منو جربت ولادة مستشفى الفروانيه ؟؟

الله يفرجها عليج
لاتحاتين التساهيل مو بالطبيب والمستشفى
التساهيل من ربج ياقلبي
بالنسبه للولاده مافيدج كلش لانه مادري
بس ان تفضلين شوفي صباح تقدرين حتي لو من سكانه الرابعه يوم تحسين بالطلق روحي صباح ويوافقون يدخلونج

ونسيت اقولج الحين ماكو شي اسمه كمام اعترفوا بالابره الظهر
ودكتور ابره الظهر بالحكومه يكون استشاري يعني مايجرب عليج شي
وماتحسين بشي ء

اب

اب

حياتي مشكوووره عالرد عاد قاعده افكر بابرة الظهر وخايفه

الله يرفع من شانج ..مشكوووره

انا ولدت هناك

وبجر ولي اليوم كل شي صعب بالحمل الا الولاده ولله الحمد والفضل

وبعده ستاف المستشفى..

ودكتور التخدير شرح لي كل شي عن ابرة الظهر بس قبل لا يعطيج ياخذ عينة تحليل دم

وما رضا اخذ الابره لان عندي تقرير ان دمي في مشكله ..

وولدت على الكمام والله تساهيل …

][ شـــيخة البنــــــات ،، سكــــر ونبــــــــات ][

التفاصيل بثاني صفحه

انا ولدت بناتي ثنتينهم بالفروانيه اول ولاده روووووووووووووووووووووووووعه لانه عمتي تشتغل هناك توسطت لي قبل لا احس بالطلق القوي اخذت ابره ظهر اذكر قزتني دكتوره كويتيه عمرها بالعشرينات تينن حبوووبه وايدهاا خفيفه وما حسيت بشي نهائياااااا والسهاله من الله وخياطهم حلووو رديت بنت واحسن من البنت

الولاده الثانيه تغربلت شوي يمكن لاني مو بجر ما اهتموا وايد ولاني ما قلت حق عمتي بولد لاني دشيت الولاده الفير فأسنحيت ما اتصلت على احد بس ريلي يدري اقوول حق السستر نادي الدكتور ابي ابره ظهر تقول شوي وييجي نطرت ما يااا ولا شي يوم شرف المسعد اقوله ابي الابره يقولي لييه قلت له الله يهديك دكتور شنوو ليييه الطلق ذبحني يقول لاءه انتي مش بتزععي يعني لازم اصرخ علشان يعطووني اخر شي قلت له تعطيني اياها انت شمهنتك دكتور ياييبينك عالطل حلل معاشك وانا مواطنه كويتيه ولي الاولويه موو تححقرني وتروح حق اللي من القمااااعه وقلت انا مالي قعده هني شلت جهاز النبض مال البيبي وكنت بقطع الدربات من العصبيه بس اهووهني خقهاا وهداني ونادى السسترات وعطاني الابره احسه كان بينتقم دخلها غلط 3 مراااات لعن ابو سلسفيل عامودي الفقري بس انا اقولجتوكلي على الله السهاله من رب العالمين والله يسهل عليج وعليناا الصباح ما افكر اولد فيه عقب موقف شفته وحدا تطلق من قلب الطلق واصل حده وبطنها نازله بتووووووولد واهم مو راضين يدخلونها حقااااااره

التساهيل من رب العالمين ..

بس انا عن نفسي الله لايعيد اليوم اللي ولدت فيه بالفروانيه<< جتها ولاده مبكره وما مداها تروح الا الفروانيه

اداا انتي بجر يهتمون فيج اما ادا ثاني وثالث ولاده لازم واسطه قووويه عشان تلقين رعايه مميزه ..

وانا اقترح خلي هندي يتوسط لج والله اتكلم جد ترى ما اتطنززز عطيه جم فلس يضبط السسترات كلهم

لانه اللي شفته الهندي الفراش حيل يمشي كلامه حتى المراجعين هو اللي يدخلهم على الدكتور خخخخخخخخخ

اادا بتولدين ومنحده مالج الا البقشيش للفراشه للسستر عشان يهتمون فييييج ..

مشكوووورة يالغاليه عالرد والله يسهل علينا

الله يسهل علينا كلنا بالولادة

هلا حبيبتي أنا ولد بالفروانيه بس كنت مجبوره لانه كان فيني تسمم حمل ودكتوري مصطفي تومسو اللي بدار الشفا رفض يسويلي العمليه قالي راح تدخلين بغيبوبه وفوق هذا ماعندنا اجهزه مختصه بالخدج عنايه الحكومه احلي من عنايتنا وفعلا رحت الفروانيه ودخلوني الوضع بصراحه داخل الولاده معاملتهم مثل الخاص ويهتمون فيج وفعلا عطوني ابرت ظهر وماحسيت بشي ولدت عند دكتور هيثم انصحج فيه رووووعه سوالي تجميل بطني لاني ولاده قيصريه وبدون خيط الخيط يذوبمن كيفه واللي عطتني ابرة الظهر اسمها سوسن او سوزان دكتوره باكستانيه وماحسيت بشي بس خووووف وفعلا دخلت غيبوبه يوم كاااامل بس صحيت طلعوني الجناح وهني تمرمرت عذااااب جننوني الممرضات ولعوزوني استغفرالله قعدت اسبوعين بعذاب لين طلعت بس نصيحعه اذا انتي ولاتج طبيعي اولدي واطلعي علي طووول لاتقعدين بالمستشفي بتكرهين نفسج

الله يسهل عليج يارب

وانا انصحج تولدين بالفروانيه لان غرف الولاده وسيعه وكل وحده بغرفه

اما الصباح غرفه الولاده كل 2 مع بعض بنفس الغرفه وبس بينهم ستاره!!!!!!!!!!

ونصيحتي اذا ولادتج طبيعي طلعي بنفس اليوم اللي تولدين فيه لان الجناااح موشي

بنات ترى الكمام ياثر على البيبي
بس ابره الظهر ماتاثر على البيبي
مادري عن الفروانيه بس في مستشفى الصباح دكاتره التخدير باليوم يسوون واايد ابر ظهر وكل الي شفتها ( فوق ال30 ) ناجحه كلش ما منها خوش وتريح وتقلل العوار

انا ولدت فيها غرفة الولاده عنايتها ممتازه بس لما تطلعين للقسم زفت الزفت