منو يفيدني ؟ عندي شهادات دورات غير البكالوريوس شلون أسجل بالديوان واستفيد من شهاداتي

مرحبا بناااات ,,,

عندي استفسار ؟

اللي اعرفه ان التسجيل بالديوان يصير عن طريق التليفون صح ؟؟

بس سؤالي اهو ؟؟

اذا سجلت بالتليفون شلون راح يعرفون ان عندي شهادات من معهد كمبيوتر غير شهادتي اللي بتوظف فيها ؟ يعني غير تخصصي الاساسي..

انا داشه دورات عشان يكون السي في (C.V) بيرفكت ومزبووط

فـ شلون يعرفون اوراقي اذا بسجل بالتليفون ..

يعني اقصد شلون بعطيهم ال c.v. مالتي

حرام داشه دورات وحاله واخر شي ما يحسبولي شهاداتي ويوظفوني بمكان عادي

اللي تعرف بالموضوع وعندها خلفيه .. تساعدني بـ معلوماتها ..

وشكرآآ مقدمآآ لكم

ما اعتقد الديوان له علاقه بالشهادات ملوت الدورات

الشهادات ملوت الدورات اللي يعترف فيها الديوان اهي اللي تكون مصدقه من التطبيقي

يعني لازم تروحين التطبيقي تمتحنين واذا نجحتي اهمه يدزون شهادتج للديوان

هاذا اللي انا اعرفه حسب معلوماتي

لكن شهاده غير تخصصج شتفيدج فيه !؟

حياتي ما اعتقد تقدرين تحطينهم بالديوان قبل لا تتوظفين
يعني اذا توظفتي تقدرين تحطينهم بملفج
او
انج لما تقدمين باليد تقدرين تحطينهم مع اوراقج انتي عاد والجهه الي رايحتلها
انا نفسج عندي شهادات من تخصصي وبره
الديوان ما اخذ منهم شي قالو اذا توظفتي بالوزاره حطيهم بملفج يمكن يفيدج بالترقيات وتوابعه
اما لما كنت اقدم على الهيئات والمؤسسات كنت احط شهاداتي كلها عادي ماعندهم مشكله

موفقه حبيبتي

الديوان ما يطلب سي في ولا شي ..

بعدين ما اعتقد التسجيل بالتلفون .. التسجيل بالنت من موقع الديوان

هذا اللي اعرفه

صح الديوان ما يقبل شيء .. غير الشهادة ..
قصدي ما يعترف بالسي في ..

فاتوقع مقر عملج يمكن يكون مهتم بالسي في أكثر ..
موفقة

مشكورين بنات مآآ قصرتوا ..

خلاص سجلت وعرفت ان لما يطلع اسمي يالله عقب ادزلهم اوراقي وكل شي