|
|
الشيخ الوزير عمي الضابط زوجج
بنات
معظمنا ادمنوا قسم الحياة الزوجية
بعد ما قريتوا المواضيع
وشاركتوا
وكتبتوا
وقريتوا اشكال والوان
لأي درجة زوجج حس بتأثير المواضيع على حياتج الزوجية بالسلب او الإيجاب ؟
بمعنى
كثر ما نقرا مشاكل الخيانة ،، هل هالشي خله زوجج يحس انج صرتي شكاكة ووسواسية ؟
ولا انه قام يحس ان اهتمامج فيه زاد لخوفج عليه من بنات ابليس ؟
كثر ما تقرين عن الليالي الرومانسية ،، هل هالشي فرق مع زوجج انج قمتي تهتمون ابهالأمور أكثر ؟
هل من قرايتج للمواضيع قمتي تحسين انج مقصرة بحق زوجج وطورتي نفسج اكثر ؟؟
هل صرتي فرفوشية اكثر لان المنتدى صارلج متنفس تنفسين فيه عن ضغوطج ؟
ولا صرتي نكدية من المشاكل والمهاوش اللي نشوفه ؟
ودنا نعرف
متابعاتكم للقسم ،، لاي درجة خلت ازواجكم يفرقون عليكم سلبي او ايجابي ،، ولا ان ما فرق معاهم شي ؟
بالعكس انا قسم الحياه الزوجيه والمشاكل خلتني اتغير حييييل من ناحية زوجي عرفت قيمت زوجي عدل عقب ماشفت المشاكل صراحه
وحسيت انه من الازواج النادرين واني المفروض مافرط فيه واحاول اسعده لاانه يدور راحتي في كل شي الله يخليه لي ولعياله ان شاالله
وماعمري شكيت فيه ابدا الحمدلله انه قد الثقه واتمنى اتظل هالثقه دووم ومايغير علينا يااارب
بس اكيد لمه اقراه مشاكل اخذ حذري لانه الدنيا تخرع يعني في اشياء انا كنت غافله عنها ونبهوني فيها
وفي افكار وحركات يديده تعلمت منهااا
بس اتوقع انه هشي ايجابي بحياتي الزوجيه
بيتي وريلي شي
والمنتدى وسوالفه شي
ولو كان المنتدى له تأثير علي اغير بنفسي بدون مايلاحظ
اب
موضووع مفيد يالله نبي مشاركاتكم
بس من غير م يلاحظ شو اللي غيرني
اما من ناحية مواضيع الخيانة ما ثرت علي بس احب اقراها للعظة فقط
مشكورة مي فعلا مواضيعج كلها متميزة حبيبتي
تسلمون
_03ba:
بصراحة انا قبل كنت اعطى زوجي فوق قدره و اخب عمري عشانه وهو مو مقدرلي هالشي و لا اصلا مهتم و اهم شي عنده وناسته و ربعه فمن تجارب بنات هنى بالمنتدى نفس مشكلتى و حلول البنات لمشاكلهم ان الواجب اسويه و ما اعطيه فوق طاقتى و اعيش حياتى اطلع مع رفيجاتى و اطلع عيالى وصرت احقره وااايد
وهو حس بهالتغيير يقوللى شفيج صارلج فترة متغيرة اقوله ما فينى شي
بس اهم شي شريت راحة بالى و نفسيتى ارتاحت
و شكرا عالموضوع
زوجي يقول خربج المنتدي
وأنا اشوف حالي بالعكس مواضيع القسم ومشاكل البنات ومشاركتي معاهم
علمني اشياااااء كثيرر منها الصبر وطولت الباال ها القسم
حسيت بتغير للحسن لاكن اشوفه اهو يقول ماخربج الا الحياة الزوجيه
دام وجهة نظرك براحتك
وكلما شافني قالي بس تعبت منج اشكثر تقعدون على هامنتدى ما تتعبون
يقولـــــــي ماخربج الا كويتيات
واذا اهو كان موجود يقولي دخلي اي قسم الا الحياه الزوجيه مافيه الا المشاكل الي تضيق الخلق
بس مايمنع ان الوحده صارت عندها خلفيه شلون تتعامل مع المشاكل ونتلافاها
واذا تسكر والاعلق جد يضيق خلقي حتي لو افرفر بمنتديات ثانيه احس اني غريبه