|
|
السلام عليكم خواتي
كيفكم انا بخير واتمنى الكل يكون بخير وسعاده انا ماني حامل بس اتمنى هالشهر اكون حامل وحابه احد يفيدني نفسي اعرف الاشياء والماكولات اللي تضر الحامل يعني تسقط الجنين او تسبب تقلصات للرحم
يعني انا اسمع ان الحمل لازم تبتعد عن شرب القرفه ( الدارسين ) طيب وش بعد من الاعشاب لازم تبتعد عنه انا لاني اعاني من القولون ما اقدر استغني عن الكراويه او البابونج او المردقوش واشياء رايحه من بالي والنعنع بعد طيب احد يقدر يقلي هالاشياء اللي ذكرتها تضر يعني لازم ابتعد عنها وايش بعد ارجوووووكم التفاعل مع الموضوع لان كل ما اسئل احد اجوبتهم تكون متناقضه فارجو المساعده
حذاري من أكل الأناناس والكيوي ……………. هذا اللي ذاكرته والبنات ماراح يقصرون وياج
اللهم ل على سيدنا محمد وعلى اله وصحبه وسلم تسليما كثيرا
شوفي يا الغالية من الممنوعات
الكيوي – الاناناس- البهارات- الكمون- الكركم – ولازم تاخذين قبل الحمل فولك اسيد
و ابتعدي عن التحاميل الداخلية لان لو كنتي حامل موزين
لا تاكلين قبوط ولا حسو
كثري فواكه
و ابتعدي عن الجرجير لان حار
واذا ذكرت شي بقولج
هذا اللي اعرفه وبالتوفيق
الله الحافظ .. واسمع امي تقول اخر شهرين اهما اللي لاتاكلين زنجبيل ولا دارسين ماكانت تخليني اكل سينابون لول
انا توحمت عليييييييييييه
ردو علي
اكلي كل شي 
والدكاتره يعرفون احسن منا لانهم دكاتره