|
|
السلام عليكم ورحمة الله وبركاته
انا كان عندي معاقه وتوفت الله يرحمها ويغفرلها .. كنت اشتري لها كميات كبيرة غيارات بامبرز وشاش وقلفز وبلو باد اللي تكون تحت المريض على السرير … وحاليًا عندي كراتين منهم بعد ما توفت مالي حاجة فيهم .. عندي بعد معدات طبية ويل جير استخدام خفيف ومواصفاته زينه .. انا مابي ابيعهم بتصدق فيهم لاي معاق محتاج .. بليز بنات اللي تعرف معاق محتاج تبلغني بس بذمتها لانه قبل فترة كلمتني وحده تقولي انا محتاجه وعندي طفل معاق وابي فلوس وقامت تشتكي بالتلفون انها بدون وماعندها قطعت قلبي قلت لها اوكي انا بشوفه ومستعده اتكفل بمصاريفه من إلى .. قبل كانت تدق من قلت لها هالكلام مادقت واكتشتفت انها كويتيه وبمنطقة راقيه يعني ماعليهم قاصر ..
انا ماودي اودي الاغراض لاعانة المرضى ودي اساعد ناس محتاجين ..
والله يجزاج خير وكثر الله خيرج والله يجعله بميزان حسناتج
صج بنت اجاويد ان شالله تلقي احد محتاجهم اكيد
ولا حطي رقمج بالمستشفى اذا في احد محتاج تودينه لهم
الله يرحمهاا ويمسح على قليبج
اذا ما لقيتي احد انا عندي اسر عندهم معاقين او كبار سن .. تواصلي معاي على الخاص
عسى ربي ياجرج ويرحم امواتنا واموات المسلمين
وان شاء الله كل هذا في ميزان أعمالج يارب
صراحة ما ادري اذا لي الحق اني اكتب هل حجي بس احنا ناس محتاجة و مو كويتين اذا تعرفون احد يتكفل بأطفال صغار تبلغني اذا ما عليكم كلافة يعطيكم الف عافية