منو من عيالها في فتحه بالقلب تدخل

السلام عليكم انا توني والده بالسلامه ويبت بنوته وفحصوها وقالولي ان فيها فتحه بالقلب يقولون اتسكر ابروحها الي عندها ولد ولا بنت وحالتها نفس حالة بنتي تقولي وتبشرني خير ان شاء الله اليل ما انامه من كثر التفكير وانا نفاس ونفسيتي صفر ناطره ردودكم الله. يخليكم والي ماعندها فكره تدعيلي وجزاكم الله خير

13مشاهده ولا رد ولا دعاء جزاكم الله خير على الاقل رفعوا الموضوع

حبيبتي انا توني طالعه من الاربعين وقالواي نفس الشي اسبوعين ورديت راجعتهم ولا قالوا لي تصكرت ولله الحمد
انتي راجعيهث بعد اسبوعين وشوفي حجم الفتحه جم مل وجم وحدة فيها
ولا تخافين تتصكر حدها لست شهور شي طبيعي
بعد عمري حاسه فيج لانه مريت بنفس المحاتاه لا نوم وكله تفكير وبجي وخوف بس الحمدالله تصكرت الفتحه وبنتين عمرها الحين شهرين

الله يخليهاا لج ويحرسهااا

ان شااءالله البنات يطمنونج

اي حبيبتي يتسكر بروحه ان شاء الله
واحد من اهلنا يوم صار عمره سنتين تسكر

لا تحاتين يا قلبي ولد اختي كان جذي والحمدالله سكرت مثل ما قالوا وهذا اهو طيب تبارك الرحمن وولد اخو رفيجتي وولد حماي وكلهم تجارب جدامي والحمدالله ما عليهم لا تحاتين وما عليها الا العافيه انشالله

شي طبيعي الثقب بالقلب وااايد يهال جذي
لا تحاتين بتتصكر ان شالله
الله يطمن بالج عليها

الحمدلله انهم قالو تتسكر بروحها ولا تحاتين
تبين استشاري يطمنج روحي خل يفحصها لج

يعطيكم العافيه اللي رديتوا طمنتوا قلبي انا متوكله على الله وان شاءالله مافي الا كل خير الحمدالله يارب

الله يشافيها ويشافي كل مريض
لا تحاتين حبيبتي ولد اختي وبنت رفيجتي قالوا لهم راح تسكر ولله الحمد تسكرت ومافيهم الا العافيه بس جم اخذو علما تسكرت والله ماذكر بس ماطول

قولي الحمد لله طلع هالشئ ولاشي اقوي
الله يخليها لج وتشوفينها عروس

حبيبتي الامر عادي أنا بنتي ثلالث فتحات وسكرت وحده وباجي ثنتين وعمرها حاليا ٤سنوات وانا اراجع عند استشاري وقالي الفتحات ماتضر وممكن تعيش معاها مدى الحياه راح اتلاحظين مع المراجعات انها تصغر بسرعه لا تحاتين وطبيعي الياهل كافيه شي ولا ماطلعوها معاج من الطبيب وصار مراجعات بنتي كل سنه بس نسوي سونار قلب نجيك عليها بس لا ادويه ولا تدخل جراحي كلش ونامي واشبعي نوم واكلي وتنفسي عدل.

الله يخليها لج يارب

لاتحاتين باذن الله تتصكر ان شاء الله الله يخليها لج يارب

اختي فيها فتحه بالقلب

الحين عمرها 26 سنه ومتزوجه وعندها عيال ماشاءالله

لا تحاتين وعسى ربي يبلغج فيها

بنتي ثلاث فتحات بالقلب وعمرها الحين سنتين ونص بس بعد ما سكروا ،،، الله يشفيها ويشفي بنتك وجميع أطفال المسلمين آمييين