ابي تجاربكم لأبرة الظهر بدار الشفا للولاده الطبيعيه
وعند منو ؟
ورحتي جم سانتي ؟ فيج عوار ؟
وطولوا على ماحطوها لج ؟
ابي كل شي بالتفصيل الممل بليززززززززززززززز
انا جربتها عند د سناء عجييبه لاتطوووفج و ايدها خفييفه
بالنسبه لولادتي قيصري
انا بعد عند سناء ماشاءالله ايدها خفيفه ومتمرسه والحمدالله ماحسيت بشي كلللللللللش
حبيبتي أنا ماجربتها بس دكتورتي فوزية القطان نصحتني د سناء والثانية وقالتلي لا تروحين عند الدكتور الحريم أفضل وأشطر وإنشاء الله التساهيل من الله
انا جربتها بدار الشفا ولدني دكتور زكريا بوالمعاطي ورحت المستشفى دخلووني على 2 سم وقعدت من الساعه 5 المغرب اطلق الساعه 9 طلبت الابره بعد ماجربت عوار الطلق والفحص قلت الولاده شلووون بس مااقدر ابي ابره عفيه ويابولي دكتور التخدير اتذكر اسمه احمد بس ابرته موذاك الزوود طلعت علي اعراض بعد الولاده تمت معاي سنه كامله ومايغز الابره عدل يمكن 5 مرات او اكثر قاعد يغز ويشيلها واذا بحمل مره ثانيه قاعده افكر فيها بس ابي دكتوره شاطره قلت بروح عند ناهده العلي وسلامتج 
انا جربتها عند دكتور احمد مصري
ما حسيت بشي الحمدالله
وسعرها اظن80 دينار
وللعلم دكتورة ناهده العلي كله تطلبه
ماقصرتوا بنات
انزين تنصحوني اروح لمن يكون العوار ببدايته والا انطر ؟
لاني ماابي بهدلت المستشفى حتى الحقنه الشرجيه ماواطنها بالبيت اسنع نفسي 
واللي فهمته اني ممكن اقعد عندهم يوم كامل على مايحمى الطلق وينادون دكتور التخدير ويغز الابره …..الخ
انا اول مرة بجربها لان الكمام كلشش ماناسبني وخايفه صراحة
وينكم كروشات ابي تفاصيل بليز
حبيبتي انا جربته في دار الشفاء و ولاتي طبيعي الحمدلله دكتورتي كانت دكتوره امل عبدالعزيز بس يوم طلبت الابره ياني دكتور ثاني هندي هو مختص في غز الابره يعني مو دكتورتج هي التغزج لأ لازم دكتور مختص في هذا الشي وماشاءلله ايده خفيفه ومن ظهري وصل مثل الدرب بس هو مو درب هذا محلول الابره التخديروخله معاي سستر تراقبني كل ما زاد الطلق وحسيت في عوار زادت الخدار بس انا كنت من الخوف احس بشياء ثانيه واتخيل اشياء لدرجه اني قمت اسولف مع الدكتوره واحسبه زوجي ههههههههههههه بس بتلاحظين اذا غزوج الابره عقب الولاده بساعتين تقريبا ان الخدار ليلحين ما راح لاني انا قالتلي السستر اذا تكرمين بروح الحمام ناديني امسكج عاد انا قلت اقدر اروح ابروحي الحمام بسم لله ما مداني اقوم من لفراش إلا احس الدنيا تفتر فيني وبطيح على وجهي والحمدلله ان زوجي كان معاي ومسكني في اللحظه الاخيره
احلى قلب رحتي جم سانتي ؟
وكان معاج عوار والا عادي وقعدتي جم ساعه على ماولدتي
ادري ياقلبي بغثج بس تحمليني ودي فيها وخايفه
جربتها مرتين بالشفا
اول مرة كنت 2 سانتي اتوقع لانه كانو حاطيلي طلق صناعي تميت يوم كامل وعقب تعبت وطلبت الابرة ودكتورة ناهدة خيرتني بين دكتورة سناء او نجلاء اشطر شي بالتخدير بالشفا
وطلبت نجلاء وايد وايد ارتحت عليها صج نسيت العوااار كله جني بحلم
وثاني مرة كنت رايحة مفتوحة 4ونص سانتي وظليت لي 5 سانتي وبعدين طلبت دكتورة سناء الدكتورة وايد نفسيتها حلوة اناا كنت ابي نفس اللي عطتني اياها اول مرة بس متخربطة بين اسمائهم اثنينهم نفس الشي
بس ماعطتني اياها عدل نفس نجلاء كنت احس بالفحص وبالبربيش واخرشي ولدوني قيصري وعقب الولادة ريلي اليساار القدم عوار موطبيعي زوجي بس قاعد يمي ويضغط عليهاا لغاية توة اللي اشوة والا الفترة اللي طافت احسها ثقيلة وخدرانة وعلى فكرة صارلي 6 شهور والدة تقريبا
حبيبتي انتي لا والله لا غاثتني ولا شي بل عكس ارحب بكل الاسئله
انا كنت فاتحه 3 سانتي بس الطلق كان على الجوانب جنه تقلصات وعوار فضيع من جذي قتلهم ابي ابره بصراحه ما اذكر متى عطوني الابره بس الاذكره اني طولت على ما ولت اتوقع ان غزوني الابره الساعه 9 وانا ولت الساعه 2 الظهر والحمدلله رتحت بعدين
حبيبتي لا تحاتين الله انشاءلله يسهل عليج
للرفع
للرفع
خوش موضوع
الزينه عاد اشكثر قريت مدح لسناء الظاهر بطلب نجلا من كلامج
مشكوره حياتي
احلى قلب … يسلم قلبج حبوبه
بس والله طولتي انا حدي مستعيله بخلص لووول
امواج رفع الله قدرج
نورتي