مميزات وعيوب التدريس . لازم كل وحده بعدها تدرس تدش

أنا قررت أعطي نصايح لطالبات التربية

وطبعا اللي عندها شي زود تكتبه عشان يستفيدون

نبدي 123Gooooooooooooooo

*المميزات :
1– المعاش معقول بالنسبه لباقي الوزاراة ويمكن بعض الوزاراة أكثر .
2- الإجازه حيل حلوه .
3- ساعات الدوام بالنسبه لباقي الوزارات حلوه اتروحين الدوام مع ريلج وتطلعين قبله .
4- دوامج بين بنات مثلج .
5- تييلج خوش همجه آخر السنه بتسافرين تشترين سياره إلخ … انتي حره .
6- مع واسطه خفيفه دوامج يم البيت .
7- اتظبطين ولادج مع الكورس الثاني طارت نص السنه عليج .
*************>>>> (العيوب)<<<<<**************

1-أول السنه اتصيرين مدرسه مخمه طبيبه زراعه مذيعه مربيه بياعه امينة مخزن اتصفطين الكتب واتوزعينهم لانها ماراح تقدر بروحها وكهربجيه اجيكين على اللمبات والتكييف ويمكن صباغه بعد والدوس كله عليج يعطونج اكثر عدد من الحصص لأنج يديده ويبون يريحون المدرسات القدم ويويلج ان طحتي ابصف كساله يطلعون قلبج وبلاعيمج من جسمج ويحطونهم على الطاوله جدامج وانتي ماعليج إلا اطالعينهم .
1- (نادر) اذا طلعت الناظره زينه إتهون عليج عذاب المعتقل <=== معتقل بالعربي يعني الوظيفه .
2- جميع الناظرات عليهم قرارات اتحسسج انج اندونيسيه يايبتج على حساب ابوها .
3- الإستأذانات بالحسره غير الوزارات الثانيه ولا احد فينا يخلا من مشاغل الدنيا .
4- لازم إداومين بالتايم وإطلعين بالتايم إذا عندج ظروف بتأخرين ولا شي أطلعه من جبدج يعني عندج 3 حصص باليوم يصكونج على عينج بحصه إحتياط .
5- بالنسبه للقسم احزاب وعصابات وقطاعين طرق لازم اجاملين واتنافقين علشان يرضون عليج لا ويمكن مايرضون
ومن اطلعين من القسم بتروحين الحصه طاحو فيج حش لي نهاية الحصه يكسرون ظهرج من الحش فيج لين ينتهي الدوام لا ويمكن يكملون حش بالبيت بالتلفون لي بالليل فيج وانتي ياغافلين لكم الله .
6- تدرسين وتتعبين وإتقولين انا خلصت الدراسه وماتدرين انه هم وراج دراسه ثانيه تحضير وشرح لا والطالبات نصهم مالهم خلق يفهمون والنص الثاني اغبياء والنص الثالث مادري من وين طلع هالنص بس مو مشكله النص الثالث عصابات ومشكلجيات و نص بالإميه شطار .
7- وغير لازم اتسوين امتحانات واشراف ولجان وتصليح ولوعت جبد ومصخره واي غلطه تييج الناظره واتسويج جنج خدامه كاسره صحن في بيتها تمسح فيج الطوفه وإذا تكلمتي ولا احتجيتي شوفي الخصومات والتقرير الزف اللي يحوشج .
8- وحسبالج انه الدوام ينتهي مع جرس الهده لااااااااااااااااااااااااااااااااااااااااااااااااا ااااا اتردين البيت بدال لا اتروحين السوق ولا تقعدين معا اهلج ولا ريلج ولا عيالج لا تقعدين اتصلحين دفاتر الطالبات ولا امتحانات الطالبات واتحظرين درس اليوم الثاني
9- بالنسبه للمعاش حسبالج كله لج نفس باجي الوزارات لااااااااااااااااااااااااااااا 10% هدايا للطالبات 10% وسايل وخرابيط و80% قطيات حق ريوق ومستلزمات القسم وإتسلفين من امج شويه علشان تشترين اقلام سبوره ودفتر تحضير وألوان إلخ …؟!؟!؟
10- ودي اكمل بس تعبت من الكتابه اخلي البنات يكملون وانشاء الله كفيت ووفيت مع اني ماوفيت من العيوب بس الله كريم وتوته توته وظاع عمرج خساره بالتدريس يا كتكوته .

لوووووول لآ آنشآلله مو لهـ آلدرجه ..

آمبيييه تحبطت

عآإد ودي بـ كليه آلتربيه حآبه آلتدريس

يلآ آلله يعينكم يآإ مدرسآإت ويسهل عليكمـ يآإرب

يعطيج آلعآفيه حبيبتي ..

والله يبتيها بس والله المعاش ما قاعد ايي على كثر الشغل !
تكرفين و هالمبلغ شويه عليه و الناس حاسدتج لووووووووووووول

عندج من العيوب الي ما قلتيها
الاعمال الاداريه

اشراف
نشاطات
تربية صف
الشهادات
تبيعين بالمقصف
مناوبات
و غيره و غيره وغيره

و لا اتييج رئيسة قسم مو صاحبه !
وااااااااااااااي شي لا يطاق

هههههههههههههههههههههههه
اسأل مجرب ولا تسأل طبيب

والله يوفقج يااااااااااااارب

ههههههههههههههههههههههههههههههههههه
من كثر العيوب الواحد ينسى
مشكووورة على الاضافات الحلوة

هههههههههههههه

بس حراام مو كل هالعيووب
اذا كل هذي عيوبها ليش للحين تدرسين !!

الحمدلله دوامنا حلووو وماشفت من هالعيوب الي قلتيها

حرام عليج ليش هالتحبيط انا بالتربيه سنه ثالثه بس حيل متفائله وابي الايام تمر بسرعه علشان اتوظف

يالله على ايدج تقدرين تطلعيني من هالمعتقل ؟؟ ههههههههههههه

ما ظلت واسطة ما جربتها

وعفية من صجج مافي شي من هالعيوب معقولة

اكييييييييد مستعيله عالمعاش ههههههههههههههههه

الله يوفقج يارب

اممم انا رغم هالعيوب احب وظيفتي لكن لكل مكان عيوب ومميزات
من المميزات اللي احبها بوظيفتي
اذا صادفتي صف فيه خوش طالبات ينسونج التعب وتتعاملين معاهم مثل اختهم العوده تنصحينهم وتاخذين فيهم اجر
احب اطلع طاقاتي مهاراتي بوظيفتي
من العيوب غير اللي سبق ذكره
اذا حصلتي اداره ماتقدر
اذا تفلسفو عليج اولياء الامور

أنا حلم حياااااااااااااااتي اصير ابله وغلطتي اني سجلتـــ رغبه اولى حقوق

والله اتمنى اتمنى اتمنى اصير ابله وابلة اجتماعيااات بعد

حلمي اصير ابلة اجتماعيااات

!!

اجتماعيات طلبة متووووسط

مو تنسون بعض رئيسات الأقسام اللي عقب ما خذو الاشراف نسو انهم كانو مدرسات وطفارتهم يشوفونج قاعدة فاضية فتقول لج باجر انتي سوي اجتماع القسم أو تييب لج جم طالبة بوقت فراغج درسيهم لأن تأسيسهم ضعيف وان بطلتي حلجج قالت لج حللي معاشج يكون اهيه محللة معاشها واهيه حاطة ريل على ريل وتدهن ايدينها وتعطي أوامر وغير هذا كله من كثر ما تجابلين عيال الناس تلعبينهم وتجاملينه وتونسينهم تردين البيت مالج خلق عيالج بس هم نقول الحمدلله التدريس أحسن من غيره ويكفي وناستج لما تأسسينهم واهمه صغار وتشوفينهم يوم تخرجهم من الابتدائي مثلا والله تخنقج العبرة إتج راح تفقدينهم وعلى فكرة اليهال اللي درستهم يحبوني أكثر من عيالي

التربيه عيوووووووووووبها اكثر من مميزاتهاااا

حتي من كثر الهم ودج تطلعين منها بدون ماتفكرين بمميزاتها …

صاجه والله واعتقد فيه عيوب وعيوب وعيوب