منو صار لها مثلي @ التهاب جرح القيصرية @ شي يخرع !!!

لا تخافين حبيبتي الله يشافيج وااايد يلتهب جرح القيصريه اهم شي يعطونج بخاخ مطهر للجرح وانشالله كل شي ينحل انا في بجري التهب جرحي بس الحمدلله لا تحاتين اهم شي لا تحطين عطور ولا بخور ولا تاكلين اشياء النفاس الحاره عشان ما ياثر عالجرح

ما تشوفين شر
وايد بنات تصير وياهم
لا تحاتين

الله يعينج الصراحه اهو بدون لا يلتهب فيه عوار
بس يمكن انتي مااهتميتي فيه المفروض تعقمينه بالحكول الي عطوج اياه المستشفى
وتحطين له كريم .. انا امي كانت تحط حوالين الجرح مره
واذا حاشه ماي لازم تنشفينه عدل …

بس الحين جربي حطي حوالين الجرح مره مو عليه

الله يعينج

لازم يعطونج مضاد يحيوي بالوريد عشان ما يزيد الالتهاب

المفروض مضاد حيوي بالوريد

شكل الجرح شام عليج

شربي مره

وشمي الخواجوا تراه وحده بوحده للشمم عن تجربه اختي بغت تموت بسبة جرح العمليه يوم شمت الخواجوا ارتاحت

واي حبيبتي الله يشفيج شربي مره عجيبه حق التهاب القيصريه وبعد مسحي الجرح في وادعيلي الله يفرج همي

اللة يعينج يا قلبي انشالله ما تكونين نفس اختي خلتها دكتورتها كل يوم تروح و تغير الجرح مرتين لمدة اسبوع و قالت ماراح اصكر الجرح ب[b[/b]روحه يرد !!! بس احنا خلينها ورحنا الصباح و نوموها شهر و نظفو لها الجرح يوميا و بعدين سولها عملية تصكير الجرح و الحمد الله و لدت بعدها ولادتين قيصرية و ماصار شئ على حسب الدكتور

الله يكون بعونج وماتشوفين شر ان شاالله

وااااي الله يعينج

انا صار معاي جذي

شوفي انا ولدت برويال حياة

وبعد 10 ايام من الولاده وانا بالبيت نفسج جذي مثل صديد رحت الهادي عطوني مطهر وبخاخ ومرهم بس قالولي راجعي رويال حياة

طبعا انا طنشت ورحت البيت يومين استخدمت البخاخ والمرهم بس شفت الصديد قام يزيد

رحت رويال دقو على دكتورتي يات جان تفتح مكان الجرح وضغطت عليه طلعت الصديد كله … طبعا عواااااااااااااااااااار مو طبيعي .. انا وقت الطلوف كلش ماقت اح ولا صارخت بس لمن سوتلي جذي بجييييييييت يمه يذبح .. بعدين خلته مفتوح بس حطت مثل فتيله وقالتلي خليه يتسكر بروحه .. بس ممنوع السباحه

وضليت شهر على هالحال يوميا اروح المستشفى عشان يطهرونه و يغيرون الفتيله ..ز

طبعا كان لمن تطهره تحط المطهر .. يذبح ناااااار نااااار

واااي ذكرتيني بعذابي

الله يعينج ..

انا ولدت قيصرية بس لله الحمد ماصار معاي جذي .. لأن كنت حريصة جدا مع الجرح

يعني انتبهي من اكلج بعد .. ولا يكون قاعدة تاخذين اكل النفاس لهوم ومادري شنو هالخرابيط .. لأنها حامية وموزينة للجرح
انا ماخذيت ولااا شي اللهم جاي اعشاب . .

وثاني شي المفروظ يعطونج من اول ماتخلصين من العملية مضاد حيوي عشان لايلتهب الجرح ..

والله يسهلج كلها ايام وترتاحين وتنسين كل هالتعب

اللهم رب الناس اذهب الباس اشفي اختنا الرسامة انت الشافي لا شفاء الا شفاؤك شفاء لا يغادر سقما
اللهم رب الناس اذهب الباس اشفي اختنا الرسامة انت الشافي لا شفاء الا شفاؤك شفاء لا يغادر سقما
اللهم رب الناس اذهب الباس اشفي اختنا الرسامة انت الشافي لا شفاء الا شفاؤك شفاء لا يغادر سقما

اللهم آمين

[QUOTE=opera;10725499]وااااي الله يعينج

انا صار معاي جذي

شوفي انا ولدت برويال حياة

وبعد 10 ايام من الولاده وانا بالبيت نفسج جذي مثل صديد رحت الهادي عطوني مطهر وبخاخ ومرهم بس قالولي راجعي رويال حياة

طبعا انا طنشت ورحت البيت يومين استخدمت البخاخ والمرهم بس شفت الصديد قام يزيد

رحت رويال دقو على دكتورتي يات جان تفتح مكان الجرح وضغطت عليه طلعت الصديد كله … طبعا عواااااااااااااااااااار مو طبيعي .. انا وقت الطلوف كلش ماقت اح ولا صارخت بس لمن سوتلي جذي بجييييييييت يمه يذبح .. بعدين خلته مفتوح بس حطت مثل فتيله وقالتلي خليه يتسكر بروحه .. بس ممنوع السباحه

حبيبتي انا نفسها كنت والتهب علي الجرح وقب مره وحده بس دكتوري فج الجرح وانا اصرخ عبالي بيسويلي عملية مره ثانيه قال لا لازم يطلع الصديد ولا ماراح يصير الجرح زين وعطاني مضاد حيوي وتدرين شنو قالي حطي فوق الجرح
ماتصدقين …عسل يقول دهني مكان الجرح بعسل وطبعا انا استغربت ولا طبقت والله العظيم والله شاهد علي انه يوم يومين انا جذابه مافيني شي الجرح تسكر ولا جنه ياله التهاب بس انا استمريت على العسل لمده اسبوع من الخوف والخرعه صراحه
وصج الحمدلله لمن سالته ليش العسل قالي احسن مضاد حيوي طبيعي للجرح من برا العسل وفيه شفاء للناس جذي قالي انا من كثر ماكنت مخترعه من هالصديد سمعت كلامه علبو اني مو مقتنعه بس سبحان الله طلع حجيه عدل
اذا بتحطين عسل استخدمي نوع ممتاز يعني اصلي اصلي مو اي شي
الله يشافيج انشالله

مشكورين بنات
بس انا قاعدة اخذ مضاد حبوب واحتمال اليوم يعطيني بالوريد
الصديد مو راضي يوقف واحس اني مصخنة لي درجة ان ماي يطلع من جسمي خصوصا لما انام
اما المرة والله قاعدة اشمها وارش بعيد عن الجرح واكل منها بعد بس ماكو فايدة
وكلش ماتنفست عدل حتى الحسو ماطب حلجي

والمصيبة ان دكتوري سوا العملية وسافر وقاعدة اراجع عند غيره وقاعد يعطيني ايحائات ان سبب الالتهاب من العملية

واي تعبت ادعولي