منو صار معاها جذي بالثامن

قوه
شلونكم
امس يالي عوار مو طبيعي من 10 ونص لي 2 بليل رحت طوارئ دار الشفا
لقيت دكتوره هنديه قالت شكل بطنج ولاده لازم افحصج من تحت
قعدت ابجي شنو ولاده توني ماجهزت جناطي ولاشغلي كملته
رفضت خفت لاتوسع المنطقه وتسرع بولادتي
قلتلها توني بنص الثامن شنو ولاده
قالت ماتبين فحص اسويلج تحليل بول عزمكم الله وتخطيط
التحليل طلع زين مافيه لادم ولا شي
والتخطيط خلص عقب ساعه قالت طلق خفيف اذا ماتبين فحص اعطيج مسكن
حطولي درب مسكن
وطلعت من المستشفي
شرايكم من صار معاها تجاديم طلق بالثامن
انا اول مره يصير معاي جذي؟

عادي حبيبتي ممكن تكون ولاده مبكره
شي طبيعي لاتحاتين

بس حاولي تخلصين شغلج لانج ماتضمنين الظروف وماتدرين شيصير معاج

هلا فيج
أنا اقول الاحسن تروحين حق مستشفى ثاني اخاف فيج صج ولاده ماتدرين وشكثر حريم ولدوا بالثامن والحمدالله..

وعسى الله يهون عليك وتولدين بالسلامة،،

حبيبتي ارتاحي كثر ماتقدرين وزين اتسوين ماخليتيها تفحصج

وان شاءالله توصلين التاسع وتولدين بالسلامه

آنا ياني نفسج لا ونازل علي دم بعد
الطبيبة قالت لي أرتاح لي التاسع
والله وكيلج ما ولدت إلا عقب موعدي بأسبوع
يعني كليت التاسع ودخلت العاشر بعد
لا تخافين هذي تجاديم وآنا كنت مفتوحة سانتيين عادي جدا
بس لا يكون ينزل ماي أهني الخطر

عادي انا الحين بالثامن وطلوق خفيفة وعلي المسكن والله يوصلنا الي التاسع

يعطيكم العافيه

الشي الي يضحك اني بالمستشفي ابجي اقول توبه خلاص مراح احمل مع العلم اني قعدت سنين يالله حملت بهالياهل
استغفر الله