منو فيكم بعد الزواج صفا ويها من الحبوب !!!

السلام عليكم ورحمة الله وبركاته

بنات منو فيكم قبل لاتتزوج ويها كان في حبوب وبعد الزواج راحو ؟؟؟؟؟؟؟

لانه انا ويهي في حبوب بس مو وايد يعني شي خفيف ومابي اخذ حبوب الروكاتين

وايد حريم كبار من اهلي يقولون لا تتعبثين بويهج بعد الزواج راح تروح كل هالحبوب (يمكن قصدهم الهرمونات تتعدل بعد الزواج)

انتو شرايكم !! صج الزواج يصفي البشره!!!

اممممممم ماعندي فكره انا نفسج اسمع هالحجي ان بعد الزواج يتعدل
بس انا استخدمت حبوب رواكوتان لمدة شهرين بس
وسويت تحاليل بالمستشفى لأن مايصير تستخدمينهم وانتي ماسويتي تحاليل احتمال مايصلحون لج
بس من عقب ماهديتهم تسسسسسسسنع وجهي صااار شحلااته
بس رد شوي مو حبوب لا اثر قديم وشويه مسام
رحت لصيدليه كوكو وماشاء الله شحلااااتي الحين احط كريم اساس جنه ماي من كثر ما اهو خفيف ويطلع شكلي ابررق المع جني فيس بيبي
قبل احط كريم اساس ثقيل ولا ينفع

مادري ليش متردده استخدم هالحبوب يمكن لانه ويهي مافي وايد حبوب

حبيبتي آنا قبل الزواج كان ويهي يضيق الخلق مليان حبوب وبصراحة قطيت فلوس لما فيه الكفاية عند دكتور

بس للأمانة كان علاجه حلو ، بس بعد الزواج كل هالحبوب اختفت ، حتى إذا طلعت لي حبة تطلع بالسنة حسنة

مو على طول مثل قبل !!!!!!!!!!!!!

والله انا
قبل الزواج ويهي حبوب مو طبيعيه
أما ألحين صفا ويهي والله اهون من قبل
حتى كان يطلع لي حبوب بظهري بشكل مو طبيعي وملمسه خشن بسبت هالحبوب
وألحين راااااحوا مع اني ماحطيت شي لا بويهي ولا بظهري
اذا حطيت كنت احط روب وعسل حق ويهي ومودايما أسوي هالحركه
اي الهرمونات تشتغل عقب الزواج حتى امي قالت لي وماصدقتها ولما تزوجت والله راحوا هالحبوب

الله يفرج همكم ان شاءالله ريحتوني

والله ماعندي فكرا بهالموضوع لان مافيني حبوب وتيي بس بوقت الدورا وتروح …

بنت خالتي وبنت خالي كانو يشتكون من الحبوب ومجرد ما تزوجو تغير وجيهم وما شوف فيهم احبوب

أنا عن نفسي ماكان فيني شي والحمدالله

وبالعكس بس تزوجت بشرتي صار فيها رونق سبحان الله وكل اللى شافني يقول محلوه

بس الحين عقب العيال والتعب مادري ليش صار فيني حبوب

تصدقين توني انتبه حق نفسي لووول اى صح اول كان لازم كل شهر حبه حبتين بويهي والحين الحمدلله بين كل فتره وفتره تطلع وحده صغيرونه بس

والله مادرري لان مافيني شي بفيسي – بس ترا الحبوب الادوية موزينة للكلى والمعدة مع السنين حاولو تبتعدون عنها الا للضرورة

ويهي يصفى ويرد مثل ما كان قبل

بسبب الهرمونات

بس بامانة واااااايد شكلي تعدل وتغير وصرت احلى بل ازداد حلى يوم عن يوم

يعطيكم العافيه على الرد

بعد بنات فيدوني بتجاربكم وريحو قلبي الله يريح قلبكم

والله انا من عقب الزواج طلع بويهى نفر اول ما فينى شى وويهى صافى مشالله بس الحين والله استغفر الله كل شوى ططالع لى دمل بصووب يالله الحمدلله على كل حال …