مقهووووووووووووووووره

بنات مقهوره لأبعد ما تتصورون القولون وصل لأعلى درجه والسبب عرفت تقريري منزلتني الناظره مع النسره المشرفه من 97الى 93 والسبب اني ما رضيت هالسنه اقدم درس نموذجي وما كنت اعطيهم ويه اقوم بواجبي بس ما تدعس مثل غيري تحتهم وقدمت نقل لروضه ثانيه اثاريهم حطوا علي وخفسوا في تقريري ما ادري شسوى مقهوره ودى اشتكي واختي تقول راح يدخلونج بسين وجيم ومن وين يبتي التقرير مع انها سريه ؟ وغيره ومرات اقول ادزلها مسج ابرد قلبي ! بس اتعوذ من ابليس ما اقول غير حسبي الله ونعم الوكيل
شوروا علي شسوى علشان اطفي النار اللي فيني

اللــــــــه المستعان

وكلي أمرج لله …هذا تقرير وانحط >>> لا تحرين عمرج وتدخلين في متاهات لا تقدم ولا تأخر ..

وانتي زين عرفتي ادارتج وطلبتي نقل …

الله يعوضج السنة بالسنين اليايه بالإدارة والتقارير

ما راح تستفيدين شي لو طلبتي تظلم

ما راح تلقين غير عوار الراس والدوخه لامن اداره ولا من رئسية قسم ولا من توجيه

الله حسبيهم ,,,,,,, والله راح ياخذ لج حقج من الناظره والي نشاركها

(( ويا بخت من نام مظلوم ولا نام ظالم ))

وصج الله يعينج والله حره

الله يعينج … و يعوضج خير يارب

وكلي امرج لله ..

لا اتدزين مسجات و لا تشتكين …. لان كل هذا ماراح يغير من الموضوع شي ..

مثل ماقالوا البنات

لا تحرين قلبج ولا شي

اهم شي انج اعد تسوين شغلج جدام رب العالمين
واللي بتحاسب اهيا

وكلي امرج لربج ابركلج

والله معاج ان شاء الله

وكلي امرج لله وزين انج قدمتى نقل هالمدارس مترووووووووسه ظلم

من صجج تحرين رووحج عطيهم طاااااااااااااف السنة الياية
و قولي حسبي الله ونعم الوكيل

و بعدين يعني الحين ابي اعرف تقديري مااقدر ؟ يقولون عادي الوزارة تعلم

انتى اشتغلتي لوجه الله و عشان تحللين لقمتج

ولا تعبين نفسج ولا قولونج ولا تحرين بعمرج تحسبي اللي عينه ما تنام

وارضي بقسمته لج

وصدقيني له حكمه فيها يمكن تخفى عنج

مشكورين يا اغلي بنات بالمنتدى الصراحه اللي يقري ردودكم يحس الحمد لله الدنيا بخير . ريحتوني الله يريحكم دنيا وآخره صج اسلم امري لله هو المستعان لكن ليمتي هالظلم ليمتي نقول ان اللي صار صار؟ هالأشكال لازم توقف عند حدها بس شقول غير حسبي الله ونعم الوكيل ونعم المولي ونعم النصير

اعتقد انج خذيتي امتياز يعني الدرجه ماتفرق اهم شي التقدير

السلام عليكم

اختي العزيزه الله يعينج صج شي يعور ويحر القلب
نصيحتي لج عشان ترتاحين لاتشتكين لا لوزاره ولا غيرها
اشتكي لربج سبحانه وادعي انه يعوضج واقري قرآن ووكلي امرج لله
وان شاء الله بترتاحين ورددي هالدعاء حيل حلو ويريح القلب ..
(( حسبي الله لا اله الا هو عليه توكلت وهو رب العرش العظيم)) 7 مرات

والله يعينا وينصرنا على كل ظالم

حبيبتي مشكوره عالرد فعلا هذا اللي سويته وصدقيني بعد كل صلاه ادعي من كل قلبي ان الله ينصرني عليهم واشوف فيهم يوم وانا قلبي متقطع وابجي بصلاتي لأني فعلا انسانه كنت اقوم بواجبي على اكمل وجه وغيرى ما تدري وين الله قاطها تحضر يوم وتغيب عشر خصوصا مع زام ريلها وبنهايه تاخذ نفس معدلي لأنها فاتحه بوكها ونفاقها لهم بس ما اقول حسبي الله ونعم الوكيل