|
|
السلام بنات
سؤالي للامهات اللي عندهم عيال بالابتدائي
الكل عرف او سمع عن منهج الانجليزي اليديد fun with English شنو المشاكل اللي واجهتك مع هالمنهج ؟ خلينا نناقشها ونستفيد من بعض كوليه امر او مدرسه .
يالله ناطرتكم …
الكتاب كله صور ويعتمد على المدرسه يعني انتي شنو ادرسينه مادري
ويعطونه كلمات يحفظهم شفوي بس
ووكت الامتحان تساله شنو الكلمه
ولا اتأشر مثلا على الباب ويقولها اسمه
ويوم راح ثانيه عطوه كلمات كل وحده اكبر من الثانيه احفظهم واكتبهم ونعطيك امتحان فيه
هذا غير القواعد
واهما بالاساس مو محفظينهم الاحرف
والارقام خليهم على جنب
والالوان واسامي الحيوانات
وادوات المطبخ
وادوات المكتب
وغرف البيت هذا كله بسنه ثانيه
والله يعيني على سنه ثالثه
والله كريم هذا اللي تبيه نوريه شنو نسوي بعد
لاحوله ولا قوه الا بالله
المنهج كلماته طوييييله حيل بالنسبه للجهال
بس اختي مدرستها خوش ابله
تعطيهم اوراق عمل فيها set _book
وvoc
وحيل مسهلته عليهم لانه يجي نفسه بالامتحان
واختي الحمدلله متفوقه
وعلى طاري الصور بالمنهج بنات حلووووو
يوصل المعلومه للطفل
ومعروف الطفل يميز بالالوان والصور
ثانياحبيبتي ياسمين الكويت انا ادرس هالمنهج فودي اشوف شنو الاشياء اللي متعبه اولياء الامور علشان احاول ما اطيح فيها واذا احد يبي مساعدة انا حاضرة وموجوده بالنسبه لاولى ابتدائي ترى انا عندي نسخه من الكتاب بس مو صور لا الحوار يعني بالعربي كتاب طبيعي لمساعدة ولي الامر وعندي تدريبات وشغلات بتساعدكم خصوصا الاحرف والكتابه وشكرا
تصدقين انا عندي ثلاث مراحل ،، الأول المرحلة السادسة واحس ان بالانجليزي فاهم اكثر من خواته،، الثانية برابعة ابتدائي اللي أول ما جربوا فيهم وتوها الحين بدت تستوعب المنهج
والثالثة بثانية ابتدائي شوي احسن من اختها،،،،،،، للعلم انهم كلهم متفوقين.
أدري طولتها عليك
يعني انا بصراااحه طريقت تدريسي لاختي
اشرحلها الدرس قبل ما تاخذه
واعطيها الكلمات الجديده واخليها تحفظها وبعدين ترووح المدرسه وتشرح لها الابله الدرس وبجذيه يكووون سهل عليها
بس الحين انا بناتي الثنتين ما اخليهم اراجعلهم اول باول
بصراحة منهج الانجليزي الجديد كلش مو حلو ولا ينفهم وما اعرف ادرسة
انا عندي ولدي اللي بالمنهج القديم حيل معلوماتة احسن كان قبل يعرف يقرا
ويكتب انجليزي من اولى اما الحين يحفظون شكل الكلمة وصورتها حتى ما يكتبونها
وفي ثانية يكتبون الحرف الاول بس والصدمة الكبرى في ثالثة يعطونهم مباشرة
التعبير وقطعة الفهم ؟؟؟ شلون بيتقوون ماني عارفة ؟؟ مافي تاسيس صح ؟؟
بمعنى انه منهج معتمد على الابلة اللي عندها ذمة وضمير في التدريس
لان اولياء الامور مهي قادرة تعرف شنو تدرس عيالها ؟؟؟
بالنسبة للمطلوب من ولي الامر فتحي الفهرس مال الكتاب راح تلقين كل شي مطلب من الطفل انه يعرفه الكلمات حفظ القواعد المطلوبه مكررة الطالب ما يحفظ القاعدة بس يفهمها واحلى طريقة لتدريس القواعد للاطفال اهي استخدام الصور بعدين عندج الوظائف اللغويه هذي مواقف يمارسها الطالب بالفصل مع زملائه المهم لا تخلين ولدج من غير ما يكتب ولا يقرا حفظيه الحروف خليه يكتب على اربع خطوط والنسخ النسخ وما ادراك ما النسخ سره باتع سواء بتطوير القراءة او مهارات الكتابه الخط … بصراحة انا كنت انسخ عيالي فالبداية اولياء الامور اعترضوا بس بعدين لا لمن شافوا التطور كانوا مستانسين خصوصا لمن الام تغارن ولدها بولد حماها بنفس المدرسه عندنا انا طولت عليكم
بس انا قلت أهم دايما تكونون في بدايه المدرسه عندهم خطط للمنهج بس بعد مايمر شهر والا شهرين تلقين طاخين ولا عاد لهم خلق على التدريس
علشان جذيه لازم تعلمينهم وتشرحين لهم أول بأول
خصوصا احنا ألحين بعطله يعني مثلا أنا أعلمها ايام الاسبوع تحفظهم وطبعا تطلع روحي على ماتحفظ وبجي وقصه
واجيها وأقولها على غفله اليوووم شنو عاد تتذكر وتقول وأقولها باجر شنو وامس شنو
وبجذيه شوي شوي تلقينها تمشي معاج بالكلمات
الايام والضمائر أنا وانت وهي وهو ، الارقام يعني الشغلات الاساسيه
هذي المدرسه تتعب لما تشرحها فالافضل ان احنا بعد نساهدهم الله يعينهم انا بمدرسه ابتدائي واشوفهم شلووون يتعبون مدرسات الانجليزي على وجه الخصوص
اختي ريفيل العفو بالعكس احنا اللي نشكرج على طرح الموضووع فعلا أفادنا ويهمنا خصوصا هالماده
و فعلا شكرا للأخت ريفيل على طرحها للموضوع
وياليت كل من عنده افاده او استفسار يطرحه