|
|
…………….
السلام عليكم
مشكلتي ان تقدم لي واحد واهله وايد زينين وحبيت امه واستانسو علينا حيل ودقو ثاني يوم قالوا اني عجبت الولد وموافقين على كل شي
بس مادري ليييش مادش قلبي !! يعني سمعت من بنات ان اذا تقدم لي واحد واول مااشوفه فز قلبي يعني هذا راح يكون خوش ريل وراح احبه .. بس هالشي ماصار معاي قعد وياي وكلمني وانا عادي ماحسيت بشي بالعكس كان ودي يمشي
بس انا فكرت فيها ان الريال زين ويعرف ربه واهله زينين وشاريني وين القى بهالوقت ناس زينين ..جان اوافق والحين حدي خايفه ان ماحبه بعد الزواج 
قولوو لي يا متزوجات الحب ايي مع العشره ؟ ولا لازم من اول يوم اتقبله عشان بعدين اقدر احبه ؟؟
مو متخيله اعيش مع انسان انا موو حابته شسوووووووي حدي توهقت .
اذا
اذا
كان تعامله وياج زين
و يحترمج
و يداريج
و يخاف عليج
و يدلعج
اذا جذي شلون ماينحب؟
ماأدري يتراوالي هذا الحب
نصيحتي خلي فترة خطوبتج طويلة شوي عشان تتعرفون على بعض أكثلا و تتقبلينه و تفكرين
و اللة يوفقج انشاللة
الحب الصجي يجي بعد الزواج وانا نفسج كنت كارهه زوجي بس لما تزوجنا
صرت احبه موووووووووت
عادي حبيتي لا تحاتين هذا شي طبيعي
و الله يكتب لج الي فيه الخير يا قلبي
الحب أكبر من نظره صدقينى أو صوت أو حوار وشكل
الحب مواقف وأنسانيه وتقدير وموده ورحمه
وبعدين حبوبه تعالى أقولج شغله
مو الا تعشقينه
المهم تودينه وهو يرحمج
مو بالقرأن الكريم (وجعلنا بينهم مودة ورحمه )
ماانذكر حب وعشق
الأهم بالنسبه لى إذا حبج دللج وأن ماحبج أرحمج
وهذا الأهم حسن التعامل والتقدير
وعسى ربى يوفقج
اهو زين وحبوب وغشمرجي ومبين عليه حده يدلع بس المشكله شكله مو عاجبني وايد يعني ماكنت اتخيل ريلي ابيضاني ولا معضل مااحبببب المعضلييين واكبر مشكله ان واااايد جريئ وطيح الميانه بسررررعه
لكن بعد ماتستخيرين رب العالمين ويخليج تمشين بهالشي يعني هذا نصيبج او يمنعج منه وما يصير ويوقف
اما الحب
انا انصحج لا تحطين في بالج هالشي لان بيصير حاجز بينكم وكل ما فكرتي تحبينه تتذكرين هالكلام وتوقفين
خلج طبيعيه ولاتفكرين بشي وطولي بفتره الخطوبه وانتي على احتمالين اما احبه او ارفضه
بس انتي الله يهديج فارضه الشر من الحين
بس مع الايااااام صرت احس ماقدر استغني عنه الله لا يحرمني منه ويخلي لي انشالله
الحمد لله اني ماخذيته كنت كل يوم اقرى سورة الشمس والحمدلله طلعت السوالف كلها جدامي مثل الشمسسسس
الحمدلله يارب