منو مرت عليها هالحالة تكفووووون

قوة بنات شلونكم …
بنات أنا عندي استفسار بسيط ..
أنا حامل بالشهر الثامن تحديدا 34 إسبوع وبأخر زيارة حق الدكتورة قالتلي راس الياهل للحين فوق
وعلى الزيارة اليايه يعني بعد اسبوعين يعني الأحد الياي باذن الله بتسويلي سونار عشان تتأكد
واذا كان فوق للحين بتحولني للمستشفى !!!!
بنات تهقون الياهل بينزل راسه ؟؟؟ وممكن ينزله بآخر لحظة على قولتهم ؟؟؟ مع العلم اني بجر والناس قالولي لازم من السابع ينزل ؟؟؟
واذا مانزل يعني بيسولي قيصريه ؟؟؟ الله لا يقوووول
تكفوووووووووووووووووون طمنوني منو حالتها نفس حالتي ؟؟؟
تكفووووووووووووووووووووووووووووووووووووووووووووووو وووووووووووووووون لا تحقروني وايد قاعده احاتي
ويعطيكم العافية

ماعندي فكرة

بس الله يكتبلج مافيه الخير ويعطيج على قد نيتج
وتولدين بالسلامه انشالله

من دعــاء الحامــل لــهــذا الجنين مـايــلي ( اللهـم انـي أسألك ان تجـعلــه أمــه واحــدة , اللهــم انــي أسألك ان تجــعلـه مسلمــاً مــؤمنا , اللهـم انــي اسألك ان تجـعله من الدعــاة الصادقين المخلصين .)
اللـهم انــي أسألك ان تـرزقــه الشهــادة بعـد طــول عمــر وحسـن عمل , اللـهــم اجعــله قــرة عين لــي ولـوالده ولاخـواني المسلمين , اللـهــم أنــي أعـيـذه وذريــتة من الشيطان الرجيــم , اللهــم سـهـل حـمـلــه , وسـهــل ولادتــه , ويسـر سبيله انت الذي خلقــته , انت الذي أنشــأتـه وســويتــه وعـدلتــه
ابــرا اليك من حــولي ومن قوتــي لااله الا انت , اللهـم احفظـه من بين يـديــه ومن خلفــه وعن يمينــه وعن شمــاله , واقــذف التـوحيــد في قلبــه واعنــي علي تربيتــه يا أرحــم الراحميـــن , اللهــم اجعله من المجــددين لدينك , ومن المحبين لسنــة نبيك محمد صلي الله عليـه وســلم محمد صلي الله عليـه.

الله يطمن قلبج بس لا تحاتين في ناس بنفس الوقت ينزل راس الياهل

وان شاء الله خير بس كثري من المشي

وايد كانو نفسج والله سهل عليهم

حدي خايفة تكفووون ادعووووووووووووولي

لا تخافين حبيبتي عسي الله يسهل عليج يارب

بس لا تفكرين وتوسوسين

الله يهون عليج حبيبتي

حاولي تطولين وانتي ساجده واحبي على ريولج الاربع مثل الياهل عشان انشالله يقلب الراس تحت وامشي على تراب البحر وااايد زين بأذن الله

وانا ولدت قيصريه عشان الراس فوق بس انا بصراحه اهملت نفسي مامشيت ولاسويت شي لاني بجر وماعرف وقالولي الراس فوق وكان عندي عادي لان ماعرف بس انتي انشالله بالمستشفى يحاولون يفرونه لان انا ماقدروا يفرونه عشان كان معااي ضغط مرتفع

وان شاء الله تولدين طبيعي

ادعولي بنات اولد طبيعي المره هذي

لا تحتاتين خيتو انشالله ماكو الا الخير وراس البيبي ينزل تحت بس انتي مثل ماقالت ام نورا احبي يقولون يقلب الياهل وينزل الراس والله يارب يسهل عليج

حبيبتي أسبوعين مدة كافية ان الياهل اغير وضعه وينزل الرأس تحت خصوصاً انج بجر …. الله يهون عليج وتولدين بالسلامة انشاء الله

ان شاء الله بعد اسبوعين يكون نزل لاتحاتين حبيبتي الله يسهل عليج الولاده ان شاء الله

أنا بعد سويت سونار و الدكتور قال لي مفروض راس الياهل يكون تحت لاني بكرية الحين توني بدش السادس و الدكتور قال لي ممكن يقلب في اي وقت بس في الشهر التاسع لازم يكون تحت يعني كلنا في الهوا سوا و ربك يسهل

أختي انتي نفس حااااالتي بالضبط

انا كنت أراجع بخاص ومابي أقول وين لأني كرهته وأحس للحين إنه تجاري وأنا ألحين أقولج ليش؟

الله يسلمج طول حمالي وأنا أراجع بالخاص لحد ماصارلي 8أشهر وأسبوعين (يعني ماخلصت 9أشهر)

فقالت لي الدكتوره وهي حيل معروفه إنه راس الجاهل فوق وماراح يلف(قالتلي إياها باللفظ) فقلتلها شدراج إنه ماراح يلف فقالت اخذينها مني ماراح يلف.ادخلي الحين أسويلج عمليه!!!!!! طبعا أنا
لأن أنا بعد ماكملت شري فاحتمال كبير إنه يلف وبناااااااااات شكثر قالوا إنه صار معاهم ولم الجاهل وقت الطلق وفي ناس نصحوني إن أحبي(أزحف)نفس الصغار وطبعا هذا الشي سبحان الله مادري من شنوصار لأن أنا كنت طول حمالي أمشي يعني موقاعده ماتحرك لأني طالبه بالجامعه

المهم بما أن عنواني عالصباح رحت بسرعه فتحتلي ملف وكان طلقي بارد فدخلوني جناح الولاده ومادري شساالفه لأن هذا أول حمال لي!!

وقالوا بيحطولي طلق صناعي عشان يولودوني طبيعي فقلت لهم في وحده مره نفسي ولدوها طبيعي واعلق راس الجهل واختنق وحولوها عمليه(وحده خرعتني بهالسالفه الله يساااامحها)
فضحكت الدكتوره قالت هذا الاحتمال 1% لاتحاتين
بصراحه كانوا الحمدلله رب العالمين حيل حبوبين والدكتورتين كويتيات وصغار بعد

المهم كنت لآخر لحظه أدعي إن الجاهل يلف وأبت مروءته ومالف

بعدين حطولي بنج وتخدرت وبعدين اللو وعيته بس إني كتن حيل أطلق وشالوني ودوني غرفه بروحي وحطوني على كرسي اللي له علاقتين(طبعا هذا أفضل سرير للولاده) ودكتوره ولدتني

طبعا الجاهل نزل أول شي طلع مقعده وبعدين رجوله على وجهه(سبحان الله)

والحمدلله ولدت طبيعي

على فكره اقترحوا علي الصباح إن يلفون راس الجاهل بس أنا مارضيت لأن سألت استشاري وقالي إن هالشي موسهل

آآآسفه عالإطاله بس أنا حسه باللي انتي فيه عشان جذي كتبت بالتفصيل

أنا حاضره لأي سؤال

على فكره خلج عالحكووووووووووووومه لانها هي اللي تتحمل المسؤوليه أما الخاص فيدور سمعته ولو صار شي للجاهل ترى يحولونج عالحكومه

احبي على ريولج وااايد بالدري عن تجربة

والله انتي نفس حالتي ببجري وانا الحين بالثاني تصدقين عاد قصتي كتبتها رد حق وحدة نفس حالتج بس شكلي بحطها موضوع علشان اللي نفس الحالة يستفيدون لا تحاتين ولا تخافين انا كنت بجر وأتمنننننى اولد طبيعي وكل شي سويت باختصار حبيت سجدت رفعت ريولي عالطوفة صرت (أرقوزة) باختصار انا وبطني مت مت من البجي ومابقا دكتور مافتحت ملف عنده على اساس اسمع غير هالحجي واولد طبيعي بس آخر شي استخرت سبحان الله غيرت رايي والحمدلله ولدت قيصرية وسهااااله عالاقل الحمدلله البيبي سليم وانا بصحتي ماعوبلوا فينا ولا صار شي تصدقين عاد الحين انا بين البينين بس لو يتكرر الموقف اقول قيصرية واتوكل على الله

انا في بجري كان طووووووووول حمالتي راسه فوق وباخر اسبوع من الشهر التاسع نزل تحت سبحانه ربي تساهيل من الله

ومرت اخوي في بجرها منومينها في المستشفه عشان بيسون لها عمليه لانه راسه فوق ومادري بعد في شي ثاني بالمشيمه
والله انها لبسوها لبس العمليات وجهزوا الغرفه وحلقو بطنها واهيا داخل بالعمليه اخر سونار لها صار راسه تحت سبحان الله يعني ابو دقايق وتغير الوضع وجابت طبيعي الحمدلله لا تيأسين من رحمه ربج ولا تنسين الدعاء

حبيبتي عادي ممكن باي لحظة يفتر انا الحين معاج بالسبوع 34 ويوم الاحد عندي مراجعة والحمد لله راس الياهل تحت من الشهر السادس يفتر يمين ويسار ويرد انا في بنتي كان الراس تحت ولدتها قيصرية موشرط بس الحين بولد طبيعي ودكتوري قالي الي تولد الاول قيصرية الثاني ممكن تيبه طبيعي اما مرتين قيصرية الثالث راح يكون قيصرية —
لاتحاتين السهاله من الله وبعدين نصيحة الي راس بيبيها فوق واهيا بولادة تفتح بطنها وايد احسن انا بنت خالي كان راس ولدها فوق والاثول الدكتور الا بينزله من ريلة غلللللللللللللللللط لان الياهل تمصع شوي واهيا انشقت وصار فيها نزيف حطلها شاش 3 نتر وثلج يومين وقالها لو ما وقف الدم راح اشيل رحمج تكفون واهيا بكر وعمرها 21 ويشيل رحمها حراااااااااااااااااااام نصيحتي الي فيها تعب والراس فوق ومافتر لي موعد الولادة تفتح بطنها