منو اتعرف شي عن ال ilets

انا مقدمة الايلتز كذا مرة … الامتحان مقسم لـ 4 .. الاستماع و القراءة و التعبير و المحادثة … الاستماع يكون مدته نص ساعة يحطون لج سي دي محادثات بين ناس و انتي تلقطين كلامهم عشان اتحلين تعبئة فراغ او اختياري .. القراءة مدته ساعة و يعطونج 3 فقرات مختلفة و عليهم اسألة و اتحلينهم …. التعبير مدته ساعة و تكتبين موضوعين تعبير واحد طويل و الثاني قصير … المحادثة اتكون نص ساعة تتحجين مع موجهة و اتقيمج …

و الدورات تعتمد على مستواج و مجابلج … اذا مستواج زين بـ الانجليزي و نوعج اتجابلين عدل فـ اشتري الكتاب مالهم بو 10 دنانير فيه نماذج الامتحان مع سي دي … و جابليه و حلي التمارين و عيدي عليهم ليما اتعرفين عدل …

بس اذا خايفة و مو عارفة شلون تبدين و اول مرة اتقدمين الامتحان فـ اخذي الدورات …

اول شي يعطييييج الف عااااااااااااااافيه

و ابي اسالج انا مستواي نص و نص بالانقليزي يعني اقدر اييب بالسكور 5.5 بسهوووله

لازم تاخدين دوره حت لو كنتي جيده في الانجليزي علشان تعرفين طريقه الامتحان لانه له طريقه حل معينه و يعلمونج طريقه الكتابه الاكاديمه تكون مختلفه شوي عن طريقه دراستنا روحي حق المركز الثقافي البريطاني و راح يفيدونج

دام مستواج نص ونص يمكن اتيبين 5 ونص او 5 … يعني اذا انتي بـ مدرسة حكومية بـ يكون مستواج متوسط فـ اكيد تحتاجين دورة لانهم يعلمونج شلون اتحلين على الطريقة الاكاديمية الـ advanced اللي فوق المستوى المتوسط ..

بس قبل الدورة لازم اتراجعين القواعد اللي يعطونج اياهم بـ المدرسة عدل ..