منو ولدت بدار الشفا عند الدكتوره نااهده ؟؟

السلااام علييكم

بناات بغيت اسأل و ابييكم تفيدووني اذاا سمحتوا منو ولدت بدار الشفا و شلون خدمتهم
و اللي ولدت عند ناهده العلي بعد ياااليت تقولي تجربتها و شراايكم ,,,

وانا اطالب معاج ياريت يفيدونا البنات

حبايبي قبل سنتين كانت مولدتني ناهدة العلي في دار الشفا بس تصدقين المستشفى عليه زحمة مو طبيعية والسسترات مو قادرين يلحقون على حالات الولادة يعني ما تقابلج وتدلعج السستر أثناء الطلق مع أ،ي رايحه لهم الفجر توقعت بيكون خفبف الزحمة وطبعا توقعي ينقعونج بجناح الولاده على ماتفضالج غرفة يصعدونج لها هدا الكلام قبل سنتين فما بالكم ألحين وعالعموم مسالة حظ يانصيب وبالنسبة للدكتورة ناهدة تجيج ليصارلج 8سم يعني على طلعة الراس وهي تهبل معاملتها وخياطها أحلى تجميلي طبعا وطلع حسابي كامل 500 غرفة عادية للعلم ماحطولي طلق ولا تحاميل والحين بولد قولو ماشاء الله عند ناهدة بس بغير المستشفى الى المواساة يمدحون عنايتهم أوالسلام ومحتاره للحين وين

انا انصحج برويال حياة جناح ليلى غرفة ملكية روعه وحسابج مع دكتورتج مايزيد عن 600 يا بلاش ورعاية روعه

انا ولدت بدار الشفا اخر 3 عند الدكتورة ناهده
السسترات ماهدوني ولا لحظة عناية ورعاية روووعة ولما ولدت استانسو اكثر مني
وبعد الولادة تقريبا كلهم طلو علي، نفسيتهم وايد حلوة
والدكتورة الله يعطيها العافيه ماقصرت وقفت عند راسي قرت قرآن
وكل شوي تذكرني ادعي حق اهلج
ويتلي قبل مايصيرلي 8سم

انا انشالله ناوية اولد عند الدكتورة ناهدة بدار الشفا

بس شلون على طريقة الغرف انا ابي ملكي

ومرة رحت بشوفهم قالولي فل اخاف ما القى غرف على حظي …..

مشكورين بنات

بس اناا مو شرط عندي الملكي حتى لو غرفه عاديه لاني الصراحه ما ابي اسوي استقبال و خرابيط انا راايحه اولد ان شاء الله و اطلع لاني تعاملت مع الصبااح و زبااله

حبيبتي المستشفى عنايته لا يعلى عليها
والدكتوره ناهده ماشاء الله حدها شاطره
الله يولدكم بالسلامه

فيدونا حبايبي عن الخياط التجميلي عند ناهد وبجم وخياطها اوكي

انا ولدتني ناهدة قبل4 سنين بدار الشفا بس من الاول كنت ادري انها قيصرية لاني بجر وراس البيبي كان فوق والحمدلله على كل حال

دار الشفا ما علي كلام خدمتهم وسستراتهم يهبلووووووون وعنايتهم غير المستشفيات الثانيه و ولدت في مرتين اما على د. ناهده العلي تهبل واااااااااااااااااااايد حبوبه وتحسين براحه معاها جنها امج وتجي بسرعه لما يدقون عليها المستشفى

حبيبتي انا ولدت قبل سنتين في دار الشفاء و الدكتوره ناهده اهي اللي ولدتني و ماشالله ماقصرت معاي بالولادة و بالخياط اللي يهبل و الله و هم السسترات يهبلون و حنونين و خدمتهم اتهبل و اهم شي الصراحه النظافه ياحلات غرفة الولادة الخاصه اللي يدخلون الاهل معاج الصراحه اتهبل و نظيفه و مريحه و هم غرفتي كانت بالجناح الملكي يهبل و نظيفه و الخدمة ولا اروع و هم ماشالله اكلهم حلو و عموما المستشفى ماعليه كلام انصحكم فيه يا بنات …..

رفع ………….

ما شاء الله دكتورة ناهدة سمعتها بخور شكلي بجربها
الله يهون على الجميع مع التحية……………….

آنا وأختي ولدنا في دار الشفا وعند ناهدة العلي وبصراحة خوووووووش مستشفى وسعره مقارنة بالمستشفيات الثانية أرخص وغرفهم وايد حلوة وكبير وخدمتهم من أروع مايمكن ….. أم الدكتورة وايدوايد زينة وحبوبة …. توكلي على الله والله يهون عليج