منو اولدت ابمستشفى الولاده ؟

ابي رايكم فيها .. من ناحية الدكاترة .. منو احسنهم .. والسسترات وعنايتهم واهتمامهم

اختي توها والده عندهم .. وهذا ثالث ياهل تولده عندهم .. وايد تمدح عنايتهم واهتمامهم ،، وطقوها ابرة الظهر مرتين ..
.. ورفيجتي بعد عندها 3 يهال كلهم يابتهم بالولاده
وابكل ولاده تقول يعاملوني جني بولد البكر ومايخلونها ابروحها

ابي رايكم انتو بعد

انا ولدت البكر بدار الشفا وابصراحه ولا جنها مستشفى خاص

وعقب فكرت اولد الحين بالسلام ..

بس لما سمعت عن الولاده وعنايتهم واهتمامهم،، جني غيرت رايي ..

وحطيت واسطه عشان اقعد بالجناح اللي عندهم اللي خاشينه حق ربعهم

ناطرة رايكم

والله انا مثلج

بس انا ولدت ولادتي الاولى قبل ستنين بالولاده وااايد يهتمون وكل ما اطق الجرس يجون لي بس الي حرني فيهم اني كنت ابي ارضع بنتي واحاول معاها ماتشرب

هم عطوها حليب وبعدين قالو اتصليفي احد يجيب لج حليب احنا مانعطي الا رضعه وحده والله كشت فيهم ورضعت بتني ولا اني اشربها حليب صناعي

والحين انا اخر موعد ولاده حقي كان امس رحت هناك سويت تخطيط لان ماكان فيني طلق وقالت تعالي بعد يومين ادا ما يالج طلق
وزوجي سوالي واسطه حق الغرفه الكشخه انشاء الله احجزها واولد فيها

بس ادعولي يجيي طلق و ولد

توكلى على الله انا كل عيالى خمستهم بالولاده خوش عنايه طبعا انا كلهم فتح بطن لو يعطونى مليون دينار ماولد بخاص يمه اخاف الحكومه كل الاجهزه والاستعدادات عندهم حق الام والبيبى حتى لو محتاجه دم عندهم اما الخاص يعطونج دم وياخذون فلوسه

ماقصرتوا عالتشجيع والمشاركه

نبي مشاركات اكثر

انا ما جربت ولا مكان
بس الاسبوع اللي طاف مرت حماااي ولدت بالولاده وتقوم وتقعد تمدح فيهم وعطوها ابره الظهر ووايد تمدح اهتمامهم ورعايتهم

ومن قبل مرت اخوي والده مرتين اهناك ومشالله نفس الكلام تمدحهم وايد
والسهاله من رب العالمين ترا اختي

ولا تنسوني من الدعاء انه الله يرزقني الذريه

انا مثل بنت الكويت … جربتها سنة 2000 مجبوورة
ويع ويع ويع … اهمال بمعنى الكلمه… احسن مافيها انهم تمر عليهم حاالات الدنيا فما في خوف من هالناحيه … لكن بالنسبه للرعاية مو بس صفر الا بالناقص

والله يهون عليج ويسهل ولادتج

انا ولدت مرتين بالولادة بالعكس وايد زينين يعني انا اخواتي اولدي بالخاص احس انه ما يفرق عن الحكومة وبيني وبينج تساهيل الولادة من الله ما له شغل خاص ولا حكومة بس فيه شغله انه الولادة ادشين بروحج اما الخاص شجرة العايلة كلها تدخل معاج

والله يسهل عليج
عندج الدكاترة الزينين بالولادة د. ليلي اشكناني
فاطمة الكندي عجيبين وشطار و السسترات سستر اقبال الشرهان والسستر مني الياسين

انا ماجربتهم بس مرت اخوي تقول وييييييييييييييييع كابووووس كان خاصه انها بجر واهي يهمها ان القبيله كلها تدش وياها الولاده صرااحه صااجه تبين لو عالاقل امج و ريلج معاااج مو قاطينج بالغرفه بروووحج لا حنيس ولا ونيس جنج داشه غرفه اعدام !!! بس طبعا كعنايه اكيد ماكو عالحكومه وعسى الله لايحووجنا لهااااااااا

بنت كويت عسى الله يرزقج الذريه الصااالحه عاااجل غير آجل يارب العالميييييين

يمه الولادة بالحكومة تخرع لانهم مايعطون كمااااااااااام وهذا اهم شي بالولادة بصراحة وانا اول مرة اشوف شكثر ناس يمدحون الحكومة لا رعاية ولا شي واللى يولدج السستر مو دكتور متخصص بس اذا عندج واسطة يمشونج؟؟؟؟؟؟ شدعوة! لاوالله الزم ماعلى راحتى وسلامتى واحط فلوسي بالشمس واقعد بالظلال هذا مبدئي

والله انا والده مرتين بالولاده اول مرة صج يهتمون بس ما يعطون مسكن كلللللللللللللللللللللش يعنى تخيلي اربع ساعات بالطلق الصناعي ولا كمام ولا ابرة
حتى دكتورتي قالتلي اولدي بالخاص مع ابرة الظهر احسنلج وما يابتلي طاري انه عندهم ابرة الظهر
والثانيه الحمدلله التساهيل من الله بس السستترات اناديهم بولد كاشته فينى عبالها اجذب عليها (بس الولاده الثانيه عطوني ابرة اتنوم وقعدت على الطلق الصجي
بس ترى الخياط يعنى مو مثل خياط الخاص
يعنى عادى كلش
وتلاقين دكتورين وسستر يخيطون وغير الولاده السستر اهيه الي تولدج بس اذا عندج واسطة الدكتور يولدج

آنا الله يسلمج ولدت 3 مرات بالولاده بس آخر ولاده مليت منهم فرحت الخاص للاسباب التاليه:

1- خياطهم مو شي كلش لاعت جبدي منهم الصراحه حتى دكتورتي بالولاده الاخيره قالت لي لما فحصتني للولاده اي يبيلج خياط سنع!!!!!!

2-وقت الولاده ماكو يما ارحميني يعني حتى بالبجر السستر تخليني بروحي وتروح وانا العي واصيح ميته من الخوف

3-بعد الولاده ماكو راحه كلش…اييبون الياهل ويقطونه عليج وانتي مالج خلقه كلش…وطول الليل على لبحه وحده وصياح وعسر وانتي حدج تعبانه لي درجة اني نمت والياهل على جتفي ما ادري شلون!!!!!!!

ولا ياخذونه منج كلش ولا يرضعونه كيفج انتي ابتحلي فيه

والله مادري شقول لكم خواتي

في ناس تذم وناس تمدح

على فكرة .. انا لما ولدت ابدار الشفا .. السسترات امخليني ابروحي وعيزت اناديهم وانا بغرفة الولاده بس كاشتين فيني

وكمامهم لووعه وحسيت ابعوار الفحص ابكل مرة يفحصوني

بس الحكومة .. الكل من اللي اعرفهم يمدحون بالسسترات والكمام وعندهم ابرة الظهر .. والخياط بالنسبة للقيصرية روعه تقول اختي توها والده عندهم

وحتى بالخاص .. السستر اهي اللي تجابل .. بس حزة الحزة ايي الطبيب

والتساهيل من الله طبعا سواء بالخاص او الحكومة

يارب اتسهلها يارب

منو أحسن دكتور(رجل) يولد هناك ؟

اى والله يا سبائك صاجه
ولا بعد يخلونج عقب الولاده بشغلج ودمامينج وانتو بكرامة مدة ساعتين لين الخياط تخيلو
وااااااااي
يعنى محد يجابلج غير السستر والفراشة
وقبل لا تطلعين من الولاده جم سستر اتجيك على الخياط مادرى ليش