منحة الماستر

قوووه شلونكم بنات

بغيت اسألكم اذا كنتي موظفة وتبين تكملين ماستر بجامعة الكويت

يعطونج المنحة ؟! والا لا ؟؟ انا الي اعرفه ان يعطون منحة او مكافأه بس مو متأكده من مسماها خلال دراستج

هالشي صحيح ؟ عفية الي عندها اي معلومة خل تفيدنا

جزاكم الله خير

ايي حبيبتي الجامعه تصرفلج 400 دينار وانتي تدرسين ماستر بس في حاله وحده ان اسمج مايكون مسجل بالتأمينات.. يعني ماتكونين تشتغلين بمكان .. حق الطلبه المقيدين الي مايشتغلون

مشكووووووووورة وايد ماقصرتي

بس انا قالت لي وحدة من رفيجاتي ان في وحده قالت انهم ماطلبوا منها ورقة من التأمينات

حياج الله عزيزتي.. لازم ورقة من التأمينات واذا يبتي الورقه وبعد مده اشتغلتي وكان ينزلج معاش ودروا عنج راح يخلونج تدفعين الفلوس الي عطوج ياها.. هالحجي انا متأكده منه لان كنت بقدم عليها وماقدرت لان اسمي كان بالتأمينات مسجل

لازم جم سنه نكون مشتغلييين عشان يعطونا منحة الماستر
انا اعرف موظفات بالصحه ما صارلهم سنه يشتغلون وقاعد يدرسون ماستر العصر على حساب الحكومه

حبيبتي ام مهودي ماله شغل سنوات الخبره او الشغل بالمكافأه مالت الماستر.. هذي يعطونها للطلبه الي يدرسون ماستر ومايشتغلون.. تعتبر مكافأه تشجيعيه او اجتماعيه شي جذي.. والي ياخذها لازم اسمه مايكون مسجل بالتأمينات (يعني ماينزله معاش)
والماستر بجامعه الكويت موعلى حساب الحكومه.. بالكورس كنت ادفع 40 ديناررسوم تسجيل وعلى كل ماده اخذها (3وحدات) ادفع 30 دينار..

اي زين بس 40 على كل ماده شلون طريقه التسجيييل يعني انا اقدر اقدم وشلون الطريقه ومشكوره على المساعده