك ما نسمع يشتكون منهم مثل سيميلاك و اس 26 .. اهم شي لا تاخذين حليب مدعم بالحديد اهو اللي يسبب امساك .. ثاني شي عطيه يانسون جم حبة نقعيها بماي مغلي و عطي باليوم مرتين .. و عندج الدوا اللي قلت لج عنه ممتااز .. احسن من gas
كلش كلش .. مسحي بمنديل جونسون على مكان الخروج عزكم الله و بتشوفين دقيقة او اقل و يرتاح و يريحج بس لا تسوين هالحركة على طول خليتعلم بروحه يدبر اموره .. يعني في الشديد القوي على قولتهم سويها .. و مثل ما قالت لج الاخت خلي ريله تضغط على بطنه و انتي ماسكتهم بيدينج .. و دفيه لفي بطنه ..