|
|
السلام عليكم
بنات في موضوع وااااايد يشغل تفكيري و مرة تجادلت مع امي (ما تهاوشت 
فحبيت اخذ رايكم
طبعا انا من اول ما بديت ادش العروس و انا الاحظ مكياج العروسة لازم يكون وايد و يكون غير عن باجي البنات اللي موجودين بالعرس
يعني مثلا جذي
طبعا ((مع احترامي الشديييييييييد)) حق اللي يحطون هالنوع من المكياج ,, انا ما احبه! و احسه انه مو حلو! فلحد يطب بالردود الله يخليكم انا هذا رايي .gif "Eh S(7)")
فمرة قلت حق امي يما مابي بعدين عقب جم سنة لي تزوجت توديني من هالصالونات اللي يحطون مكياج وايد نفس هاللي يحطونهم بالمجلات والتلفزيون
امي قالت لي عيل منو تبين يحطلج؟
قلت انا احط حق نفسي ,, لأن مكياجهم ما يعجبني ,, و انا اعرف احط الله يعافي اليوتيوب
قالت لي شدعوه بخلّيج تحطين حق نفسج؟ عروس و تحطين حق نفسج؟ مو بكيفج! و بعدين انتي تحطين وااااايد خفيف جنج مو حاطة شي ,, شتبين يقولون عنج الناس!؟
قلت لها بس يما اهمه يحطون واايد!
قالت لي اي العروس لازم تكون مميزة و غير عن باجي البنات اللي موجودين!
بنات انا احب هالنوع من المكياج حق العروس يعني ناعم حيل او وسط ,, ابي رايكم بذوقي
و حيييل بخاطري احط جذي نفس الاجانب
السبب انّي مابي احد يحطلي بالصالونات لأن مرة صار فيني موقف اول مرة احط مكياج بالصالون (و اخر مرة بإذن الله!) قلت لها ابي مكياج خفيييف حق حفلة بنات بالبيت .. و الله خلتني ينية!! حسافة عالفلوس اللي اندفعت اصلا مشيته لما رديت البيت .. وقتها كنت صغيرة فسكت ما قلت لها شي .gif "Eh S(11)")
آسفة عالطوالة و القرقة
الحين ابي رايكم ,, شرايكم بكلامي و شرايكم بكلام امي؟ و صج ان ذوقي بالمكياج ما يصلح حق العروسة و انه واااااايد خفيف؟
(((و رجااااءاا بنات اللي تحس ان موضوعي ماله داعي و انا وحدة فاضية او موضوعي ما يخدم المجتمع رجاءا لا ترد ابي رايكم لا أكثر ولا اقل)))
ترآ كلهآ مرره وحده في العمرر
بعدين عآد لآحقه ع المكيآج آلنعووم
مآتجي عروس ومكيآجهآ خفيف
اذا جآ عرسك وآنآ آختك آسسمعي كلآم آمكك تذكرينهآ بعدين
ليلة آالعممر فديتكك ..~
انا احب المكياج الخفيف الي نفس الاجانب
حتاا الاجانب يتطنزون علا مكياج بنات الخليج والله ماتسوا علينا هههههه $:
,
مكياج العروسه اممم
خالتي بعرسها حاطه مكياج واجد , و اخر شيء شكلها مو اهيا غير جنههًآ أنسانه ثآآنيه ,
و هَم مرت خالي شكلها بالعرسس حاطه مكيااج واجد و لمّآ شفتها ع الطبيعه غيييييييير جنها مقلوبه 180 درجه عن العرسس !!
ماادري احس المكياج يغير الشكل مو حلو ,
حلو انج تحطين مكياج خفيف يبرز جمالج ,
بس مو تحطين مكياج ثقيل و يغير شكلج !!
لانه هاذي ليله مميزه وحلو المكياج يكون بسيط ومايغير ملامحج
يعني اهول بعمري ولا ما اصير عروس مدري متى العالم اللي حواليج يصحون ويتغير ذوقهم من
التنكري الى البساطه
وشكرا
شلون انتي عروس وتحطين حق نفسج
بعدين في مكياج فخم فخم حيييل بس على ذرابة يعني مو دفاشه وتلطييييييخ
ولازم العروس تتميز عن الحضور
بصرااحه يكوون بهالمستوئ احلئ شي ..
ما أحب احد يجيس ويهي مادري ليش!!
و يا حلاة الناعم و الله
امي عكس امج تماما
انا ودي اختي تحطلي ما شاء الله مكياجها حلو
و احلى شي صورة المكياج قبل الاخيره تينن
مو اوفر
بس بعرسج لازم تحطين بصالون
وهذي ليله العمر غيييير
احس الخفيف احسن وحتى زوجج مابنصدم بعدين من شكلج بعد ماتغسلين المكياج لكن وش اسوي مابيدي حيله الله يهدي امي وتقتنع
بس ما اصير ينية و شكلي يتغير!
و اللي تقول علشان اصير غير عن باجي البنات و يعرفون اني العروس يقدرون يعرفوني من نفنوفي الابيض مو من مكياجي الوايد!
و ترى حتى الرياييل ما يحبون المكياج الوايد! و الله خوفي ينحاش وقتها لي شافني بمكياج اوفر و اخرع لوول
و بعد قلبي البنات اللي فاهميني حسبت انا الوحيدة اللي تفكيري جذي!
و نورة الله يعينج حبيبتي حاولي تقنعين امج او اقولج شاوري ريلج و شوفي شنو رايه .. اذا اهو معاج خل يقنع الوالدة!
انا وحدة اذا حطيت مكياج ثقيل اطلع ينية
ونااس خليك منهم يقولون اللي يقولونه عرسك هذا حققك لحالك انتي تسوين اللي تبينه وتميزي عن البنااات خلييج
غير عن خلق الله >>>والله يوم اشوف العروسات اقول الله يعين زوجها يوم يشوفها بذات اللي ماقد شافها من قبل
يوقف قلب هالضعيف والسبه المكيااج حشى مهرج مو عرووس>>>
واقولج مره ثاانيه خلي خلق الله على جنب ماللج شغل فيهم سوي مكياااج على ذوقج بس يكوون ثقيل وحلو
عشان مااتتحسفين بعديين
والصووره تبقى والمكيااج اللي على الموضه لاتحطين زي الجشينيز >>عشان بعد خمس اسنين تشوفينهم ماتنغثيين >>>>
سوووري طووولت وهذا راااي
شوفي انا معاج بشغلة ان مكياج سواء للعروس والا لغيرها الهدف منه يحلي الوحدة مو يخليها شاذية << بهذي انا معاج
لكن الي مو معاج فيه اهو فكرتج عن الصالونات
انا مرة حطيت عند وحدة ونفسج قلت لها ابيه خفيييييف بس للاسف خلتني كاسبر
ومرة عن مرة وتجربة عن تجربة عرفت منو الصالونات الي استخدمها ومنو الي ما استخدمهم
وقمت ما استغني عن وحدة بكل العروس اروح لها
وحتى بعرس اختي <اختي حطت منها صج عجيييبة ومكياجها خفيف لكن بنفس الوقت راقي ومحترم
وشمكوورة ع الموضوع الحلو ياحلو لووول