|
|
شلونكم؟؟
حبيباتي مالي غيركم اسأله بعد رب العالمين سبحانه….
انا من الاخر بطلع ولدي من حضانة اجيال التوحيد بصراحه الولد ما استفاد شئ…
كورس كامل مسجلته عندهم على الفاضي
فقررت انا وابوه نوديه مدرسه احسن على الاقل الولد يستفيد شئ ويتعلم حاله حال الاولاد
للعلم اهو هالسنه 5 سنوات يعني المفروض ثانيه روضه…
تكفين ياللي مسجله عيالج بالمدرسه الباكستانيه شرايج بالتعليم عندهم ؟؟ ونظام المدرسه ؟ ومستوى عيالج التعليمي؟؟ زين ولا مو ذاك الزود؟؟؟ واهتمامهم بالاطفال شلون؟؟
الله يخليكم ساعدوني…………. بأي شئ تعرفونه عنهم..
ابي احد يدلني على الرأي السليم لأن انا ما أعرف احد مودي عياله هناك..
وسؤالي يخص المدرسه الباكستانيه اللي بالفروانيه ؟؟؟؟ اواللي بخيطان؟؟؟؟
يارب يبشرج بالجنه ياللي بتساعديني لو بكلمه او معلومه.
.gif "Eh S(6)")
up
مادري والله بس حبيت ارفع لج الموضوع
انزين ليش اجيال التوحيد مو زينه ؟؟ انا سمعت انها قويه والستاف اللي عندهم ملتزمين واهما تبع جمعية الاصلاح صح؟
أستغفر الله
اللي ردو علي وحتى اللي رفعوا لي الموضوع…
وبالنسبه لاجيال التوحيد والله مادري شقول لج؟؟؟
يوميا" مداوم ولا يتعلم شئ…
تصدقين والله لو ما ادرسه انا الاحرف والارقام جان ما عرفهم اصلا" ما عندهم غير هالرحلات كل اسبوع وترك ويلا كل رحله 3دنانير ودينارين واليوم الترفيهي دينار ونص
وعليج الحسبه
انا اذا بنصح فيها بس حق اطفال صغار موبعمر التعلم السريع يعني بس حق تحت 4 سنوات لان ما تعليم مجرد لعب وانج تتطمنين ان عيالج بامان اكثر من البيت بروحهم مع الخدامه ومن ناحية ولدي انا اشوفه كبير ولازم يتعلم خصوصا" ان الاطفال بهالعمر بسرعه يتعلمون ويحبون المهارات الجديدة والكلمات الغريبه على مسمعهم وممكن يتعلم لغة غير اللغه العربيه ويتقن نطق الكلمه الصحيح بسهولة وتثبت بذاكرتهم علشان جذي ابي ادخلة شئ مفيد يستفيد منه ويتعلم
.gif "Eh S(1)")
[/I][/B][/SIZE] up
up
وولد خالتي كان فيها دخلوه حق الروضه وماشالله تعالي شوفيه بلبل بالانجليزي وحافظ سور القران وعارف كل شي
بس مرت حماي دخلت بنتها بس كورس واحد واسحبت اوراقها تقول المدرسه ماتدري عنهم ولا ادرسهم قتلها معنى زينه والكل يمدح فيها قالت الي في خيطان القديمه زينه بس خيطان اليديده لا مو زينه ؟؟!!!!
بنات اللي تعرف رقمهم تحطه لنا الله يعافيكم