|
|
صباح الخير………..
الحين الكل بيعرف شنو هالقرار صح؟؟
اوكي انا بقولكم ….طبعا مابي اقول الكل بس تقريبا غالبية المعلمات تتمنى انها تصير رئيسة قسم كنوع من الترقية او التفوق واهو هالشي بالفعل يعني تفوق بس اللي حاصل عندنا شنو؟؟؟؟
ان رئيسة القسم تنكرف كراف ماله اول عن تالي وميزانيتها مهزوزه والسبب انها لازم ترضي الادارة والتوجية وتتعب نفسيا عشان تبي تحقق العدالة بالقسم وماتزعل احد……….لكن هذا كله على حساب منو ؟؟؟ على حساب الصحة والاسره والعيال والنفسية
والمشكلة ان على هالتعب مافي اي نوع من التخفيز او التقدير واي تقصير من اي معلمة بالقسم بيصير على راس رئيسة القسم و… و…. و….و…………..مابي اعور راسكم ………..المهم
منو اتخذت هالقرار…. اللي اهو انها كانت رئيسة قسم وردت معلمة عادية يعني شرت مخها وراحتها؟؟؟
او اذا تعرفون احد من اهلكم او صديقاتكم اتخذة هالخطوه هذه؟؟؟
بليز محتاااااجة ردكم حييييييييييييييييل
كانت رئيسة قسم ونزلت ..
بس والله مادري تحسفت ولا لا
بس اهم شي ارتاحت والا لأ ؟؟
ابي رد تكفووووووووووووون
اختنا ضحاوي ياريت استفيد من خبرتج
انا كنت رئيسة قسم واول رئيسة على مستوى الكويت فى تخصصي
والتوجيه انا عنده مميزة
والادارة كلمتى اللى تمشي
بس تعبت من المدرسات ومن التعب ولازم اكون بنفس المستوى حتى اذا كنت والدة ينادونى اسوى التقارير يعنى ماكو راحة
كلمت التوجيه قالوا لى نطلعج موجه قلت خلونا اجرب كورس وهم مارتحت
رديت معلمة والموجهة العام مايكلمنى مضايق
بس فعلا فرق الحين على مدرسة اولى بس عليمية والادارة كل الشغل على وهى مرتاحة بس هم انا مرتاحة ومااشيل هم مثل اول
وبعد سنة جانى ترشيح رئيسة قسم
كتبت لهم بالخط العريض لالالالالالالالالالالا اوافق
المديرة مارضت توديها وقالت انت شايلة القسم الحين بس قلت لها بس مو اساسية عندى رئيسة قسم ومتى ماغبت محد يحاسبنى
بس انت استخيرى اولا وقبل كل شي
والله يوفقج
بس بسألج عقب جم سنة وانتي رئيسة قسم رديتي مدرسة عاديه وشلون حسيتي بالفرق؟؟
رديتي مدرستج الاولية والا ردوج على مدرسه ثانية؟؟
وشلون الاجراءات؟؟
بصراحة انا ودي حيل اتخذ هالخطوه بس مادري احس في شي داخلي يردني ياريت تساعديني والله نعبت حدي واكون شاااااااااااكره لج
بانتظار باجي البنات اللي مروا بنفس الحاله
بس يردونهم مدرسات مو رئيسات قسم
وماسمعت انهم تحسفوا
اللي فهمته انه عمل رئيس القسم حيل حيل منهك جسديا ومتعب
واالاغلبية ندمانين ترقوا
شوفي انتي الراحة وين ولايهمونج كلام الناس
بس اذا تبين نصيحتي
اذا فكرتي ترجعين مدرسة عادية لاترجعين لنفس المنطقة التعليمية
عشان تفتكين من الحنة من كل صوب من الادارات ومن المعلمات الزميلات
وماتتعرضين للضغط النفسي
وعسى ربي يريحج
اعرف وحده كانت معاي بالمدرسه بنفس السنه الي طلعت فيها رئيسة قسم ما عجبها الوضع
تمت شهر رئيسة قسم بعدين راحت الوزاره
ورفضت الاشراف وطلبت ترجع معلمه وسوت اجراءاتها بالوزاره ورجعت لنا بنفس المدرسه
وقعدت ستنتين عندنا معلمه وبعدين طلعت رئيسة قسم لمنطقه تعليميه ثانيه
واعرف بعد وحده ثانيه نفس الحاله بالضبط بس رجعت لنفس المنطقه ,,,,,,,
لكن حسافه ترجعين معلمه اذا كنت تطمحين للوكاله او النظاره ,, تحملي شوي البدايه صعبه في كل شي ,,,
وبعدين راح يكون كل شي عندج ماشي مثل ما تبين ان شالله وموفقه
اختي العزيزه ضحاوي حبيت اسألج شلون يعني يقابلوني ؟؟
وبالنسبة للي تعرفينهم هل حسوا بالفرق والراحه عقب ما حولوا معلمات عاديات؟؟
والله ياختج التعب والكراااااااااف والنتشة من كل صوب طبعا الادارة والتوجية والمعلمات اللي بالقسم وشكاوي الطالبات وكل هذا ماخلى فيني طموح بالمره بالعلم اني معلمة متميزه بس للاسف احس احباااااااااااااط مو طبيعي
الحين انتي تنصحيني اذا رديت معلمة ارد بس بمنطقة تعليمية ثانية؟؟؟؟
انا ما انصحج تردين معلمه لان حتى لو رديتي معلمه بس سنتين وبترجعين رئيسة قسم وتتاخرين عالفاضي
يعني وراج وراج ضغطي على نفسج هالسنه ومثل ما قلت لج اول سنه تعب لانج تواجهين الكل بروحج
والكل يبي منج والكل ما راح يعجبه شي بس انت تحملي والله يكون بعونج وتعدين هالسنه وبعدين تتعودين
طبعا انت استخيري وان شالله الله يسهل لج امورج يسخر لج عباده
قالت فلانه انت مو رئيسه قسم شكو هنيه قالت لها رديت مدرسه ماقدرت اتحمل المدرسات مايردون علي (مدرسات مصريات ) ولا يسمعون كلامي وتعبت مافي اريح من المدرسه محد يحاسبني
وانت شوفي اللي يناسبج حبيبتي واستخيري
الله يعين الجميع
ياريت اسمع بعد تجارب من الباجي
الله يخليكم بنات انا محتاجة ردودكم