منو وشلون سألوا عن زوجك قبل الخطبة ؟

السلام عليكم

طبعا انا اؤمن ان كل شيء قضاء وقدر ، بس همن اقول ان احد الاشياء اللي تساعد في تلافي مشاكل زوجية مستقبلية

تفضلي ادلي بدولك في
* هل السؤال عن الخطيب قبل الزواج له اهميته ؟

* هل يمكن تلافي مشاكل تخص اطباعه او اهله من خلال السؤال ؟

* وين ممكن نسأل عنه ؟

* هل الحل بالزواج من الاقارب لانهم الاضمن يعني مكشوف اغلب ااشياء ؟

السؤال مهم …. لان عل اقل الاشياء العامه تكون زينه
بشكل عام ايي بس اذا اشياء خصوصيه محد بيعرفها الا بالعشره
الديوانيات – الجيران-الدوام

هل اايام حتى الاقارب مو مضمونين الصراحه

تهقين الاخوان يتعبون حالهم يسالون عن خطيب اختهم ؟

موضوع حلو وايد ومفيد اشكرج عليح

اجاباتي كالتالي

* هل السؤال عن الخطيب قبل الزواج له اهميته ؟
طبعا مهم جدا جداااا جداااااااااااااا وضروري ولاغنا عنه واجل وابصم بالعشر

* هل يمكن تلافي مشاكل تخص اطباعه او اهله من خلال السؤال ؟
مانتلافا مشكله او نحلها فيهم
بس نكتشف عن الحطيب المتقدم واهله وعن اطباعهم واخلاقهم وعلي اساسه نقرر اذا كان مناسب للزواج او لا
ياما ناس ذهب تسئلين عن الولد يطلع رايح فيها وراعي خرابيط وسفرات
او يطلع مايدل وين المسيد قايل ومن القزيزه العريقين
او راعي شرب وخرابيط
ويا العكس الصبي ذهبه مايتطوف ووظيفه اتهبل بس يقولولكم ديرو بالكم خواته عوبان او امه مشهوره انها نسره او او او او

* وين ممكن نسأل عنه ؟

الدواوين اللي يروحلها
ييرانهم
اللي وياه بالدوام
ناس تعرف نسباهم ولازك يكونون ثقه
والمسيد الاقرب لبيتهم

* هل الحل بالزواج من الاقارب لانهم الاضمن يعني مكشوف اغلب ااشياء ؟
ما اايد زواج الاقارب
مشاكله اكثر من فوايده
وفي مثل كويتي يقول بعد اللحم عن اللحم لايخيس
وياما خوات تكارهو لما تناسبو الام تميل لبنتها والثانيه لودلها وتاليتها تكارهو

تفضلي ادلي بدولك في
* هل السؤال عن الخطيب قبل الزواج له اهميته ؟

اكيد شلون نتزوج من غير سؤال
خاصه لو كان غريب ( يعني ماهو من العمومه )

* هل يمكن تلافي مشاكل تخص اطباعه او اهله من خلال السؤال ؟
اكيد

* وين ممكن نسأل عنه ؟
اخوانج يسألون ديوانيه جيرانهم ( جيران المعرس )
او مكان عمله
يشووفوون اهوا منو مرافج ..
امام المسجد القريب من بيتهم
يسألون اي احد له علاقه به

* هل الحل بالزواج من الاقارب لانهم الاضمن يعني مكشوف اغلب ااشياء ؟
لا مو شرط في اشياء حتى لو كان قريب ما تكون معروفه .. هذه تعرفينها من خلال ربعه و عمله

بالنسبه لي انا شخصيا اخواني سألوا عن ريلي بس ما سألوا عدل لانه معرووف بالنسبه لهم كثير ..

هالوقت إختفت الصراحه عند الناس , حتى لو في عيوب الدنيا كلها , يقولولج خوووش ريال مسمي و مصلي.
السؤال عن الريال يبيله وقت , و عدم التسرع في اتخاذ القرار.

اكيد يسألون هم معطينه اختهم مو جيس بطاط ؟؟
لازم يسألووون

خوش كلام والله يبرد قلبك بالزوج واهل الزوج والذريه الصالحة

هل السؤال عن الخطيب قبل الزواج له اهميته
طبعا له اهميته واهميته كبيره واااااايد لان ممكن تعرفين اخلاق الزوج ومدى ديانته من خلال السؤال
هل يمكن تلافي مشاكل تخص اطباعه او اهله من خلال السؤال ؟
اكيد يعني لو مثلا عنده اخ مدمن والبيت سايب على حل شعره مثل ما يقولون فاكيد البنت ماراح توافق
* وين ممكن نسأل عنه ؟
طبعا اهلها يسالون عنه بالدوام وبفريجهم ويسالون عن ربعه وعند امام المسجد اذا كان يروح صلاة الجمعه او لا وممكن اذا كانت له انشطه مثل كره قدم باحد النوادي هم بعد يسالون عنه هناك
* هل الحل بالزواج من الاقارب لانهم الاضمن يعني مكشوف اغلب ااشياء ؟
لا طبعا انا مو من مؤيدين زواج الاقارب لان الامراض راح تكثر والخلافات بين الزوجين ممكن تاثر على الاسره والتنويع حلو مثل ما يقولون ويدي الله يرحمه دايما يقول الاقارب عقارب فالواحد يبعد عن الشر احسن له

والله السؤال حده ظروري إذا الخطبة كانت تقليدية لاتعرفيينه ولا يعرفج وهم ما تلحقين مع شباب هالايام ,, تسألين عنه ابفريجهم مسيدهم دوامه ديوانييته معارفه يعني الرياييل لين يو يسألون يدوروون صح ,, وماكو فرق بين الزواج التقلييدي و الزواج بين الاهل كله واحد مو شرط من الاهل يعني ما عنده سوالف برانية ,, اهله بعض المرات يكونوون منغشين فيه ايي تعالي بقولج ذلك اليوم وحده تقول ان اهي تسأل عن اللي متقدم لها بمستشفى الامراض العقليه إذا عنده ملف ولا لأ ,, انا أسأل بالتأمينات عشان تطلعيين بياناته من ناحيه جنسيته والماده وجذيه ,, و بالعدل إذا كان عليه قضايا او شي ,, تخافين والله

الصراحه هالايام اى واحد تسالونه عن العريس الغبره يقولون لج خوش ريال وهم يدرون انه قيه عيوب بس يقولون احنا شكو مالنا شغل بالمشاكل والله وفى ناس اعرفهم بنتهم انخطبت راحو اسالو اخت الولد اشرايج فى اخوج قالتلهم اخوى جدامنا زين روحو سالو عنه بالدواوين ووين يروح ووين يقعد هذا زواج مو لعب

* هل السؤال عن الخطيب قبل الزواج له اهميته ؟

اكيد مهم و لايمكن ناس تزوج بناتها بدون السؤال عن الخطيب

* هل يمكن تلافي مشاكل تخص اطباعه او اهله من خلال السؤال ؟

اكيد ممكن تتلافين بعض الاشياء بس مو كلها و خصوصا اذا ما فيه مصداقيه من المصدر اللي سالتوهم عنه

* وين ممكن نسأل عنه ؟

دوامه
جيرانهم
الدواوين اللي يروح لها
ربعه و من يقعد معاهم
ناس يعرفونهم او من مناسبهم

* هل الحل بالزواج من الاقارب لانهم الاضمن يعني مكشوف اغلب ااشياء ؟

لا مو الحل الزواج من الاقارب .. لان حتى الاقارب وقت الزواج في اشياء يغطونها عن البنت و اهلها ..ماكو احد يطلع الشين بعياله و خاصه وقت الزواج

و شكرا على الموضوع

والله السؤال ضروري..بس الاكثر ضرورة ان لما ينسئل الواحد عن الريال يقول الصج…الناس صاروا يخشون سيئات الريال…يقول لج مانقطع نصيب احد،، والنتيجة يطلع الريال ماله خلق مسئوليه، ولا خامر، ولارايح فيها،، والموضة الجديدة هالايام مخدرات وجنس ثالث اعوذ بالله، الله لايبلي احد،، ولما يصير الطلاق..هذا مو نصيب للبنية اخترب وضاعت …

ووين يسألون بصراحة بكل مكان,,, بس انا انصح يسألون الحريم،، ساعات يفلتون شي يسوى..

خوش موضوع،،،تسلم ايدج