|
|
السلام عليكم ورحمة الله وبركاته
بنات ابي مساعدتكم لوتكرمتم ولدي الصغير عمره سنتين وثلاث شهور والي يشوفه يعطيه اقل من عمره حيل ظعيف وعظامه صغيره واكثر اسنانه ماطلعت (لشكوى لله يارب بس شسوي )
وزود على هذا شي محيرني (خروجه)اجلكم الله كل مره شكل ولون مختلف عن قبل ,واجد حريم شارو علي اوديه لحريم
ادري طولت ماعليه تحملوني
مو علشان شي لالالالالالا علشان اول مره بحياتي كلها اكتب موضوع لوووووووووول
نرجع لمحور حديثنا >>اتفلسف الاخت
والي ابيه منكم عنوان ام عبدالله الي تعالج البزران الي بيتها بالفردوس ولكم مني دعوه بظهر الغيب
شوفي مستشفى انترناشنوال كلنك الدكتور ياسر القحف وسلامته من الشر
ودية لدكتور يسوي له تحاليل ويشخص عدل .. انا طلبتج مع اني والله ما اعرفج
بس الولد امانه من الله .. عندج حافظي عليه
لااااااااااااااااااااااااااااااااااااا توديني عند حريم يعالجون في بيوتهم لانهم مايفهمون غير انهم يتشبهون لج
بالمرض ويعالجون على اساسه
نصيحة اخوية مالج الا دكتور او دكتوووورة ..
شوفي بعطيج دكتووور ممتاااااااااااااااااااز .. انا كان ولدي تعبان وكل ما اوديه مكان
يطلعون فيه الف شي ..
لين وديته لهالدكتور والله على طوووووول بلش بتحاليل واشعه وقالي ولدي شنو فيه بالضبط والادله
عندة اللي اهي نتايج التحاليل والاشعه ..
اختي يمكن انتي ما شفتي موضوع او ايميل .. حرمة ودت ولدها عند حرمة تعالج
وعلاجها الكوي .. والله ثم والله من غير رحمة ولا شقة كانت تكوي الولد من غير بنج
الي كان بيموت بيدها والله شوفي الموضوع بالمتتدى موجود .. صدقيني راح تغيرين رايج
حبيبتي لا تزعلين من شي والله كل لمصلحتج ومصلحة ولدج ..
وهذا اسم لدكتور
عبدالله شمســاه
25641234
عيادته بالسالمية وبعد يشتغل بمبارك الصبح .. واهو مو بس دكتور واستشاري بعد
واسمحيلي على الطوالة ياعمري
والله يشافي الغالي وان شاء الله مافيه الا العافية
ربي يحفظكم
لا تضيقين خلقج وديه اول شي دكتور اطفال واشرحيله كل شي وهو بيعطيج اعلاج وفيتامينات
والحرررررررررريم مامنهن فايده بيقولن اكويه ومن السوالف هاذي
الله يخليه لج وتشوفينه دبدوب
حياتي هذا الموضوع شفيه امانه قبل لا تروحين
والله يوم وصفتي ولدج انه عمره سنتين وثلاث شهور والي يشوفه يعطيه اقل من عمره حيل ظعيف وعظامه صغيره واكثر اسنانه ماطلعت تذكرت ولدي نفس عمر ولدج 15 -3 – 2024 وللحين يلبس بنطلونه مال بسنه ونص وعنده خصر
الله يخليه لج ويحفظه وتكفين وخري عن هالحريم
انا ماقلت لكم ,وديته لكثيييييييييير من لمستشفيات الحكوميه والخاصه والعيادات وماخليت شي حتى الثلاجه انترست من المقويات وفاتح الشهيه من كان صغيربس ماكو فايده وانا بصراحه ماكنت مقتنعه بالحريم لين شفت بعيني وحده من قرايبنا بنتها على طول تبكي ليل نهار شايلينها حاطينها هم ماكو فايد ماخلو شي ولا دكتور ماشافها كله يقولون غازات وامها وابوها رافظين يودونها للحريم قامت اخت قريبتي وخذت البنت
وهم مايدرون ودتها وكوتها الحرمه كوي خفيف حيل والله يابنات انه الجاهل نايمه يوم كامل وامها مستغربه لانها ساعتين على بعظهم ما تنام
والحين صحتها حلوه ماشاء الله عليها
بس بعد الرابط الي حطته اختنا حنين لايحوشك هذا اجرام, الكوي الي اقصده يسمونه تخويف شي بسيط من ثاني يوم وهو ملتأم ومشكوره وايد اختي حنين على حرصج وماقصرتي وباذن الله ما انساكم من دعائي انتي وخواتي الي ردو