|
|
السلام عليكم ورحمة الله وبركاته
خواتي اللي ساكنات بالمنطقه العاشره وخاصه الفحيحيل بغيت اسألكن ولا عليكن امر وين احصل ملابس النفاس (الحرير والستان)
لاني تعبت من كثر ما افتر بالسوق واجهز حق البيبي ويوم الاثنين راح ادخل الشهر التاسع
ارجوا منكن الرد بأقرب فرصه وبكون شاااااااااكره وممنونه لكن
وحق البيبي في محل اسمه أنار مادري شلون اوصفلج بس إذا تعرفين خوله للعطور؟
يكون قبله.
ان شاءالله البنات مابقصرون
وعسى الله يهون عليج الولاده
مشكوره اختي بنت الكويت على الدعوه الحلوه
وانا بأنتظار باقي الخوات
وتقريبا جم اسعاره؟؟ وين مكانه بالضبط ؟بالكوت الطابق الاول ولا الثاني ؟؟
ومشكوووووووووووووره حبيبتي
آسفه عالتأخير المحل بالكوت فوق اسعاره غاليه شوي بس الحين جنه مسوي خصم يعني تلقينلج على 25 30
أو ليش ما تروحين النقره؟
فيه انور والطاهر وفيه محل تحت وااايد حلو مادري شسمه بس إذا نزلتي من الدري تلقينه على يسارج واسعاره زينه من 20 الى 50.
وكلهم نفس المستوى.
الايوب بالسرداااب فيه محل اسمه لمى عنده ملابس ساتاان روعه ورخيصه انا اللي اخذته ساتان ومن داخل قطن وفيه حتى فتحات حق الرضاعه يهبببببببل على 15
واخذت بعد من مجمع السندس اللي قبال الايوب محل بعد بالسرداااب اسمه على مااعتقد كادو اخذت منه اثنين على 10 وعلى 12
حتى يصلحوون تلبسينهم بالشقه بعد الاربعييين حدهم راقيييين
لو انهم بالطاهر والا بأنور تلقينهم على 30 و40
والله يسهل عليج ولادتج ويسهل علّي انا بعد وعلى الجميع ياااارب
تحيااااااتي
سنو^وايت
اما هدوم النفاس الستان بالفحيحيل تلقينهم في الفحيحيل مجمع الدبوس السرداب محل رقم 58 توني شاريه منه حق نفاسي واسعاره حلوه ب 15 اغلى شي و12 اقل شي وصراحه والله مديلاتهم وايد حلوه
بعد عندك التراث الهندي فيه خام حلو مايبي موديل وراقي مثل الشانتونات المطرزة الناعمة