منو فيكم تدرس بالجامعات الخاصه على حسابها . أبي مساعده بلييز

السلام عليكم ياحلوين الموضوع وااضح ابي احد يفيدني لاني مفكره ادرس على حسابي بس ابي استفسر عن واايد اشياء … اتمنى احد يساعدني وجان زين تعطيني ايميلها عالخاص عشان تنناقش بليييييييز ترى انا ماعندي خوات وانتوا خواااتي

وميرسييي

هلا حبيبتي,,
احنا خواتج افا عليج,,

من جم شهر باحدى الجرايد كاتبين اسعار الجامعات بالكويت والحمدالله انا احتفظت بهالجريدة,,
فتفضلي الاسعار,,

جامعة الخليج(gust) التكلفة النهائية للتخرج 20 الف دينار كويتي.التكلفة النهائية للتخرج معناتها الاربع اسنين كلها,,

الجامعة الامريكية(auk)التكلفة النهائية 21 الف دينار كويتي.

جامعة الشرق الاوسط الامريكية(aum)التكلفة النهائية للتخرج 25 الف دينار كويتي.

الجامعة البريطانية المفتوحة اهيا نفسها الجامعة العربية المفتوحة(aou)التكلفة النهائية للتخرج 4 الاف دينار كويتي.

وفي بعد الجامعة الاسترالية بس شهادتهم مو بكالاريوس شهادتهم دبلوم حاليا,,فعشان جذي مو كاتبين عنها بالجريدة اللي انا محتفظة فيها,,
وبالجريدة بعد كاتبين تفاصيل وايدة عن كل جامعة بس انا حبيت اعطيج الاسعار النهائية,,

ومثل ماانتي شايفة اسعار الجامعات حيل غالية ماعدا الجامعة العربية المفتوحة ونظام الدفع فيها كل كورس تدفعين يعني مثلا اولا كورس تدفعين مبلغ مايزيد عن 400 دينار كويتي واذا خذيتي مواد اقل ممكن يكون اقل من 400 دينار,,
وبالنسبة للتخصصات الموجودة بالجامعة العربية حاليا ادراة اعمال(نظم ادراية)ادراة اعمال(اقتصاد)اداب انجليزيتقنية المعلومات والحاسوب.وبالنسبة اذا شهادتها معترف فيها ولا لاء لازم تسالين بالتعليم العالي,,
وطريقة القبول الاولية حق الكويتين.

وانا راح اعطيج ايميلي شيكي الرسايل الخاصة عشان لو تبين معلومات زيادة.