|
|
بس كل ما يون ناس حقي، أوريهم ألبومات الملجه، تقعد تتحلطم إن اهيا وعيالها مو طالعين بالصور وايد، آنا أنحرج وأسكت… بس من داخلي نار، ودي أقولها انتي تعالي صوري، يعني تبي المصوره تصورها؟
بعرس جنتها الأولى كانت يايبه مصوره حقها وحق بنتها عشان يصورون على كيفهم، جان سوت جذي بملجتي؟ لا وتقط نغزات بعد، تقول آنا بعرس فلانه أمها سوت كل شي وانا ماكان علي إلا إن ألبس وأروح الفندق. يعني الحين تتحلطم بس عشان يايبه عشى؟ وباجي الملجه كلها على أمي، لا و ما سوولي عرس!
وبعدين نغزات عن المواعين، تقول احنا قبل الوحده أول ما تتزوج أمها تشتريلها بوفيه تحط فيه مواعين، وانا ما كنت شاريه الصراحه ما كفى المهر. وهم ما شريت ذهب :$ تقول احنا أيام قبل الوحده مهرها على 1600 نصه مواعين والنص الثاني ذهب مضاعد ومادري شنو. نغزاتها كله مقارنه ما بين الحين ومابين أيام قبل.
يعني آنا توني طالبه ما أشتغل من وين بشتري كل هذا؟ الملجه كانت كلها على أمي وغير ملابس حق خواتي، أما اهيا مرتاحه ما عليها إلا من نفسها، بنتها متزوجه وتشتغل. وكانت فتره صيف وأهلي بيسافرون.
وطبعاً كل أسبوع من عقب العيد ناس يون حقي يباركونلي عالزواج (وانا كنت قايلتلها إني بسوي استقبال بعدين!) آنا طالبه عندي امتحانات وهوم ووركات مو فاضيه الصراحه، كل يوم لازم بدله ولا دراعه، مرات أرجع الساعه 5 مايمديني أرتاح، آخذ شاور أسوي شعري أتمكيج وأرتب الشقه عشان يشوفونها… لا وتبيني انزل الساعه 7 لأنهم يوون مبجر. آخر مره سائلتني ما عندج بدله حلوه حق باجر؟ آنا هني انصدمت، شنو يعني بدلاتي مو حلوه؟
واليوم وصلت حدي اللي قلت حق زوجي، سألتني إذا شريت ملابس شتويه، قلتلها اي شريت، جان تقول اشتري شي طويل وبنطرونات وسيعه!!!! آنا هني سكت عنها، طاف. عاد من تزوجت ملابسي كلها طويله ومحتشمه، ولا مره لبست شي ضيج، صج إني كنت ألبس ليجينج، بس كيفي دام إن هالشي يريحني، وألبس جينزات، بس التوب يغطي!
قلت حق ريلي إنها نغزت، وإن آنا قبل الزواج أمي تتحكم بلبسي، والحين زوجي. اهوا هني تنرفز شوي، قلتله بليز لا تييبلها طاري، اهوا نزل تحت ولما رجع قالي إن سألها بطريقه غير مباشره، سمعتج تقولين حق مرتي لبسي ملابس طويله وبناطير وسيعه، شفيها ملابسها؟ جان تقول لااا عشان الحين اشتا يمكن تحتاج إن تلبس شي تحتهم. ليش؟ اهيا قالتلك شي؟
مادري هل هذي ترقيعه؟ ولا آنا كله أظن بالسوء؟
مليت شسوي، مشكلتي ماعندي لسان ووايد نايس، ودي أدافع عن نفسي
المشكله إنها مو وايد كبيره، بأواخر الأربيعينات. كبر أمي. والصراحه آنا محترمتها، كل ما تقولي شي سواء زين ولا موزين ما أرد عليها وكله مبتسمه. بس ماحب اللي يتدخل : جذي بتحول من البنت الهاديه الوديعه للبنت الشرسه
اصبري مافيهآ شي والله يهدي سركم
عامليهآ بالطيب وكبيه بحر.gif "Eh S(7)")
انتِ اذا طلع الزين منك فهو لك ولهلك يقلون بنت فلان ونعم منهآ
أمآ الشينه خليهآ لغيرك ونتِ ونعم منك ما قصرتي ساكته ومتحمله مشالله عليك
الله يوفقك …… وبعدين تبين الجد (( أهم شي زوجك ))) والباقي معليك منه أهم شي هو طيب
وحنون معاك خلاص يبه هو راس الكلام 
الله يوفقك ويسعدك يارب
لا تقولين حق ريلج شي عن امه !!!!
هاذي امه لو يسمع كلمة منج وينشحن عليها ويقثها وماترضى عنه ترى الله مو راضي عنه !
لو لا قدر الله صارله او صارلها شي جذي جنيتي على ريلج ..
انتي حلي مشاكلج بروحج
بتردين عليها .. كيفج ..
منتي رادة .. هم كيفج
بس لا تشيشين ولدها عليها .. حرام أمه
هذا غير انه ممكن وجايز تطق جبده ويقلب عليج ..
انا اقولج هالنصيحة وانتي بأول زواجج ..
وانشالله تنفعج ..
وبالتعامل مع خالتج عادي حبوبة الناس اطباع يمكن طبعها ما عجبج بس شتسوين طبعها ..
هم يمكن انتي طبعج ما يعجبها !!
وبنت الناس ما مداها عرفتج وعاشرتج ماتعرف اطباعج ..
واللي مايعرفج ما يثمنج 
انتي حاولي تتعاملين معاها وتحلين مشاكلكلم بينكم .. وبروحكم ..
انا أأيد الرد الحكيم اللي مافيه غلط ولا هو حاد ..
ان قالت ماعندج بدلة حلوة ؟.. ابتسمي وقولي .. كل بدلاتي حلوة مع ابتسامة شقاقية ..
ان قالت قبل الجهاز نصه اماعين ..
قوليلها مو من اهتماماتي ووقتكم غير ووقتنا غير
انتي خلج حكيمة وكسبيها ..
مشكوره عالرد وعدل كلامج، بحاول إن أصبر، والصراحه مهما سوت ماراح يطلع مني شي شين.
هذي أول مره أقول شي عن أمه، حتى لما خلصت كلامي مدحتها وقلتله إنها ما تقصر وتساعد وتسوي… و…
وقلتله لا تييب لها طاري أبد، حنيت عليه بس اهوا عاندني، وعقبها، قلتله ترى هذي أمك مهما صار، ما كان له داعي تقولها حتى لو بطريقه غير مباشره، بالطقاق آنا تضايقت، بس مابيها تزعل علي ومابيك تشيل عليها.
ومشكوره عالنصايح ، الصراحه الردود عجيبه ما فكرت فيها بوقتها، مشكلتي إني أستحي حتى أرد برد عادي : ومرات توجه كلامها بطريقه مو مباشره، يعني ما جنها موجهتها لي. عشان جذي الرد يكون صعب شي.
مشكوره عالرد، أدري، هذا الكلام اللي قلتله ياه بالضبط. وترى اهيا حرب بارده (غير معلنه) من قبلها، آنا وحده هاديه وحبوبه وكله مبتسمه وماتذمر. بس طقت جبدي من النغزات. وإنشالله انتي بعد أيامج كلها حلوه
وتبي توريج العين الحمره من اولها
حطي لها حد بس بهدوء وبدون مشاكل
اذا ردت سالفه المواعين قوليلها شخباري سوالف قبل انا صغيره شعرفني
يعني انتي كبيره وعيوز خليها تنبط
وسالفه الذهب قولي لها مو ستايلي هلاقه الذهب حتى لو اي شي بس جذي عشان تسكت وسوري على كلامي يمكن يزعلج
وعلى التصوير قولي لها كل ام معرس تييب مصور والا ناطرين مصورتنا
صدقيني
اهي الي بتخاف مو انتي
دام هذه سوالفها لاتسكتين والله تتمادى عليج وكل ما يوج ناس تفشلج
وبعدين تعالي هم بقول الحق
انتي طالبه ميخالف
بس هذه الاصول تتبدلين وتسنعين وتجابلين الناس بدون اعذار
ماكنتي تعرفين هالشي قبل لا تتزوجين ؟؟
تبينها تمسك عليج اي شي وعاد مبين اهي جاهزه
تدرين انتي بفتره اختبار لازم تعدي
ترى تزن على اذن ريلج دفعنا لها وما ادري وين ودت المهر
اغلب الحموله جذي يعطون ويحبون يشوفون وين راحت الفلوس
اذا ما قدرتي تدردين بحزتها
خشيها لها لي باجر وسوي نفسج تكلمين احد بالتلفون وعطيها سالفه امس والكلام لج يا جاره
انا ما اشيشج بس لازم توقفينها عند حدها
وعاديه
انا خالتي حنانه معني مو كبيرة بس طبع فيها
مثل خالتج تقريبا او اكثر
رد بسيط بين الحاضر و الماضي
شتقولين : زمان اول تحول
او
هالزمن غير قبل وكل يعيش زمنه
رد بسيط و ما فيه قلت ادب .. رد محترم
على العرس عادي انا امي اللي سوت العرس
و خالتي تتفلسف ماحطت ولا شي بس شرت نفوف تتكلم جنها مسويه العرس هههههه
لا تحطين في بالج
.gif "Eh S(14)")
أما بالنسبه لكوني طالبه، ترى اهيا شوي مراعيتني، تأجل عشاني. آنا بس باطه جبدي بالنغزااات.
والمهر شدعوه بسوي فيه شي، نصه شبكه…
والتلفون خوش فكره بس لازم أجهزلي سيناريو وأحطه سايلنت لووول
ثانكس مره ثانيه حبيبتي
ايه هالرد لايق علي بما إني مؤدبه وأستحي وايد
لووول ضحكتيني على سالفه العرس. يمكن اهيا مستانسه إن أمج سوت كل شي. أما احنا عشان يابت عشى مسويه سالفه.
وبعدين ماله داعي تفتحين البوماتج للأوادم واتخلينهم بفترون بشقتج
اهم شكو
يدشون يشربون عصير وجاي ويالله باي
ماله داعي التشبهر
وبعدين اهم شي ريلج وامه فتره وبتطخ