منو قدرت توقف تساقط الشعر بعد الولادة . تفيدنا

بنات انا شعري متسنع و صاير كثيف و يلمع مع انه قبل الحمل والل كنت راح اصلع و دايما بحمالي يتم شعري حلو 3 او 4 اشهر وبعدين الله لا يراويج التساقط يصير بالهبل و الله تتسكر بالوعه البانيو من كثر الشعر اللي يطيح…

منو استخدمت شي بعد الولادة وحافظ على شعرها من التساقط؟

انا بدا يطيح شعري بعد الولادة تقريبا ب3 شهور بس كان يحت بشكل موووووووو طبيعي لدرجة ان ودي ابجي
يخررررع فرحت الصيدليه وقتلا عطني اقوى حبوب فيتامينات للشعر عطاني حبيب تكفيني 3 شهور الحين صارلي شهرين و الحمد الله التساقط صار طبييعي حتى الشعر قام ينبت و هالحبوب اسمها Hair vit القرشة لونها بني وسعر العلبة الكبيرة اللي فها 90 حبة اعتقد 13 دينار
و انشا الله يفيدونج

انا رحت عند الدكتور وقالي انه هذا الشي عادي وكنت ارضع وعطاني فيتامينات بس انا اقولج استخدمي الحنه والدهن انا جربته بعد ما طاح شعري وخذيت براي امي الحنا وزيت العجايب طبعا الحنه اليمنيه درجه الاولى اللي عند الحواج والحنا عندي طريقه خاصه وهي خلطه عباره عن مايونيز وخل وسكر واذا حابه صبغه عندج الشاي او نسكفيه او لون من عند الحواج وبعد الحنا زيت عجايب وحطيها كل اسبوع.
وكل شهر مره وحده حطي زبده +بيضه وخلطيهم وحطيهم بشعرج وحاولي توخرين عن الستشوار وعن البلسم لا تكثرين و استخدمي بداله حمام زيت وصدقيني الحنه كثف وتزيده وذا تبين تركيز اكثر استخدمي ورقه من صبار وحطيها بالخلاط وخليها على شعرج مدة ساعه مره كل الاسبوع .
ونصيحه الشامبو الطبي وتونك وغيره جربته اول ما تقطعين عنه يرد الشعر يطيح اكثر من قبل بس التغذيه مهمه من الداخل استخدمي كبسولات من الصديليه خاصه حق الشعر والاضافر وهي عباره عن فيتامينا تساعدج عن توقف التساقط اشوي وتاخذينها قبل الاكل
وهم سمعت عن حبوب منع الحمل بالشامبوا استخدمتها وفادتني مؤقت .

كل الوالدات جذي يعني شي طبيعي

و الله ما عندي فكره

انا قالولي بعد 6 اشهر يرد كلشي طبيعي

اي اعرفهم هالحبوب كنت استخدمهم قبل الحمل بس ما مداني اشوف نتيجة لاني وقفتهم لما حملت ان شاء الله ارد لهم بس مادري ما يأثرون على الرضاعه؟

مشكورين بنات على تفاعلكم
بس انا ليش هالمرة بعالج مبجر لان بحملي اللي فات بعد ما طاح شعري رحت حق دكتورة جلدية بالجابرية د.مريم الجاسم جان تقول لي انتوا تتأخرون بالعلاج لما يطيح شعركم تيون تعالوا مبجر عشان تحافظون على الشعر اللي نبت بالحمل … هالمرة اذا طلعت من النفاس بروح لها عشان اشوف شنو بتسويلي حق شعري

خيتو انا شريت اشياء اعشاب وااااايد روعه حتى الشعر بنت من وراه وايد وايد فرق وخواتي لاحضو الشعر الصغير الي ثاعد يطلع وهالاعشاب شريتها من زين الاتارت بالسالمية مكانهم عطاني سبريه و تونك و شامبو مع البلسم والله حتى ريحتهم روعه جربي وانشالله ماراح تخسرين ولااح تلاحظين الفرع و يمكن من جسم لي جسم يفرق وانشالله تضبط معاج

ومنكم نستفيد

أنا لي 3شهور والده وشعري الحين يحت

مشكوووووووره على الموضوع

بنات انا سامعه وايد يمدجون مركز نيجريل اللي بخيطان مال منى الجميع عرفتوها؟ ياريت اللي مجربه علاجهم تفيدنا

شوفي حبيبتي مالج الا تونيك ويلا مال التساقط, نتيجته تبين من اول اسبوع راح تشوفين ان الشعر ووقف يطيح بس نصيحه لازم تكملين غرشتين منه , واذا خلصوا اراهنج بعدها ان شعره وحده من راسج راح تطيج.
لما تستخدمينهم اخذ فيتامينات عشان اذا خلصتي كورس التونيك الا شعرج عقبها متغذي من الفيتامينات الي ماخذتهم, وجذي انت ضربتي عصفورين بحجر واحد.
هالتونيك جنه ينباع بالنسائم بس انا شاريته من صالون الضوء الفضي ب15 الغرشه وحجمها كبير مع الشامبو ب4 وحجمه زين.

حبيبتي انا قبل لا اطلع من الاربعين استخدم فيتامينات اسمها Perfectil وبخاخ ريجين وكنت ارضع من صدري وشعري حلو

مشكوره دونات عالموضوع المفيد

انا شعري لازم اعالجه قبل لا يحت كله

بس بسالكم اللي جربتو الفيتامنينات ما حسيتو انها تمتن

انا بحمالي هذا قام شعري يحت مووووووووووت
حتا الدكتوره استغربت طلع معاي انيميا حاده
ونقص حديد
بحمالي اللي قبل ولاني ادري عقب الولاده يطيح
الشعر عاد كملت علي حبوب الشعر والحمدلله
التساقط كان عادي
والحين بعد ناويه عقب الولاده اتم علي الفيتامينات
عشان لايطيح شعري
بس مو ناويه اصبغه واسوي نيو لوك