منو الانابيب مسكرة عندهاااا وسوت تلقيح او انابيب؟؟فزعنكم

السلام عليكم
اخواتي بمندي كويتيات حبيت اسلم عليكم وصراحة انا كنت من زمان نفسي ان ادخل وياكم وللة الحمد ان اليوم قدرت اسجل معاكم واتواصل معكم ولاني صج ماعندي خوات بالحقيقة اللي اكتشفتة اهني الكل اخوات الله لايغير عليكم ولا علينا واتمني من الله اني اكون اخت جديدة لكم

موضوعي ياخواتي واتمني تفيدوني وللي نفس حالتي وتساعدني
قصتي اني حملت ونزلت مرتين الاول شهرين وعقب شهرين الثاني خمس شهور وللاسف لان اكثر المستشفيات الخاصة بالكويت المهم المادةومو مهم البشر ويحزن القلب الغرب لما يعاملون عزكم الحيوان الله بانسانية المهم انا بعد شهر من طيحت اكتشفت ان الانابيب تسكرت عندي يعني الدكتور بسب غلطة قضي علي الحمد لله علي كل حال وسويت مرتين اشعة صبغة انفتح واحد ولثاني للحين مسكر وسويت مرتين تلقيح صناعي عند ماجدة مالله كتب وفحابة اعرف منو كانت عندهااا الانبوب مسكر سوت سواء انبيب او تلقيح واي دكتور احسن بالكويت ارجووووووووكم لاطنشوني لان اللة واعلم بحالتي ومالي غيركم ياااااااااخواتي ارجوكم ابي افضل الدكاترة وتكون اهية مجربة او احد شافتة ولكم الاجر وسامحوني علي الاطالة

عفيااااا لا طنوشوني ساااااااااعدوني

صباح الورد

يا هلا ومرحبا فيج يالغالية

لا تحاتين يا قلبي

انامثل حالتج تقريبا

ثلاث سنوات حمل واجهاض

ولما سويت اشعة الصبغة عرفت ان عندي انبوب مسكر وضعف بالتبوبض

وسويت ثلاث مراتت تلقيح صناعي عند ماجدة اليتامى ونجحت وحدة بس اجهضت ومرتيت ما حصل حمل

وبعدها قررت اسوي انابيب او بالاحرى اسمه حقن مجهري

سويت اول مرة عند باتريك في مستشفى لندن وما نجح ولله الحمد

لكن ما يأست عدتها عنده بعدها بشهرين عند نفس الدكتور ولله الحمد نجحت واستمر الحمل بفضل الله وحده تعالى

لكن اهو مشكلته ماااادي لابعد الحدود مااادي بشكل عجيييييب اخذ مني فوق 15 الف دينار من تحاليل وعمليات الانابيب وعملية ربط وابر وحبوب ومنظار وتنويم اول تربع شهور للحمل

بعدها وصلت حدي وتعبت نفسيا من النوم بالمستشفى ومن كل شوي مطلع لي عله

فرحت حق انسان قبل لا اقول دكتور انسان بمعنى الكلمة

الدكتور مدحت الشربيني في مستشفى الراشد

وفعلا ارتحت عنده وكان شاااااطر جدا وعارف شغله عدل

وكملت معاه مدة الحمل ولدت عنده قيصرية ولله الحمد

وبعدها بسنتين حبيت اعيد المحاوله

عند مدحت الشريبني

وفعلا نجحت من اول مرة وحملت وجبت توام بالشهر السابع وكان انسان ما عنده محاولة للاستغلال وما كان مادي العملية كلها مع الابر والمتابعة ما كلفت اكثر من الف وخمسمية وسويت عنده الربط ب300 بس

الله يجزاه عني خير الجزاء ويوفقه وين ما راح

اللهم صب عليه الخير والرضا صبا صبا يا علي ياقدير

اتمنى اكون افدتج

عسى ربي يرزقج ويرزق كل محرومة بالذرية الصالحة المعافاة يااارب

وساامحيني على الاطالة

……..

حبووبه جربي عشبة المدينة تلقينها عند العطار
واايد يمدحوونها حق بعد الاجهاض لانه تنظف الرحم من الانسدادات
والله يرزقج ياارب………

ان شاء الله البنات يفيدونج ويسهل ربي كل امورج

انا عندي نفس المشكلة أنبوب مصكر ورحم مائل تميت اربع سنين اعالج بالخاص والله بس نهيبه بس يبون فلوووووووووس والله وسويت تلقيح صناعي وفشل وشوية أشعة الصبغة مرتين وسويت منظار رحم والانبوب مصكر وطبعا حملت واجهضت بالشهر الثالث بسبب غلطة دكتور خاص حسبي الله عليه

والله ان الخاااااااص بهذلة وحسبي الله عليهم

المهم بعد الإجهاض راجعت الصباح وتميت معاهم وعالجت كلوميد والحمدالله حملت وتخيلي تعبت بحملتي بسبب الخاص من قبل بهذلوني بالتنظيفات

توكلي على الله وراجعي بالحكومه والرزق من الله سبحانه لا من فلان ولا علان

والله يرزقج و لا يحرمج

الله يجزاكم الخير يااااااااااااا خواتي انكم رديتو علي وربي لا ليلي ليل ولا نهاري نهار والله احيانا ارجع بيتنااااا وانا ابجي الحمدللة علي كل حال

اشكركم يااااااااااااخواتي
الله يخلي لكم عيالكم وازواجكم ولا يحرمكم عزيز الله العالم بحالي لاني صج تعبت ومليت الحمدلله علي كل حال

اختي ارشح لج الدكتور منصور العرف جدا ادمي … و ما شاء الله اعرف ناس واجد اعرفهم الله رزقهم علي يدينه

و عندج بعد الدكتور ماجد الشمري متخصص بحالات الحمل المستعصي و تشوهات الاجنة
و كلهم بالجهرا

و اسعارهم مناسبة جدااااا اقل من الفين دينار على ما اعتقد