ممكن مساعده انقبلت بالتجاري الحمدالله بس؟؟

السلام عليكم
الحمدالله طلع قبولي وانقبلت بالتجاري لكن
حاطيني محاسبه

وانا مابي محاسبه
انا ابي اداره او اداره المواد شسوي ؟؟ بغير بس ماعرف وين اروح

ثانيا:- بالنسبه حق اختبار الانجليزي مادري متى موعد اختباري
لانه لمن دشيت موقع التطبيقي وكتبت رقمي المدني طلعلي هل كلام

• الطالب تم قبوله في كلية [كليه الدراسات التجاريه] تخصص [المحاسبه]

بيانات قاعة اختبار اختبار مستوى اللغة الإنجليزية

القاعـــــــــة 505 قاعة

وصف أو مكان قاعة الاختبار 5 مبنى

موعد وتاريخ الاختبار 1

مافهمت قصدهم شنو موعد وتاريخ الاختبار 1

يعني اي يوم وشنو التاريخ ؟؟
وقريت هم

الـمقبولين ( بنين، بنات ) بجميع كليات الهيئة عليهم مراجعة كلياتهم يوم الثلاثاء الموافق 7/2/2012 الساعة التاسعة صباحا لأداء امتحان مستوى اللغة الانجليزية.

المقبولين ( بنين، بنات) بكليات التربية الأساسية والعلوم الصحية وكلية التمريض عليهم مراجعة كلياتهم يومي الاثنين الموافق 6/2/2012 والثلاثاء 7/2/2012 الساعة التاسعة صباحا لإجراء المقابلة الشخصية.

المقبولين ( بنين، بنات) بجميع كليات الهيئة عليهم مراجعة كلياتهم يومي الاثنين الموافق 6/2/2012 والثلاثاء 7/2/2012 لحضور الندوات التنويرية للطلاب المستجدين الساعة التاسعة صباحاً.

ستكون فترة الإرشاد والتسجيل لجميع الطلاب المستجدين (بنين، بنات) في جميع كليات الهيئة صباح يومي الأربعاء الموافق 8/2/2012 والخميس الموافق 9/2/2012.

على جميع الطلاب المستجدين الحرص على دخول موقع الهيئة www.paaet.edu.kw لإجراءات التسجيل: يومي الأربعاء الموافق 8/2/2012 والخميس الموافق 9/2/2012 و قراءة التعليمات الخاصة بالطالب المستجد لاختيار جداولهم الثابتة.

بداية الدراسة للفصل الدراسي الثاني 2024/2012 بجميع كليات الهيئة يوم الأحد الموافق 12/2/2012.

قريته ومافهمت انا متى اروحلهم اي واحد فيهم انا

هل اروحلهم تاريخ 7/2 ولا 8/2 ولا 9/2
عفيه فهموني

وهل اقدر اغير محاسبه وانقي اداره او اداره مواد

لانه انا داشه تجاري بس برفع نسبتي وبعدين بحول تربيه ان شاء الله

وشكرااا لللي يساعدوني وهم حق اللي يدشون ويقروون

My t øõ نفس اسالتج بالضبططططططط

الامتحان تروحين يوم الثلاثاء 7/2 وروحي مبجر يكون بمبنى 5 قاعه 505

وهذوله حق الجدول اعتقد *
ستكون فترة الإرشاد والتسجيل لجميع الطلاب المستجدين (بنين، بنات) في جميع كليات الهيئة صباح يومي الأربعاء الموافق 8/2/2012 والخميس الموافق 9/2/2012.

على جميع الطلاب المستجدين الحرص على دخول موقع الهيئة www.paaet.edu.kw لإجراءات التسجيل: يومي الأربعاء الموافق 8/2/2012 والخميس الموافق 9/2/2012 و قراءة التعليمات الخاصة بالطالب المستجد لاختيار جداولهم الثابتة.

مشكوين على المساعده اششوه يعني ماطافني الامتحان

انزين اخر سوال ادري وايد سالت

يوم الثلاثاء اروح التطبيقي ولا التجاري يعني وين امتحن بالتطبيقي ولا التجاري؟؟

الله يوفقكم وانا الي اعرفه اول كورس يكون تمهيدي يسجلون لكم المواد وبعده انتي تسجلين لنفسج في المستقبل

الامتحان في كليتج

روحي مبجر عشان تعرفين وين مكانج لان التجاري مبنى كبير

ولاتحاتين

اذا ماتبين محاسبة اخذي اول سنه لج مواد من 15 الى 30 وحدة مو اكثر من 30

جيبي معدل اكثر من 3 نقاطط

تقدرين بعدها تحولين اي كلية او اي تخصص تبين

كل ماارتفع معدلج كان احسن لج

اشوه كنت احاتي هل شغله مشكووره قطووه

زين هووووووو وين الحين بشويخ ولا بحولي

يعني بحولي رح نمتحن احنا بنات بحولي
والشباب بالشويخ

التجاري بحولي بس يمكن عالسنه اليايه تروحون للمبنى اليديد بالعارضيه ماادري لان كل سنه يقولون بتنتقلون
والامتحان المستوى للانجليزي سهل بس درسوا القواعد وهالسوالف عشان ماتسقطون فيه لان سهل وحرام تاخذون انجلش 99 وماعليه وحدات