منو معاشها اقوى من معاش ريلها ؟؟ وبهالحاله شتسوي ؟

السلام عليكم

شلونكم بنات والله مشتاقتلكم وايد

انا عندي موضوع شوي يبيله تركيز

يعني الحين الريال لازم يصرف على زوجته حتى لو عندها معاش

بس اذا كان معاش مرته اقوى من معاشه ؟؟ بهالحاله شلون تتصرف المره يعي حتى احس فشلة اقول له عطني وانا عندي

لاني شفت بنات يقولون حتى انتي تشتغلين طلبي من زوجج

انا احس ان اغلب المصروف صار علي وريلي من النوع الي مايمسك ايده

شسوي يابنات وقوليلي تجاربكم ومنو الى معاشها اقوى من زوجها

حياتي الحياة مشاركة فما اتوقع السالفه يبيلها تفكير

اهوا يصرف صح لكن لازم يكون التعاون بينكم موجود مافيها شي

ومسالة البنات يقولون حتى لو انتي تشتغلين اخذي من زوجج فوايد من حجي الناس ماله داعي

يعني تشوفينها تقولج شي مني وبعدها تشوفين اللي تسويه غير ..

ماعليج من احد حياتي وحطي بالج على بيتج واذا شفتي ريلج محتاج ساعديه من غير ما يطلب

لكن مساله اغلب الوقت انتي تصرفين مافيها شي الدنيا تغيرت ولازم كل واحد فيكم يشيل الثاني ..

لا تحاتين قلبي وحطي بالج على نفسج وبيتج وريلج وعيشي حياتج ..

موفقه ياارب ^_^

شوفي اهم شي الأساسيات الي المفروض الريا ل ايسويها اهوه ايسويها يعني , اجار شقتج اذا مأجرة برة وماجله البيت المفروض اهوة الي يتكفل فيها اما عن المصروف اذا معاشج مكفيج وهوه ما عندة راعيه وفكري دايما ان لو عنده اكيد ما اقصر وبالنسبة لمعاش الخدامه هذا تقدرون تتفقون عليه والله يوفقكم

مادري انا بعدي مو متوظفة بس احب ان ريلي اهو يصرف علي

ولو توظفت انا قتله نجمع معاشي حق الطوارئ او حق سفر يعني بحالات لمن بخاطرنا نسافر ما نحاتي شي

ريلي ماراح يصدق متى اشتغل عشان اصرف على نفسي من معاشي

هنه معاشي اكثر من ريلي لكن اهوا الي يصرف علي البيت. بس انا مثلا اضا طالعه و مريت الجمعيه انا ادفع او رايحه السوق بروحي انا اشتري هدوم اليهال. بالاخير ماكو فرق بيني و بينه

اذا انتي منتي محتاجة مو شرط يصرف عليج اقصد يعطيج بيدج مبلغ كل شهر !!

ع الاقل لا تسوقتوا للبيت يدفع هو .. وفاتورة موبايلج يدفعها ..

ولاطلعتوا مطعم هو يدفع ..

ولا تسوقتي لاغراضج وهو معاج يدفع

اظن هذا كافي؟

شوفي حبيبتي آنا متفقة مع زوجي إنه يحول لي مصرف ثابت كل شهر على قد ميزانيته وراتبه وآنا أجيل فيها البيت أو أسوي اللي محتاجينه بالبيت و طلبات اليهال وهو يدري ان اللي يعطينا اياه ما يكفي وبما اني موظفه أسد عنه الأشياء الثانية طبعاً مصرفي و معاشات الخدم ولأني اخترت مدارس خاصة لعيالي وكان قراري فآنا أدفع الرسوم ومرات حتى السفرات تكون مشتركة بس والله الجايد علي وهو واييييييييد مقدر هالشي ويعترف بعد عمري ان مقصر بس ما باليد حيله مع الغلاة
والحياة مشاركة وتعاون بس لازم اتحرصين ان يبين بعينه مو يآكل ويمش بالطوفه ولا حمد ولا شكر

لازم ؟؟
طبعا لا شرعا ولا قانونا المرة ملزومة تصرف الا باختيارها

يا ريت تقؤأين هالموضوع يفيدج :

اضغط

جعاصة رجل … وكرم امرأة .. عندما تقوم المرأة بواجب الرجل في النفقة !!

شكراااااااااااااااااااا على الموضوع …

@@@@@@@@@@@@@@@@@@@@@@@@@@@@@@@@@@@@@@@@

دخلوا الموضوع :

ناطرينكم ترا … والا بنسويلكم الغاء قبض

الحياه مشاركه بس انتي لا تسوين نفسج كريمه جدامه عشان ماياخذ عليج ويبطل يصرف ويخش الفلوس حق المرا الثانيه يأختي!! لا شفتي كرمه عاد انتي ابدي بكرمج بس بلمعقول وترا احنا احسن من الهنود الي المرا المهر عليها والبيت عليها والمصروف عليها مو مرا هذي طرزان والله مساكين

والله انا بس ينزل معاشي كلش ما باخذ منه حراام معاشه ضعيف وكله علي انا وعالبيت لا قعد يطلع ولا يستانس وبعدين انان وريلي واحد كل واحد فينا يشيل الثاني

مآبي أشيشج بس شرعآ وعرفآ الرجآل ملزوم بمرته حتى لو كآنت مليونيرة وهو فقير ولو تحرق فلوسهآ مآله حق يسألهآ ليش ؟ ووين وديتيهم ؟

يعني لو كآن على قد حآله يصرف عليج بس حسب استطآعته مو ع اللي تبين

وهذآ يوقفنآ على مسألة دعآ لهآ الاسلآم التكآفؤ يعني الرجآل يكون بنفس مستوى زوجته عشآن مآتصير مشآكل بسبب المآدة

أخيرآ وقتنآ تغير والمصآريف زآدت ومسألة الحآجآت فالبيت يبيلهآ منآقشة بين المرة وزوجهآ وعاللي يتفقون عليه لو زوجج طيب معآج شيلي نفسج وخلي مصآريف البيت عليه

انا ملاحظه وايد بنات بالمنتدى ينصحون غيرهم ان الوحده لازم تاخذ من ريلها مبلغ و انه راتبها لها اهيا و بس..مادري هالكلام صج و الا مو دقيق و بس يحبون يتباهون عالفاضي..!
طبعا هالشي لاحظته من وايد مواضيع مو قصدي هالموضوع..
بس بشكل عام الحياه مشاركه و اذا الريال راتبه على قده مافي مانع ان الزوجه تخفف عليه

مثل ماقالوا البنات الحياة مشاركه
بس اذا انتي مستحيه ان راتبج اكثر منه وشلون تصرفين
عندي لج فكرة خشي نص معاشج حق المستقبل لان وراج بيت تبين تبنينه وتأثينه لان قرض الاسكان مراح يكفي
او حق عيالج بالمستقبل او حق اي شي ضروري
( وطبعا انسيهم لا تفسفسينهم على الفاضي )
وعادي بعدين تصرفي ان هذا معاشج بهذا المبلغ

فكري فيها
وانتي حره