|
|
السلام عليكم بنات شخباركم ؟؟؟
ولدي عمره سنتين ….. اجتماعي بطبعه ومحبوب والحمدالله
داوم بحضانة لتل لاند صاره 6شهور وكل شي تمام
الاحظه من قبل عطلة العيد الوطني انه مايبي يروح الحضانه ويوقلي ان الحضانه لالالا ويع سكول ويع
وكل مره يقولي اسايسه وصرت اطلع مبجر امر هارديز يم بيتنا واخليه يلعب بالالعاب واوديه الحضانه بعدين قلت يمكن ملل
بعدين قالي انه ما يبي يروح لان في بيبي اسمها جنا تشد شعره وتخلي راسه بالأرض
صار من باجر قلتله يالله خلنا نلبس ونروح سكول وقعد يبجي ويقولي نفس الشي … فقلتله اذا ما تبي سكول اوديك وقول حق التيشر جذي ونروح البيت ……
تخيلو دش على طول ركض واشتكى للمدرسه حتى قامت تضحك على طريقته وصااااااااااااااح وتعسر بالغصب دش الصف
فالحين مادري عاد اخليييه بالحضانه والا اغيرها او اغير صفه مادري شنو الحل في مثل جذي سالفه؟؟
حبيبتي اذا كان مرتاح بالحضانة من قبل وتحسينه مستفيد ليش تطلعينه غيري صفه وان شالله يرد مثل قبل
حاولي تشترين له حلاو يوزع على اليهال وانتي قعدي مدحي بالمدرسة جدامه علشان يرجع يبيها
الله يعينج
انا قلت بسويله جفله عنونه وبحضر وياه وبسويله تغير جو في المدرسه داخل يمكن يرجع يحبها
… بس لما قلت للمدرسه قالتلي مافي داعي ولدج زين وبس جدامج جذي يسوي !!!!
مادري !!!!
وبعدين ما بقى شي على دوامهم يخلص آخر شي شهر 4 وقلت مابي اسجله صيفي بخليه يرتاح … شرايكم ؟؟؟
اخاف ما اسجله صيفي تزيد هالمشكله ويصير ما يبي يداوم شهر 9
واااااااي الياهال ماشاءالله عليكم ينيت من ولدي
شامحوني على القرقه بس وايد اشياء تخطر في بالي وستين شغله تعارضها و30 تأيدها
وراح أرد عليج .. شوفي هالجنا وزفيها …. أنا مرة ولدي كله يشتكي من واحد اسمه سلطان كله يكفخ ولدى لمن كان بالحضانة واكلم الأبلات ما في فايدة ..
على يوم والأبلات لاهين جان أقول وين سلطان ؟ ونادوه اليهال ؟؟؟
جان أقوله : أسمع أذا طقيت اليهال أطقك أنا عندي عصاية طويلة وأللي يطق ولدي لأطققققققققققققققققققققققه طقققققققققققققق … وبققت عيوني علشان يخاف مني ..
ههههههههههههههههههههههههه ومن عقبها تسنع مع ولدي .. هالأبلات ما يعرفون يتصرفون .. والله كسر خاطري ولدي كله معضض على ويهه ومشكخ جسمه ..
في قسم بالتربية اسمه : كل ما يخص الحضانات بالكويت .. وأي استفسار دشي هني …
راح يفيدونج البنات 