ملابس الاستقبال

حبيباتي بغيت ملابس حق الاستقبال بالمستشفى
تعالو شلبس روب و تحته قميص نوم
ولا شنو؟
و ممكن الاماكن اذا ما عليكم امر

حبيبتي والله انا سمعت عن محل بسرداب عيد النصار الي بالكويت وبصراحه رحت له المحل كبيييييييير ورعه قمصانه انا احب الي مو قطن الي يكونون ستان وتور ودانتيل وفيه شك وجذي وبصراحه روووووووعه والله احترت شنو اخذ وشنو اخلي والروب للحيني مافريت وشفت قلت بعد جم يوم بفر واشوف شالسالفه بس انا خذيت من المحل الي قلت لج عليه لان ولادتي انشاءالله بالشتا عجبني ان ستان بس من داخل قطن ويكون جم طويل وفوقه تكون دانتيل مع تور ومشكوك والي تحت يكون الشك بس على الصدر بس والله شغلاته حلوه وخذيت الي هالطريقه على 28 على ما اعتقد بس الاقطان تكون اقل بس انا ما احبها احس ان فيها قصر وما احب الشي الي موطويل وثالث يوم العيد رحت انور الي بشرق ماعجبوني شغلاته كلش عندهم جم قطعه واحس انهم مو مالات ولاده انهم قمصان نوم وسألتها ماينزلون شوي شتوي قالت يمكن بعد شهر عاد ما ادري عنهم

مشكورة yooo
و استبرق ما قصرتو بعطيكم خبر شلقى

العفو حبوبه وتستاهلين وعطينا خبر
————– اول ولاده لها انشاءالله وتبي شي حلو بعد

انا رايي من راي استبرق روحي راح تلقين شغلات حلوه انشاله و الله يسهل عليج و بتوفيق

حبيبتي أم ربى في محل في مجمع السندس بحولي بالسرداب بضاعته وايد حلوه واسعاره معقوله انا ما اعرف شنو اسمه بس مقابل سلم الكهربه

انجل سمايل عليج نور حبوبه المحل الي بالسندس نفس المحل الي بسرداب عيد النصار فرعهم الثاني بس هو اصغر من عيد النصار ومافيه تشكيلات مثلهم يعني لما رحت لهم اول امس الي بالسندس قلت لها ابي قطعتين طلعت لي بس موديلين واحد مالي وواحد مال بنت خالتي بس الي بعيد النصار تشكيلاته وااااااااااايد

في بالايوب محل فوق جبال الدري نسيت اسمه عنده اشياء حلوه
الله يهون عليج اختي وتولدين بالسلامه ان شاء الله

اختي عندج النقره جم محل عندهم شغلااات حلوه والمحل اللي في عيد النصااار انا توني جايه منه وقال 1-11 راح ينزل الجديد بس انا خايفه شكلي موصله وان شاء الله يهون علينااا اجمعين
وهم لا انسااا في محل بره عيد النصار اسمه شركة الربيع هم عندهم شغلااات حلوه والنعال وانتي بكرامه ارخص من اللي بعيد النصار اللي في السرداب