منو الشخص إللي تحبين يدخل معاك بوقت الولاده

عزيزاتي … الحوامل والوالدات

كل وحدة ولدت بالسلامه .. تقولنا منو دخلت وياها بوقت الولادة أو تحب تدخل معاها بوقت الولاده

ولييييييييييييييييييييييييييش

انا دشوا معاي امي وزوجي

الساره الحاكمه دشت كلها
مو انا مخدره اقوم وارد واغيب وارد
اول شي انا معجعجه باختي العوده ماكنت ارضا تطلع وشمختها وزردتها واذيتها فقيرررره
وصرخت عليها
ليش؟
كنت ابي احد والد من قبل عنده خبره واهي الوحيده اللي كانت والده قبل
ريلي دخل وطرته يوم يت الولاده الفعليه قالوله دش قمت الب صوته طلعوه طلعوه شيبه
وبعد ثنتين من خواتي كانو داخلين طالعين غرفه الولاده
بس اكثر شي عجعجت فيه اختي العوده

يعطيكم العافية

آنا إللي مسكينة حمالة الأسية أكبر وحدة بخواتي أعجعج بمنو ؟

لما ولدت بالبجر امي انحاشت وخلتني وريلي قاعد ينطر بالغرفة

بولادتي الثانية يبت معاي بنت خالتي أكبر مني على أساس إنها قويه وتتحمل وعطيتها كامرة الفيديو

علشان تصور …

ولما شغلت الشريط ما أشوف إلا البردة وأسمع صوتي … الله يهديها بنت خالتي خافت واطلعت بس دخلت

إيدها يعني بتصور .

ههههههههههههههه

للحين ننطر رزقنا بالزوج الصالح

آآآآآآآآآآآآآآآآآآآآآآآآآآآآآآآميييييييييييييييييي ييييييييين

حبيبتي وقت الولادة والله مابي الا الدكاترة ماحد يفيدني الا اهما الصراحة ولا الباجي بينهارون وينحاشون ههههههههههههههههههه

والله انا للحين ناطرة اييني الريل الصالح بس اتمنى وقت ولادتي انه ريلي يكون معاي عشان يسوي لي دعم معنوي

آنا دش معاي زوجي وامي وخالتي ومرت اخوي بس الي كانو ملازميني زوجي ومرت اخوي
مع تحيااااااااااااااتي…………

أشكركم حبايبي على مروركم وردودكم

الله لا يخليني

امي وزوجي بس وقت الولادة الفعلية مابي احد لأن ماحب احد يشوفني وانا تعبانة ومو بوعيي

تقصدون دشوا معاكم وين بغرفة الولاده؟؟؟

انا احب ان يكون ريلي معاي لانه ماشاء الله قوي ويقدر يتحمل واحب اخلي امي تدش وتطلع علي مو تقعد عندي لانها بصراحه وايد خوافه وتقعد يمي تبجي وانا مو ناقصه بروح الي فيني كافيني بس وقت الولاده وطلعه الراس ابي امي والدكتوره عشان امي تخفف علي والدكتوره تولدني 🙂

يعطيكم العافية

احب اختي العودة تدخل معاي وبس
بولادتي الاولى كل خواتي ماشالله دخلو وآنا مادري
بالثانية بس اختي العودة لاني ماقلت حق احد ووصيتها هي وريلي لايقولون حق احد الا عقب الولادة والحمدلله