منو مثلي قرب العيد وهيا مو مبسوطة ولاتحس بطعم الفرحة .

سلام عليكم

بنات هاليومين هابة علي فكرة الحمال وماتبي تروح عن بالي وبس ابكي سواء قدام زوجي او بالخفاء عنه

وماحس شي بالدنيا يفرحني كثر اني ابي عيال ابي طفل يونسني

العيب من زوجي عنده ضعف شديد والحمدللة انا مافيني الا العافية ماشاءاللة والحمدللة والشكر
بس كنت اجامل زوجي بكلامي لة ان عادي مايهمني لو تاخرنا المهم حنا مع بعض بس الحين مدري حتى هالفكرة اللي كنت اعتقد فيها وارددها امام زوجي صارت ماتعني لي شي
احس كل الفرح موفرح بنظري

احس كل الفرح بحملي وبخبر حملي

خاصة اقاربنا اللي تزوجو كلهم حملو انا الوحيدة متاخرة بالحمل والكل عينة علي

تعبت من التفكير

وتعبت من نظرة الناس علي

حتى اهلي بداية الشهور كانو يسالوني بعيونهم ليش ماحملت للحين

بس الحين قامو يحاتوني ويبوني اروح الطبيب

حتى اهلة قامو يقولون متى تبشرونا

بس زوجي صح هو مالة ذنب المرض والضعف بس لة ذنب لانة متهاون بالعلاج وانا اركض وراااه ركض بس اذا يشوفني زعلت وبكيت يشد حيلة وياخذه كل يوم منتظم وبعدة يرجع يتهاون

يعني حتى العلاج مايجيب نتيجة لانة مو منتظم فية

منو مثلي جاء العيد وقرب والناس فرحانة لة وتجهز وانا دمعتي على خدي تمنيت لي طفل البسة واشتري لة الجديد

صارت حياتي مع زوجي مهددة بس حزينة وزعلانة وابكي وماحب اضحك واسولف معه بس اتذكر العيال والحمال وخاصة اني كرهتة بعد سالفه صارت وهذا السبب ماحب امزح معو مثل قبل

ياربي من حالها مثل حالي عطوني حل تكفون بنات

يااااحيااااتي اناااا نفسج ودي ودي بيبي يونسيني ويسليني قلبي يفز علي الجهال وشهر هذا حييل بنيت احلام اني حااااااامل وبالاخير مااافي شي ادري اني زدت عليج بدال لاهديج بس ودي افضفض ربي ياااااااكريم يرزقني ويرزقج الذرية الصالحة*

الله يرزقكم ان شاء الله

دايم حرصي ريلج بعد اهوا لازم يحس

وخل يكثر من التين والزيتون لان وايد لهم فوايد لعلاج الضعف و العقم

وكثروا من الاستغفار و الصدقه

يا الله يا كريم يسر امر اختاى فى الله وعوض صبرهم خيرا يا كريم
يا بنات ان بعد العسر يسرا ان شاء الله توكلو على الله فهو حسبكم وان شاء الله بالقريب العاجل تصيرون حوامل
ترا الناس وايد عندها اليهال ومو لا قين السعاده السعاده في الرضا وفي الحب والقرب من الله عز وجل الدنيا زايله هل تعرفين احد ما مات ؟ ما اندفن ؟؟؟ هل اولاده يجيون معاه هل تتوقف حياتهم ؟؟

انا ما اقولك ان الاطفال مو زينه الحيوه الحدنيا انا بس ابي اصبرك واقولك لو العيب فيج شنو كنت راح اتسوين ولا شى ؟؟ كلو بامر الله وحاولى انك تقبلين على العيد بفرحه الامل الامل في بكره وفى حياتك وفي زوجك طول ما فينا نفس ادعي الله يرزقك قوليله يا الله ما تردني خايبه طلبى منه بتذلل ووالله انك راح اتحملين اذا مو عقب شهر اللى وراه

وما تقولين كل اللى اتزوجو احملو فيه بنات اتزوجو وصاروا ارامل وفيه الله رزقهم يهال واخذ امانته منهم

الحمد لله على اللى انت فيه وخلك واثقه في رحمه ربنا اللى قال اني قريب اجيب دعوه الداع اذا دعان

والله يرزقك ويرزق كل من يتمنى يارب

حبيباتي الله اكرم الاكرميييييين ،،،،لاتيأسووون من رحمه الله شنسوي بعد كلنا على هالحاله

نبذل الاسباب والباقي على الله،،،،،،حبيبتي أيام ورديه ليييييش ماتجربين التلقيح الصناعي

بدال لاتضيعين وقت عالفاضي ،،،،،؟؟!!!

اختى الغالية :انتى مخيرة بين انج تصبرين على ريلج او تتطلقين وانا انصحج بالصبر واهو شنو ذنبه يا حرام الله لا يحرمج يا اختى ميخالف الله كريم واكيد راح يقدر صبرج عليه صدقيني والله ما راح يضيع تعبج وراح يكرمج اما عن شعورج انا ما الومج انا حسيت بهالاحاسيس خصوصا ان العيب فيني انا وكانى قاعدة سنييييييييييييييييييين من غير عيال بس دايما ادعى ربى يرزقنى ولا يحرمنى وصدقينى احنا مرات نتضايق واحنا ما ندرى اهو خيرة لنا اننا اييلنا عيال ولا لا فكرتى انه ممكن اييلج ولد معوق لا سمح الله او مينون وتقعدين تتعبين وياه ولا مااييلج احسن ؟ ولا اييلج ولد عاق يقطج فى دار الايتام وساعتها تقولين يا ريتنى ما يبتك ؟شوفى حبيبتى انا حاسه فيج واقولج هالحجى من باب التخفيف عليج هونى على نفسج ادرى الامومة غااااااااااااالية والله واقسم بالله اتمناها اليوم قبل باجر بس لازم نرضى بالنصيب حتى يرضى الله عننا كثرى الدعاء ان يرزقج بالولد الصااااااااااااااالح اهم شى الصالح المعافى
صدقينى اذا ريلج زين لا تفرطين فيه ابدا وساعديه ولا تحسسينه بشى
والله يوفقج وعيدج مبارك مقدما ما نبى دموع عيشى حياتج مالج شغل بالناس ترى انا ذبحوووووووووووونى فوق عشر سنين وانا اعانى والله كريم ما على الله عسير حبيبتى ترى ما بايدنا شى نسويه ليش نعذب عمرنا بالتفكير خلاص كافى حرماننا من الضنا هم اتتيج الناس اتغثج
لا حول ولا قوة الا بالله
يالله خليج فرفوشة هذى ايام فضيلة كثفى الدعوات ولا تنسينا حبوبه

فديتكم حبايبي عسا ربي لايحرمكم الضنا الصالح ومشكورين كل اللي ردو علي

لوف ماي سلف حبوبتي

والله غصب عني يصير الحزن والهم من كثرة التفكير بالحمل قلقانة مررة

وصح هو طيب معي وحيل حبوب وينفذ كل طلباتي بس عيبة انة مايهتم بالعلاج

ربي يسمع منك ويرزق حبوبة

الزين حياتي

التلقيح ماينفع بحالت زوجي لان الضعف عندة كبير مرة مرة يعني الحيوانات المنوية ماتزيد عنده

وماعتقد تنفع بالتلقيح لان احتمال تكون مشوهة بعد

حبيبتى دام ان ريلج زين معاج عيل تمسكى فيه وطولى بالج وحثيه على انه يكمل علاج ولله كريم ما ينساج حبيبتى
الله لا يحرمكم

بعد عمري انتواالله يفرج همكم ويرزقكم الذرية الصالحة في القريب العاجل يااارب ..
رحمة ربي واسعة صدقوني ربي يقول في كتابه "ولسوف يعطيك ربك فترضى" بس ربي بيشوف مدى صبركم وبيآجركم عليه شوفوني انا عندي طفل معاق مايجي عيد الا أشوف الاطفال يروحون ويجون ويلعبون ووليدي حبيبي مايدري عنهم .. بس الحمد لله على كل حال هذا انا صابرة ومتأكدة ان ربي راح يعوض صبري وصبركم خير .. فديتكم ادعوا لوليدي بالشفاء .. وربي يرزقكم بالذرية ان شاء الله ماتدور السنة الا وكل وحدة فيكم ضناها في حضنها يااارب ..

شذا الياسمين بعد عمري انتي

مشكورة حبيبتي على الدعوة وعسا ربي يشفي لك وليدك ويقر عينك بشفائة

هذا هو بني ادم كلة عجوووووول ماينتظر رزق ربي يجية الا يحن ويمن وحنا ماندري القدر شنو مخبئ لنا

ياقلبي عسا ربي يفرحك بولدك ويشفية بس حبوبة عندك غيرة او لا

يا حبيبتي ربي يجبر يخاطرج و خواطرنا

اختي الغالية دام ريلج يحبج و حبوب لا تتخلين عنه و تمسكي فيه

و يا حبيبة قلبي استانسي بالعيد و فرحي و خلج على يقين انج يتعيدين في يوم و ولدج بحضنج

بس تصبررررري

و خلج مع الله سبحانه و تمسكي بالرقية و أرقيه و الدعاااااااء

و اقترح عليج مثل ما قالت وحده من الخوات لا تضيعين وقت و ابدوا تلقيح صناعي

و الله الرزاق

و انتي مو بروحج ترا فيها الف بنيه مثلج

قولي لا اله الا الله
و فرحي في العيد هذه فرحة و جائزة الصيام هديه من ربنا

و لا تخلين بليس يلعب فيج
و ربي يرزقج و يرزقني و ما يي العيد الياي الا و إحنا حمل و البنات كللللللهم

يا حبيبتي ربي يجبر يخاطرج و خواطرنا

اختي الغالية دام ريلج يحبج و حبوب لا تتخلين عنه و تمسكي فيه

و يا حبيبة قلبي استانسي بالعيد و فرحي و خلج على يقين انج يتعيدين في يوم و ولدج بحضنج

بس تصبررررري

و خلج مع الله سبحانه و تمسكي بالرقية و أرقيه و الدعاااااااء

و اقترح عليج مثل ما قالت وحده من الخوات لا تضيعين وقت و ابدوا تلقيح صناعي

و الله الرزاق

و انتي مو بروحج ترا فيها الف بنيه مثلج

قولي لا اله الا الله
و فرحي في العيد هذه فرحة و جائزة الصيام هديه من ربنا

و لا تخلين بليس يلعب فيج
و ربي يرزقج و يرزقني و ما يي العيد الياي الا و إحنا حمل و البنات كللللللهم

حبيبتي انا نفسج والله ودي ع بيبي يسليني والدورة موعدها 2-9 ان شاء الله ما تنزل واكووون حاامل وان شاء الله الله بيرزقج

بعد قلبي تسلمين ..
لا حبيبتي للحين ماحملت عليه عمره أربع سنوات الله كريـــــــــــــــــمـ ..

حبيبتي مالج الا الصبر ( ان الله مع الصابرين )

شوفيني انا قبل اسبوعين سويت عملية طفل انابيب وامس كان موعدي علشان التحليل وصدمني الدكتور وقالي موحامل
وهذي ثاني عملية اسويها ومافي نتيجة والحمدلله على كل حال ربي الرزاق

وان شالله ربي يرزقني ويرزقج ويرزق كل محرومه بالذرية الصالحه عاجلا غير اجلا يارب العالمين