منو جربت دواء seroxat لعلاج الصداع النصفي؟

نفس مشكلتج صداع نصفي بس خايفة اروح الطبيب

سويت عليه سيرج واللي طلع معاي انه دوا اكتئاب !!

حبيبتي هذا دواء لعلاج مرض الاكتئاب والرهاب الاجتماعي

واذا ماعندج مرض نفسي لاتاخذينه وتدمريييييييين حيااااااتج

اللهم بلغت

ألف سلامه عليكم بالفعل الحجامة ممتازة ومن أول جلسه وبالعافية.

مره انا بعد عطوني دوا نفسي لنفس المشكله لونه احمر مثلثات بس نسيته هم حق الاكئاب .. وتحسنت عليه واااااااااايد
بس اللحين ما استعمل شي الا مهدئات نابروكسين

وجارت اختي تمدح excedrine extrastrength 1×2 prn
انا عندي باجر موعد بسال عن دواج وعن هالدوا حق الجاره بشوف وبخبرج
استعملي التوبماكس يخفف نوبات الالم
والله يشافينا جميعا

بنات الله يشفيكم الصداع ناهو الا هوا بالراس والرحم لازم تعالجونه بالدوره
انا كنت نفسكن واللحين للحمد الله في تحسن شديد

ولي عوده ان شا الله بطريقتي للشفاء ات شاالله
حدي نعسانه وباجر اكتبها بللتفصيل الممل

آنا جربته تقريبا سنتين وآنا اخذه وللأمانة تحسنت واايد عليه بس مشكلته انه ما تقدرين توقفينه بشكل مفاجيء لازم بالتدريج والا يسير له آثار جانبية

اختي برنسيسة الشمال
بانتظار طريقتج الله يجزاج الجنة …لاتبخلين علينا فيها …الله يجعل شفانا على اهون سبب امين يارب العالمين

اختي زينة
مازاد وزنج من هالدوا ؟ اناصج تحسنت عليه بس وايد له اعراض جانبية بصراحة ماتسوى كلش …

الدواء حبايبي تجيبين راس الخاروف وتنظفينه عدل مدل

وتكونين مسويه خلطه اعشاب زنجبيل وفلفل اسود ورشاد

وحبه سودا وحلبه وتخلطينهم وياعيش شوي وقطع لحم صغيره هبر يعني وتحطين اعواد دارسين بعد

وتحشين فية الراس وتخيطينه وتطبخينه على النار ليما يستوي وتفتحينه اول تسوين عرقه يعني تغطين اذانج عدل
وتتغطين انتي والقدر ويا بعض
ليما تصبصبين عرق وبعدين تاكلين منه ليما تشبعين فل وتشربين وراه اعشاب زعتر وكمون وشمر ونونخه

وتتغطين وتنامين بالحر بدون تكييف بيطلع الهوا منج وبترتاحين وكرريها اربع دورات واهتمي بدورتج عدل
لانه منهوا نفاس والله اعلم
ولاتنسين الرشاد مع تمره تقهوين فيها مرتين باليوم
وفي دوا قهوه تبيعه مره خاص للهوا تجيبه من الحفر حلو

عباره عن مقل الهوا وعود الهوا وخوا جوا ونونخه وشمر خفيف
وفلفل الهوا وفلفل ابيض وشوي حبه سودا

والله يشفيكم اي استفسار على الخاص

شوفي حبيبتي انا سالت الدكتور عن دواج وقال هذا دوا اكتئاب ومستحيل نعطيه للصداع النصفي ..
انا بقولج عن دواي انا اخذ توبوماكس ( يخفف من نوبات الصداع و يعالج الصداع والشحنات الزايده 2 في 1 ) 50ملغ بالصبح وبالليل و تدريجيا تاخذينه بالبدايه بس حبه لمده اسبوعين عقب تزيدين الجرعه انا وصلت 200 << وااايد بس مرتاحه جي و اخذ موتيفال ( الدوا الي قلت عنه مثلثات حمر ) حبه كل يوم !!
واخذ مسكن نابروكسين و مرتاحه عليهم وايد ..
جارت اختي تاخذ excedrine extrastrength 1×2 prn
ووايد مرتاحه عليه اهي و سالت الدكتور عنه قالي اهو عباره عن مجموعه مهدئات فيه اسبرين وكافين وشي ثالث ماعرف شسمه المهم هذا مفعوله قوي ..و ينصحون فيه اخر شي اذا ماتتحسنين على الادويه ..وهذا مهدى
انا اعالج عند استشاري اعصاب بقطر مب عندكم ..
شوفي لج احسن دكتور اعصاب او استشاري وروحي له ..
و في عمليه بوتكس اذا عادي عندج يطقون بوتكس بالراس منابت الشعر والعروق تقريبا 12 ابره ومعاها يوقف الصداع << بس انا ما جربته سمعت عن ناس سووها وارتاحوا بس ما يطول 4 الى 6 شهور و عقب يروح المفعول ..
وابتعدي عن مسببات الصداع كلها اذا ماتعرفينهم قولي لي بعلمج شلون تكتشفينهم ,, لانه يختلف من وحده لوحده ,,
والله يشافينا كلناااا يااارب ..

انصحج بكتفلاام عجييييب حق كل شي وهم المسكدول انا بنت خالي ما تفج الا منهم

واذا الدوا مو عاجبج لا تستخدمينه غصب

والله يشفيييج يارب