|
|
السلام عليكم
بنات انا متزوجه زوجي عن حب وذبح عمره عشان يأخذني السالفه مو اهني انا اذا عصبت واهو بالديوانيه او طالع ادز مسجات تغث ماقدر امسك نفسي احاول ما ادز لازم اذا عصبت ادز مسج يغث مثل هالمسجات خل ربعك ينفعونك … لو اتموت ارد عليك … اي اقعد لي باجر عندهم
اهو يعصب من هالمسجات ويقول لا تدزين لي جذي لان بيوم راح انفجر واعصب عليج
المهم شصار يوم الاربعا عرس رفيجه وقالي بروح عرس رفيجي قلت اوكي وبعدها وين قال بروح للشاليه قلت هاليوم لا تروح باجر اوكي قال اوكي
يوم الاربعا بنروح انا وامي لخالتي عشان الخميس عندها حفلة ملجت بنتها وانا مبلغته بهالشي اوكي
قلت اذا خلصت من خالتي ارد للبيت قال اوكي
رديت للبيت دقيت عليه الساعه 11 تخيلو قال انا بالديوانيه اشوي ادق عليج طبعا راح للديوانيه بعد عرس رفيجه اشوي صارت الساعه وحده قلت ها وينك قال بالشاليه قلت بالشاليه وانا راده للبيت عشانك وانت قلت ماراح تروح اليوم قال والله طقت بالي اروح الحين ورحت ومتجمعين الشباب قالت اوكي خل ينفعونك الشباب والشاليه وانا باجر اذا رحت للحفله بقعد عند اهلي ولا راح اردلك جان يدز اوكي
مت من القهر قعدت الصبح تعوذت من الشيطان وقلت خليني ادز له مسج مارد دقيت عليه 12 مره مارد قلت اكيد نايم رحت لاهلي ورحنا انا وخواتي وامي للصالون عشان الحفله وادق وادق ماكو ياربي اشفيي قلت اكيد سهران مع ربعه بالشاليه وصارت الحفله ورديت بيت اهلي وادق مايرد ادز مسج مايرد الساعه 3 الفجر اهني مت من الخوف قلت اكيد صاير في شي حادث او مريض يارب تستر وطول الوقت احاتي وانام واقعد وادق وادق وادز مسج وعمك اصمخ صار الصبح قلت برد شقتي وانا طول الطريج اقول الله يستر من اللي راح اسمعه قلت اكيد صاير شي مستحيل مايرد يوم كامل شصاير المهم واروح الصبح والحمدالله ماحد قاعد واسأل الخدامه وين بابا فلان قالت مايشوف مايجي قلت ماما ما يسأل قالت لا قالت اكيد مافي شي وارد بيتنا وادق وادز مسجات انام واقعد بحظني التلفون وصارت العاصفه واخترعنا ورفيجاتي يدقون علي يتطمنون وانا اتطمن على كل واحد غالي علي واهو لا حس ولا خبر ادق ادق ادق ادز مسجات ماكو زاد خوفي بعد العاصفه قلت الحين اكيد صاير فيه شي وادق مثل المجنونه والله اخر شي فجر يوم السبت داز لي مسج ( مافيني شي وخلاص اوكي وطبعج هذا وربي وربي لا اعلمج )
انا قعدت نص ساعه اقرأ المسج من صجه ولا يتغشمر انا احاتي وخايفه علي ويشوف مكالماتي ومسجاتي ومايرد علي ؟ ليش شصاير كل هذا عشان مسج ؟
رديت عليه ( والله من صجك انا يومين احاتيك وخايفه فيك شي اخرتها جذي اوكي ماتشوف شر والشرهه مو عليك علي انا وتعلمني على شنو ترى ليما الحين ماعرفتني عدل وهذا اخر مسج ومع الف سلامه )
وبس
يعني شنو عشان احبه يسوي فيني جذي يبي يذلني ولا شسالفته بصراحه ماتوقعته جذي خير شر الله يسامحه
والحين لا دق ولا دز مسج
منو الغلطان ويحتاج هالموضوع كل هالسالفه
لو انتي بمكاني شتسوين ؟
وكاهو انفجر صلي لربج وادعيه انه يهديه ويسخره لج
الله يصلحكم ويهديه
حيل
بالمحاتاه والخووووف
ونزلت مووضوع عن هالشغله اعالج الخوووف طلعوا البناااااات لهم يخاافوون
وبالنسبه للغلطان بصراحه يقهر زوجج
واخر شي مسج زين رحمج ورد
تبين نصيحتي انا صرت تررركت الامر كله لله وان مارد اترركه
وبيني وبين نفسي لاقدر الله وصار شي هذا بامره
ولاعاد تحنين بالدقه والمسجااااااات
هم طبعهم الرياجيل ترا جذيه
صج والله حبيبتي موجذي النااااااس
مهما كان الزوج عقله صغير او اهبل اخذيه على قد عقله
مايصير اثنيناتكم تشدوم مااااينفع
اذا شفتيه معصب سكتي عنه
وحركاتج ملوت المسجات اذا طلع تدزين له مسج يغث سبحان الله نفسي قبل مااقدر
لازم ادزله مسج واطلع حرتي بس مع الوقت قطعت هالطبع البايخ
اهوا طالع طالع ليش هالمغثه والحنه؟
يقولج بطلع مع ربعي قوليله عليك بالعافيه روح الله معاك حتى لو انتي متضايقه
الحين اللي عليج انج ترخين ولاتشدين معاه وكلميه باسلوب حلو لان مبين انج تناشبينه
وتصارخين وتتحجين معاه باسلوب بايخ صدقيني مبين لول
قوليله حقك علي اسفه خلاص اخر مره ومن هالحجي على شوية ضحك
وسلامتج
اهووو نبهج اول شي
و بعدين لما قالج لمة الربع بالشاليه لا تعصبين ….. هذي قعده الربع عندهم تقديس و الدوانيه كذلك ..شر لابد منه ما تقدريت تغيرينه …. بس تخففين منه و مو بالطريقه و الهواش اهنيه بيلقى الوناسه و راحت البال عن ربعهم و كل شوي رايح لهم عشان يقهرج ~~
وضحيله انج شلون كنتي تحاتينه و اخترعتي عليه … لا تطولون السالفة و هي كلام تافه و محد غلط ع الثاني
بعد عمري انا نفسج كله احاتيه واهتم ،،
واخرتها يطلع من الشباب،،
بس صرآحه انتي الغلطآنه
يعني الريال له حد وينفجر ،،
ومو مساله انج تحبينه بيذلج
اهو ماسوآ شي
انتي الي باسلوبج هذا تحاولين تذلينه وتخلينه يمشي ع اسلوبج،،
لاتصيرين زوجه لحووووحه ،،
هذي الي مايحبها الريال وتنشب له بزوره
خليج ببيتج لاتروحين وانشاءالله
يهديه ربي وانتي ارسلي له اعتذري عن هالاسلوب
وبرره له انج تبين تقعدين معاه ومشتاقه له ،،
رديت عليه ( والله من صجك انا يومين احاتيك وخايفه فيك شي اخرتها جذي اوكي ماتشوف شر والشرهه مو عليك علي انا وتعلمني على شنو ترى ليما الحين ماعرفتني عدل وهذا اخر مسج ومع الف سلامه )
!!!!!!!!
متى تتوبين يعني؟؟ لين ينهدم بيتج ؟؟
اتوضي واخذي المصحف وحلفي عليه انج ماتدزين له مسجات لو شنو صار وقوليله واعتذري منه وان شالله يسامحج ترى تصرفاتج تبط الجبد اهوا الريال مو انتي سمعي كلام ريلج العناد مايفيدج
وبعديوم من حركاته التافه يرداقوله ليش مااتصلت
يقول اتصلت !!!كذااااب
غيركذاسهرات للصباااااح لايردولايسال الحين سهران
ولايردعلي ابدا…
يعني كثيركداوالله يعينك
يعني مو معقووله تناشبينه على الطالعه والنازله ترا الزوج ما يحب الحنه والنشبه
ليش تغثينه شدعوه يعني خلاص طلع وخلص لازم تخربينها على اخر شي والصرااحه اهو موقفه صح لما ما رد عليج
لانه صج اهو نبهج وقالج من البدايه لا تسوين جذي راح انفجر والرجال من البدايه كان صريح معاج
ما غلط عليج بشي ولا سوا جذي اصلا لو انا مكانه ما ارضى بهالمسجات
وانتي حيل قاعده تنفرينه منج لين انحااش كاهو وحتى لما دزلج مسج اخر شي وقالج
(مافيني شي وخلاص اوكي وطبعج هذا وربي وربي لا اعلمج)
معناته الرجال صج منغث اتقومين اتزيدين الطين بله وتقوليله ماعرفتني للحين شيعرف فيج
انتي زوجته ترا مو عدوته عشان تعيشين معاه مرحله التحدي شنو داشين حرب
انا اقولج حاولي كثر ما تقدرين اتصلحين موقفج لانه اذا وصلت السالفه حق ابوج واهلج راح ينقط الغلط كله عليج
والبنات كلهم اللي كانو نفسج قالولج اشكره احنا غيرنا طبعنا يعني لا تحطين ابالج انه هالشي اللي فيج صح لانه تصرفج كله غلط
انا اسفه اذا قسيت عليج شوي بس هذا الصج
واسفه اذا طولت عليج
الله يسخركم لبعض وعن العنااااد <؛
طبعا انتي الغلطانة . بس ديري بالج ترى طبعج هذا بيخرب حياتج كلها والحب الي في قلب زوجج صوبج راح يختفي اذاا ما غيرتي طبعج . تذكري انتي مو في حرب وهذي حياة زوجية اخذ وعطا وتنازلات مو تهديد و وعيد ولسان طويل وعناد . انا اقول لج حافظي على زوجج لا تجيج وحدة من بنات الحرام تاخذه منج 
عسى الله يهديكم ويصلح حالكم
وقمت ما ارسل له بس اذا عصبت حيل وانغثيت
انا ابوي مدلعني واذا زعلت وعصبت يراضيني وتعودت على هالشي ابي لما ازعل واعصب يراضيني بالبدايه كان يراضيني بعدين قام يكلمني هالطبع خايس لازم اغيره بعدين قام يعصب علي بعدين قام يطنشني اذا عصبت
يقولي ابوج غير وانا زوجج
حسيت بنات من طريقته يذلني عشان حبيته حيل بعد ما اهو مات علي وذبح عمره عشاني الحين صار دوره
انزين اذا بدز مسج شنو اكتب فيه ؟
لا حبيبتي عمري ماصارخت عليه او طولت الساني عليه
بس اذا عصبت دزيت مسج يغث
مو معناته ما يحبك او ييبي يذلك اذا ما راضاك اساليني الرجال يمل من الوحده الي كل شوي تتزعل خلي زعلك نارد عشان يصير له قيمه…في البدايه يراضون على الصغيره والكبيره بعدين يملون…كلهم كذااا افهمي هالشي ززززززززززين شي طبيعي
ولا تزعلين باين انك دلوعه وتتزعلين كثير والا يسوي كذا يبي يشوف حب واهتمام اكثر من الطرف الثاني ..بس للاسف هذا يولد العكس..وهذا الي فهمت انا بس بعد ماعصرني الزمن شوي انتبهي خلي دلع ابوك بصوب …هذا الزوووج وحبه لك طريقته غيرررررررر…وبعدين باين انه توك مافي عيال فمتفرغه للرجال..قدام بتلاقين اهتمامات ثانيه تلهيك عنه بس اصبري…
اما تطنيشه فما ينلام ……كسرتي كلامه ..وكانه مو رجال ولا له كلمه ووهو قدها وارسلتي…زعل واختار يطنشك يعني معذور بالي سواه…بس انتي خربتيها الله يهديك مره بالرساله الاخيره…واكيد احترق دمه زياده وحس انه فعلا ..ما اثر فيك ولا له كلمه عليك..رغم الي سواه…نصيحتي لاااااا ترسلين شي وخلك ببيت اهلك يومين يهدى وتهدين وارجعي بنفسك ولا تفتحين الموضوع…..ولا ترسلين له اي رساله بحياتك حتى لو حب….عشان تادبين عمرررك….هههههههه