|
|
السلام عليكم ورحمة الله وبركاته
خواتي انا كان عندي موعد مقابله عند الدكتور خالد
قبل جم يوم
المهم لما شافني قال انتي سمنه بالمرحله الثانيه وقعد يسالني اذا كنت اعاني من سكر او ضغط او مشاكل بالحمل بسبب السمنه فقلت له لاااا
المهم قالس انا للاسف ماراح اسوي لج العمليه لسبب انج مو سمنه تستدعي العمليه ولانج ما تشكين من امراض تخليني اسوي العمليه
فقلت له دكتور انا مرتاحه لك من تجارب الناس وانا سالت عنك كثير وقالوا لي انك الافضل بفضل الله تعالى
المهم قالي في ناس مثلج وانا اطلب تقرير من دكتور عظام يقول لي انج تعانين من مشاكل صحيه بالعظام بسبب السمنه
اذا قال انج تعانين من تعب في العظام راح يصير خير واشوف
الحين بسالكم احد مثلي صار معاها جذي مع الدكتور خالد؟؟؟؟؟؟
عفيه بنات والله حدي متازمه مادري وين اروح وشقول لدكاترة العظام!!!
منو صار معاها جذي عفيه ردي علي
٩٤ وطولي ١٥٦
والله متينه وانا ثقيله مو مثل اول قومتي صعبه ولما امشي اتعب حيل ووالله صج عظام ركبتي تعورني وجنبي يعورني
بس انا كمراجعه للعظام ماراجعت
ولا سويت اشاعه
بنات احد صارها مثلي مع الدكتور خالد!!!
|
المشاركة الأصلية كتبت بواسطة ii dareen ii
 الي بوزنج يسون لهم العملية روحي طبيب عظام وخلي يعطيج تقرير واذا مارضى غيره يسويها شوفي الصانع برويال حياة وباسل السميط وايد شطار
|
انا شاكره لج تفاعلج معاي
حبيبتي شسوي مالي الا يوم الاحد اروح ان شاء الله الرازي واشوف يعطوني تقرير
يااااااااربي
وبرد اروح للدكتور خالد وع الله يرضى
ذكرتيتي بوحده الله يذكرها بالخير
راحت له وقال لها وزنج مو مال عمليه
قامت تاكل تاكل ليما انبطت عدل وسوالها
وهم كان وزنها بالتسعينات غريبه ليش مارضي
يسويلج
لاتسوين عمليه الا اذا حاولتي وااايد بالرجيمات
زوج اختي ما رضا يسويله العملية و قاله انت كتلتك اقل من المطلوب للعملية و راح للهيفي و سواها له
و اختي بعد نفس الحاله ما رضا بالبداية بس اختي زودت وزنها ليما وصلت 90 و سواها لها و هي نفس طولج تقريبا
رفض يسويلج
اعرف ناس بنفس كتلة جسمج
ونفس طولج ووزنج وسووها ..
يمكن اهو جذي طبعه مايسوي للي كتلة جسمهم مثلج
روحي جيبي تقرير ورجعيله واذا مارضى روحي للهيفي ترا شاطر
ومثل مستوى الدكتور خالد بالشطارة
ولانزكي على الله احد
موفقه خير
وباجر ان شاءالله بروح له وراح ابلغكم باللي يصير
تكفون ادعو لي
تتيسر بخير اموري
وربي نفسيتي تعبانه
وجسمي هو سبب نفسيتي اللي تعبانه
كلا مالي خلق
ولا قمت اطلع مع زوجي
ولاقمت اروح عند الناس
حتى رمضان والله والله ماشريت ولاجهزت له ولا شي
وادري راح تزورنا ناس يسلمون وربي مافكرت اشتري حتى دراعه وحده
بس قاعده ادعي ربس اني اسوي العمليه قبل رمضان وكلا افكر ان برمضان راح اكون نازله جم كيلو وماتتخيلون فرحتي بالحلم والرشاقه اللي عايشتها بخيالي
استغفر الله
استغفر الله
استغفر الله
مادري شفيني اخربط بالحجي
اكثري من الاستغفار وترديد حسبي الله ونعم الوكيل
وربي بييسرلج ان شاء الله
طمنينا عليج