من أمريكا جبت لكم خبر اللقاح

السلام عليكم ورحمة الله وبركاته

شلونكم بنات ان شاء الله يأتم الصحة والعافيه؟

حبايبي أنا عايشه بأمريكا والمرض منتشر عندنا وعندكم خير

وشنو عندنا حملات توعويه للتطيعم ضد المرض للحد منه وبدأت الحمله أولا للحوامل بعدين للأطفال ثم للناس كاااااافه وهو اختياري

ومافيه بصراحه مثل اشاعاتكم اللي تضحك شئ يقولون يجيب الشلل وشئ يقولون توحد وشئ مادري شنو!!!!!!!!!!لأن تو وحده أعرفها حامل

وقالت لها دكتورتها لازم تتطعمين فسألتها رفيجتي ماله أثار جانبيه قالت لا أبدا إلا في حالأت نادره جدا تنتفخ مكان التطعيمه أو ينزل الوزن ووحده

ثاثنيه بعد تراجع عند دكتور قال مجازفه انتي إذا ماخذيتي التطعيمه لأنها حامل بعد:: يعني لو فيها شئ أو أي ضرر ماعطوها شعبهم وبدؤا بالأطفال

والحوامل وهذول يخافون عليهم حييييييييييييل ولهم عنايه خاصه جدا……وكل الدكاتره اللي هم الفميلي دكتور لما يجيهم مريضهم يقولهم تطعموا

الحين لأن هذا موسم الفلو ينتشر…

المهم العالم هنيه زحمه طوابير علشان يتطعمون ويفتكون من هالكابوس….

والله يابنات ماكتبت الموضوع اتسلي ولا اجذب الأنتباه أصلا انا قليله التواجد بس اجيك على أخبار ديرتي واطلع

ومن باب من كتم علما يلجم بلجام من ناار أو كما قال الر سول صلى الله عليه وسلم

فإذا حبيتوا تاخذونه استخيروا والخيره فيما اختاره الله..

بنات الله ير ضى عليكم انا بكلامي هذا اللي قلته مو اني أجبركم أو أقنعكم فيه كل وحده وبكيفها أنا حبيت أنقل لكم أخبار المرض هناك وإذا حبيتوا أبلغكم أذا أحد أعرفه أخذ اللقاح

خصوصا اللي عنده عيال فالمدارس وشنو صار بعد اللقاح أبلغكم !

والله يحفظنا ويحفظكم من كل شر

والسلام عليكم ورحمه الله وبركاته

يارب تستر علينا وعلى المسلمين

انا توني دشيت الخامس تقريبا … وخايفه حدي

الله يعين
ومشكوره على النصيحه اختي

مشكوره حبيبتي على النصيحه

انزين احنا شضمنا ان اللقاح الي بامريكا نفس الي عندنا؟؟

اللي اعرفه ان الدكتور الساير وزير الصحة قال ان اللقاح اللي توفر الحين بالكويت ألماني الصنع ، يعنى مالفرق بين الامريكى و الالماني هذا هو السؤال الذي نريد الاجابة الوافية عنه لان شركات عدية صنعت اللقاحات و لا ندري ما هى اعراض هذه اللقاحات.

و الله خير الحافظين ، اللهم اننا نستخيرك فيما نعلم و فيما لا نعلم ، اللهم جنبنا كل شر ،

الماني و لا امريكي و لا سويدي ,,, الكويتي بيهدوون كل شي و يتفرغوون حق نوع الشركة المصنعة للتطعيم !!! صج عجيب امركم !!!و صااجة اختي و انا سمعت انه اهناك يهتموون انه اتصير عندهم مناعة من المرض ,,, يعني اللي يقدر ياخذ التطعيم ما يقول لأ ,, و في بعضهم يبوون يمرضوون عشان لما يطيبون يكتسبوون مناعة ,, و احنا اللي عندنا خايفين من المرض و من التطعيم!!!

طيب حبيبتي انتي اخذتي التطعيمة … واذا كان لك اطفال وطعمتيهم قولي لنا …. ومعليش ابغى تجربة شخص تعرفينه عدل ……

مشكورة

حبيتى مشكورة على المعلومة بس هم حبيت انقل لكم لى انا شفته على قناة الجزيرة مقابلة مع دكتور امريكى وانا شفت المقابلة بنفسى تقريا كانت من شهر او 3 اسابيع حتى المقابلة موجودة على اليوتيوب وكان يحذر وايد من التطعيم وقال انه يسبب عجز جنسى ويسب امراض السرطان واعراضة مراح تبين إلا بعد سنوات علشان محد يشك بالشركة المصنعة للدواء والله انا هذا لى شفته وسمعته وبصراحة يمكن لو على المسجات نقول اشاعات بس هالكلام صدر من دكتور امريكى بالصراحة اقتنعت ومراح انا وعيالى انطعم وطلع هالمرض ما يخرع لى هالدرجة ولا هو خطير الا على الناس لى ما عندهم مناعة او فيهم امراض بصراحة صار فى بنتى والحمدالله طابت بسرعة وحالة حال اى فلونزا بعد بنتى بجم يوم صار معاى فلونزا خفيفة وكحة بدون حرارة بس قلت بروح اطمن واخذ مسحة لأنى حامل بالشهر 4 ولا المفاجأة طلعت النتيجة فلونزا الخنازير والله ان ماصار معاى شى غير الحكة ونشله عادية واالحمد الله خلال 5 ايام مع المضاد ودوى الحكة الحمدالله راحت فليش ناخذ التطعيم اذا كان عليه جدال وماندرى اذا صج له اضرار والله وما ادرى انا بعد هذا رأى وسامحينى على المداخله.

أنا إلي سمعته عن مفتي السعوديه
يقول إن هالمرض دعايه أمريكيه والموضوع كله تهويل
وأنا سامعه بذوني وزير التعليم السعودي يقول المرض مبالغ فيه وماكو ألا العافيه
بس خايفين من مرضى الربو وكبار السن

حبيبتي احنا ما نهول

اقل شي اليوتيوب وكتبيswine flu vaccine وشوفي المقابلات مع الدكاتره الامريكان يحذرون منه وشوفي حتى اراء الاجانب باليوتيوب كلهم كاتبين انهم ما راح يطعمون

ليش اوباما طعم بناته يبي يقنع الشعب الامريكي حتى قال بيطعم عالهوا مباشره والناس قالت بيقص علينا ويحط ماي وملح وكله عاليوتيوب

يعني مو سوالف عرب وخرابيط

انتي طعمتي ؟؟

الله يحفظ الجميع

حبيبتي انا بامريكا ومحد طعم عندنا ودكتوره بنتي قالت لنا لا تطعمونها لانه مو مضمون حتى دكاترتي بالجامعه محد ينصح مادري شلون بولايتج طوابير غريبه !!!!!!!!!!!
انا ما اشكك بمعلوماتج بس يمكن دككتورج همه الربح المادي لان في دكاتره ما همهم الا الفلوس

الله الحاافظ يا بنااات ..

والله مالكم الا الدعاااء .. وتقوية المناعة حيلكم باليانسوون والعسل الطبيعي ..

والله الحافظ ياارب ..