|
|
قووووووووووة بنات
منو تدرس باحدى الجامعات الخاصة بالكويت وعلى احسابها؟؟
انا اذا كتب ناوية اكمل على احسابي
وابي تخصص محاسبة انشالله لاني دبلوم محاسبة فبكملها بكالريوس
ابي 
جامعه زينة وابي جم تطلع علي بالكورس ؟؟
منو تقدر اتساعدني
وياخذون على كل وحده دراسيه 150 دينار .. يعني لو الماده 3 وحدات راح تطلع عليج 450 دينار حق الماده الوحده
واذا بتاخذين 5 مواد بالكورس .. يطلع عليج 2250 دينار
طبعا هذي حسبه المواد بس .. زيدي عليها رسوم التسجيل وسعر الكتب
* أنا متخرجه من جامعه الكويت .. بس اخواني يدرسون بجامعات خاصه .. فـ فدتج باللي اعرفه 
الدراسه بقست غاليه حبتين 450 عالمادة بس تسوى لما تشوفين مستوى الجامعه والمنهج والتكنولوجيا
يعني قاطة فلوسج على شي يسوى مو اي جامعه
والمحاسبة بالكويت ماكو الا بجامعة الكويت والجامعات الخاصة قست والامريكية والشرق الاوسط
وقست ارخص وحدة بينهم وبالنسبة لي الافضل
وقسم المحاسبة وايد مهتمين بالطلبه واغلب الدكاترة زينين
وبالتوفيق يارب
الجامعه المفتوحه اكيد ارخص بس ترى وايد صعبه ونظامها بريطاني صارم يعني راح تتعبين شويه
او شوفي لج البحرين .. انا حاليا قاعده اكمل دكتوراه هناك .. بس حبيها عدل تكاليف الدرايه مع الاقامه والتذاكر اللي تبي منج الروحه مرتين بالشعر جم يطلع ؟؟ اذا نفس تكلفة جامعات الكويت سجلي بالكويت
الله يوفقج
انا ادرس بالجامعه العربيه المفتوحه اخر كورس
الصراحه انصحج فيها داخل الديره ورخيصه ونظامها اقساط ونظامها سهل للى عنده طموح
مافى شئ اسمه صعب ولاتخرجتى تستلمين شهادتين من الكويت ومن بريطانياا
الله يوفقج
مافى شئ ترى اسمه مستحيل
ما عندي فكرة ..
شوفي احنا منهجنا بريطاني بحت أتكلم عن مواد التخصص
شهاده معترف فيها خصوصا إنج تستلمين شهادتين وحده من الكويت وحده من بريطانيا يعني جنج دارسه بره
موادنا موصعبه بس يبيلها شغل ودراسه وحل واجبات أنا دشيت قست وطلعت منها ماعجبتني غاليه عالفاضي عندي جامعتنا أحسن عالأقل تعلمج الاعتماد على النفس وأي استفسار تبين أنا حاضره وبالتوفيق إن شاء الله
انا بغيت اسال والله يوفقها ويعطيها العافية اللي ترد علي لاني تعبت وانا اسال مافي اي رد
ابي اعرف في تسجيل الكورس الثاني بالجامعه العربية المفتوحة؟؟؟يعني بشهر 12 او 1؟؟
الله ينولكم اللي ابالكم وااااااااااااااااااااايد فدتوني بمعلوماتكم
مشكورين
والتسجيل سمعت انه بشهر 11 بس مادري متى !
عاد هالسنة سجلت اجازة دراسية كنت ناويه اروح البحرين او مصر بس اذا بديرتي وايد ابرك واحسن
السلام عليكم ورحمة الله وبركاته ,,
الحمدلله والصلاة والسلام على رسول الله وعلى آله وصحبه أجمعين ,,
قرات باحدى الجرائد الكويتية اسعار الجامعات الخاصة بالكويت,, ,والتخصصات,,
فتفضلوا,,
– جامعة الخليج(gust) التكلفة النهائية للتخرج 20 الف دينار كويتي.التكلفة النهائية للتخرج تعنى الاربع سنوات,,
التخصصات المتوفرة حاليا:
بالنسبة لكلية الاداب والعلوم الادراية يندرج تحتها تخخص اللغة العربية والتربية وتخصص اللغة الانجليزية ترجمة ولغويات وتخخص اداب انجليزي وتخصص اعلام وتخصص الصحافة وتخصص الاذاعة والتلفزيون وتخصص العلاقات العامة والاعلان وتخصص الاتصال المرئي وتخصص علوم الحاسب والالي,
كلية العلوم الادراية تضم تخصص المحاسبة وتخصص ادارة نظم المعلومات وتخصص ادارة الاعمال وتخصص التمويل وتخصص ادارة اعمال دولية وتخصص ادراة العمليات والشؤون اللوجستية وتخصص ادارة السلوك التنظيمي وتخصص التسويق وتتبع جامعة الخليج للعلوم والتكنولوجيا.
– الجامعة الامريكية(auk)التكلفة النهائية 21 الف دينار كويتي.
التخصصات المتوفرة حاليا:
كلية الهندسة وكلية ادارة الاعمال وكلية الاداب والعلوم, وتمنح كلية الهندسة درجة الماجستير في هندسة الكمبيوتر والهندسة الالكترونية وهندسة النظم والهندسة البيئية والهندسة المدنية والهندسة الميكانيكية والهندسة المعمارية.
اما كلية ادراة ادراة الاعمال فتمنح درجة البكالاريوس في الاقتصاد وتخصص المواد البشرية وتخصص نظم المعلومات والمالية والتسويق والمحاسبة والادراة…
وكلية الاداب والعلوم فتطرح بكالوريوس الاعلام الالكتروني و بكالوريوس التصميم الجرافيكي و بكالوريوس الدراسات البيئية وبكالاريوس اللغة الانجليزية وبكالاريوس العلوم الاجتماعية وبكالاريوس الدراسات الدولية وبكالاريوس وسائل اعلامية والفن المعماري الداخلي وعلوم الكمبيوتر.
– جامعة الشرق الاوسط الامريكية(aum)التكلفة النهائية للتخرج 25 الف دينار كويتي.
التخصصات المتوفرة حاليا:
بكالاريوس ادراة اعمال يتفرع المحاسبة والتمويل والتسويق وبكالاريوس ادراة نظم معلومات-شؤون الحاسوب وبكالاريوس المواد البشرية(خبرة في الموظفين) بلاضافة لتدريس اللغة الانجليزية للمرحلة الثانوية.
كلية ACM تقدم دبلوم ادراة اعمال دبلوم العقار (علم جديد وذو سوق عالي حيث يحصل على توظيف فوري) دبلوم التمويل دبلوم المحاسبة دبلوم المبيعات دبلوم تقنية المعلومات.
– الجامعة البريطانية المفتوحة اهيا نفسها الجامعة العربية المفتوحة(aou)التكلفة النهائية للتخرج 4 الاف دينار كويتي.
التخصصات المتوفرة حاليا:
بكالاريوس تخصص ادراة اعمال نظم ادراية وبكالاريوس ادراة اعمال اقتصاد وبكالاريوس اداب انجليزي وبكالاريوس تقنية المعلومات والحاسب.
وفي الجامعة الاسترالية
وادعولي بالصحة,,لاني طبعتلكم المعلومات من الجريدة ولم انقله من المواقع الاخرى,,