|
|
كيفكوووون …مناح؟؟
الحمدلله قبل أسبوعين استلمت شهااادة التخرج
طبعا تربيه أساسيه(علوم الأسره والمستهلك)
..السؤال:متى أقدم على الديوان؟؟
واذا قدمت يقبلوني على طوووووووووول؟؟ ولا أقعد لي الكورس الثاني ؟؟؟
يعني مثلااا أقدم شهر 8 شهر 9 أداااوم؟
وبعدين شنو المطلوب مني من فحوووووصات وخرابيط أسويهم من الحين ولا لا قبلوني أحسن
وميييييرسي مقدماااً اللي ترد واللي ما ترد
شوفي الحين ان شاء الله راح يفتح الديوان نص شهر 8 وان شاء الله راح تتعيين بنص الكورس الأول
الله يوفقج
مشكوره حبيبتي نونه…بس لما أسجل شهر 8 أتوظف شهر 9 ولا يمكن أطول؟؟
المدرسات يعينونهم على طول
اذا قدمتي على الديوان شهر 8
راح يقبلونج على شهر 1 يعني الكورس الثاني
وممكن يعينونج شهر 10 >>> حسب تخصصج اذا فيه نقص ومحتاجينكم
وموفقه 
إللي أعرفه
الديوان يفتح باب القبول إستثنائي للمدرسين وقبولهم عل طول
نصيحة روحي وسؤلي الديوان بنفسج
وبعضهم إللي يخلصون فحوصاتهم يلحقون على دورة المعلمين الجدد آخر 8
وإللي ما تلحق تداوم أول 9
الفحوصات عقب ما تاخذين كتاب الترشيح من الديوان تروحين للتربية ويعطونج أوراق الفحوصات
شوفي اول شي دقي على الديوان وكلميهم وقولي لهم متى
يفتح الديوان واخذي الحجي منهم لان الكل بيعطيج وقت والديوان
نفسه بيعطيج وقت ثاني.. واول ما يفتح لا تضيعين وقتج تسجلين
بالتلفون سجلي عالنت اسرع واضمن.. بعدين اول ما تسجلين مري
المنطقه التعليميه وقولي لهم متى ينزل اسمي مرشح للعمل لان
الديوان ينزله مؤهل بنطرون لين يصير مرشح بعدين تقدمين اوراقج
وطبعا تاخذين اربع صور شخصيه
وثلاث صور للشهاده مصدقات
و وحده كشف درجات
وثلاث صور للبطاقه المدنيه
وثلاث صور للجنسيه
بس اذا كنتي متزوجه بياخذون صورة لعقد الزواج ومع صورة
للبطاقه المدنيه مالت زوجج
وبعدين حبوبه اخذي معاج البطاقه المدنيه الاصليه وين ماتروحين
لان شغلج ما يمشي الا فيها
وبعد ما تقدمين اوراقج بيعطونج ورقة الفحص الطبي
تروحين للمستشفى التابع لبطاقتج وتسوين (عزكم الله)
تحليل + اشعه للصدر
واذا كنت متزوجه لازم اختبار حمل حتى لو بس مملجه
بعدين تروحين للمجلس الطبي العام بمستشفى الصباح
ويسون لج تحليل دم ويفحصون نظرج وتسألج الدكتوره
اذا انتي عندج شي معين تعانين منه
وي تعبت صبر بشرب ماي واكمل 
ايه وين وصلنا
المهم بعدين تاخذين نتايج التحليل وتروحين
للمنطقه التعليميه وانشالله على طول بيسألونج
وين يناسبج اي مدرسه ومن هالحجي
ادري طولت بس حبيت اشرح لج كل شي سويته بالتفصيل
لاني مابيج تحوسين حوستي لاني صج كنت ضايعه
وصدقيني اذا يات فرصه تخلصين فيها اوراقج لا تترددين
لان الاوراق وهالسوالف يبيلهم طولت بال… خلصيهم وافتكي
والله يوفقج يارب ويسهل عليج يا زميلة المهنه
| الديوان يفتح باب القبول إستثنائي للمدرسين وقبولهم عل طول |
,,,,,,,,,,,,,,