مقهورة ميكياج حفلة الملجه ما ضبط – تم تعديل العنوان

واي بنات ابيكم تبردون على قلبي شوي لانه صارلي اسبوع وشي وانا لي الحين
محترة ومحترق قلبي

انا قبل اسبوع كانت حفله ملجتي وكانت بصاله وكانت حييل كبيرة ومعازيم وايد يعني شبهة عرس
واختي الكبيرة فرت الصالونات وقالوها عن صالون فندق المرينا
وحجزت لنا حتى كتبت موضوع اسأل عنه قبل حفلتي المهم انا امودية معاي صورة وقلت حق الي بسويلي..ما ادري اذكر اسمها ولا لا اني انا مو حلو على عيني اشغل المد والتلطخ والغوامج لانه اطير عيني وقلت لها انه من قبل وحده حطت لي وصارت عيني من كثرة الرسم والمد جنه شاينيز ووصيتها وفهمتها شنو ابي وشنو طريقه يعني وانا طبعن اخبر بعيني وبويهي بالنهاية..وقلت لها ابي ناعم ووريتها صورة لوحده عندي وقلت لها ابي مثل مكياجها وقالت لي اوكي
قمت ولا تلطخ والوان ومد بي الاذون ومن تحت عيني كحل عرض الصبع مع اني قلت لها ابي من تحت مو اسود اي لون بس مو اسود لاني اعرف يعيني مو حلو علها الكحل الاسود كامل بس لي النص المهم تلعوزت وكل ساع اقولها مسحي هذا حطي هذا وتبي تبدي رايها علي وتقول جذي احلى و انا ما ارضى طلعين بالي تبينه لاني الي اختاره احلى واجادل وغير هذا قاصين على الاوادم ومعطينهم مواعيد انه ما في احدويخلونهم يحجزون والصالون متروس صار جنه عياده وحده ورى الثانيه قالت لي قومي احط حق الي وراج وشوفي مكياجج عدل وااااي كنت مو انا سوتني للأسوء ما ادري شسوت فيني صرت اخرع سكرت عيني من المكياج والله من بعيد ماكو عيون واختي تقعنعني انه حلو واييليها من بين الزباين تعدله وتقعدني ولمن اقولها غيري جذي وجذي وتأخرنا عن الصاله واهي تقعد اجادل وبرود اعصاب ما تسوي الي ابيه وطلعنا ركضه من الصالون ورحت الصاله والله اطالع نفسي من بعيد امبيه هذي انا ويني كل حفله ويهي شنو كان والحين شنو اخفت جمالي بدون مدح وجمال عيني يعني بدال لا تحطلي شي يطلع ملامحي ويبرزها ويكبر عيني لا حطت شي قبحني والله والله والله لو اني حاطه مكياج العيون حق روحي مثل ما متعوده اشرف لي من الي حطته لي خلتني مو انا انسانه ثانيه خلت يومي كئيب دشيت الصاله وانا مالي خلق والمصورة قبل لا ادش تصورني اشوف الصورة بشاشه الكاميرا مو اناااااااااااا
وييييييييييييييييع منو هذي بدون مبالغه حتى المصورة قالت انتي حلوة حسافه ضالمه عيونج ابهالرموش وهالرسمة مع انه الكل منين ويقول كنت روعه ادري من بدلتي وحركه كنت مسويتها فوق تسريحتي مو عن مكياجي لدرجه من صديقاتي عبالها اني كنت تعبانه من التجهيز مو يدرون انه من الرموش الي فوق وتحت الكبار الي غطوا اعيوني حتى بنات خالتي وصديقاتي الميانه قالوا شوفي اهو المكياج حلو بس توقعناج انج طلعين احلى من جذي انتي بكل مناسبه تيننين وهذا الي حارق قلبي الحين انه بكل مناسبه اطلع طلعه وبحفلتي اطلع جذي
والله قلبيييييييييي محترق حتى بالحفله صار مالي خلق احط عيني بعين ريلي ولا لي خلق الحين اطالع الفلم وحتى الصور ما يبتهم
مو قهر حفلتي يصير فيني جذي مع انه امي لمه ييه المعرس دشيت وزفزني مرة ثانيه حقه اعتقد فهمتوا الطريقه عاد بالغرفه شلت الرموش الي تحت حتى امي واهي طالع الفلم قالت اهني صرتي احلى شوي طلع ويهج قلت لها اهي لاني شلت الرموش الي تحت لانه امي وخواتي ما يبون يضيقون خلقي يقولولي حلوو بس وين ………..!!!!!!!!! هذا انا ويهي بكل مناسبه
والله يوم رحت البيت ومسحت اشوي وشلت الرموش الكبيييييييرة الي فوق طلع ويهي وعيني وين مساعه ووين الحين مع انه المكايج موجود وكل ما امسج ويهي يصير احلى حتى امي واقفه يمي قالت عشان اقولكم دايمن انتوا تقطون فلوس على شي يخربكم
حسبي الله على الي خرب فرحتي لانه شي ما ينعاد
الحين راح اسوي عرسي عقب رمضان
وقلت بعوض مع انه قلبي مــــــــــــحــــــــترق لانه حفله الملجه بعد كانت مو شويه
كلفتنا وايد واخر شي حتى الفلم والصور مالي خلق اشوفهم
جد جد نفسيتي تعبانه ولي هاليوم ضايق خلقي ومتحسفه ليش ما خليتها تمسحه كله وقلت لها انا قتلج نفس الصورة
لانه اهي كانت تقولي خليه عشان الناس يعررفون مكياجي شلون صاير يعني تفكر بشغلها
عبالها الاوادم كراسه ترسم عليها وكلهم نفس الشي ونفس الملامح
بليييييييز بنات بردوا قلبي حيييييييييييل مقهوووووورة ومحترق قلبي جد و يوم شفت الفلم بجيت بجي……………

حياتي لا اتضيقين خلقج ولا شي

بعدين انتي روحي حق اسماء معروفة

انتي قاطة فلوس قاطة

عندج منيرة الفرج

قمة

وانشالله بالعرس اتعوضينها لا اتحاتين

واذا تبين متي بدلة انا حاضرة بعد

الله يعينج وماعليه تعوضينه بالعرس ان شاء الله المفروض تسوين بروفه وتشوفين ولا اتروحين حق وحده متعوده عليها وعارفه رسمة عيونج وشنو اللى يناسبج وبعدين شى صار وانتهى لا اتضيقين خلقج حبيبتى

والله العظيم نفس حالتي بالملجه … شنو انقهرررررررررت ولاعت جبدي ..حسبي الله عليهاا من ماكيره خربت ويهي صااير جنه طبقااات ولا الآي شادو ماله خص بالبدله وانا قلت لها ابي مكيااج ناااعم واهي سوتلي دفش مثل ويهاا اقولها مب حلوو امسحيه ماترد علي ولا تكلمني كأني أكلم طووفه .. ولاا المصيبه ان ريلي عقب الملجه يوم زارني قااالي تصدقين انتي الحين آحلى ويوم الملجه كان شكلج مب حلو ويهج كله طبقات خخخخخخخخخخخخخخخخخ

شفتي اشلون حالتج أهون من حالتي ههههههه بس ماعليه فديتج هونيها وتهوون وربج كرييييم .. وان شاء الله بتعوضينها بالعرس وبتطلعيييين آحلى وآحلى

سمالله عليج من القهر حبيبتي
اول شي مبرووك الملجه

وثاني شي خلااص لاتضيقين خلقج ولاشي اللي سار ساار يعني انسي الموضوع ولاتحطين ابالج
وتعضوين بالعرس ان شاء الله

حبيبتي لا تحرين نفسج بزيادة خلاص الحين اللي صار صار وانشاء الله تطلعين احلى عروس بعرسج ادعي ربج وروحي حق وحدة ثانية احسن من اللي قبل وسوي عندها بروفات والله يوفقج يا رب ويعوضج

حبيبه قلبي تعوضينها بالعرس انشالله

لا تضيقين خلقج
بس نصيحه لفي اكثر من مرة على اكثر الصالونات
و ماعليج من الاسامي المشهورة المهم شي انتي مرتاحه له عرفتي

و لو عندج عروس بهالفترة روحي كل مرة عند وحده غير و جربي مكياجها عشان تتطمنين للعرس

حبيبتي قولي" قدر الله وماشاء فعل"

وماتدرين خيره لايكون هالشيء يصير بليلة عرسج

وسهالات العمر جدامج إن شاء الله وبتحطين احلى منه بالعرس ولما تسوين استقبالج ولما تيبين عيال والله يفرحج وتنسين لا تحرقين قلبج على شيء صار ماضي خلاص اخذي منه الفائدة وكملي حياتج الحلوة يارب
ولا تنقهرين لا ياالغالية الحمد لله مو بدينج ولا بصحتج جت بالميكاج ومعوض>>مسكوني والا ماراح اسكت

آنا والله كتبت وقام يبجي كيبوردي من كثر ما انصح البنات العرايس يبعدون عن هالصالون
آنا كنت مرافقة بس الله ستر وطلعت زوينه لكن العروس الله لا يويرج مظلة مو رموش تقول رفيجتي العروس ابيج تقصينهم تقول بعدين وطاف لا قصتهم ولا شيء

فديييييييييييتج حبيبتي قهرتيني معاج بس صدقيني خيره لج تخيلي لو انج مخليه هالصالون حق عرسج وطلعتي بعرسج جذي شبتسوين حزتها هذا عرس موووووو ملجه وبعدين طاعي الجانب الايجابي الحين زوجج وكل الناس شافوج عاديه او مكياجج موحلو بعرسج راح ينصدمون بلوكج وطلتج الحلوه عرفتي؟؟
فلا تضيقين خلقج ولا شي

قدر الله وماشاء فعل

تتعوض بعرسج

والله والله والله مااااااااااااااااااالومج
صارتلي نفس الشي بعرس اختي وكان مكياجي موشي لدرجة يقلووون حلوو بس قامت جمالج
عااااد اللة يعين بملجتي وبعرسي شرااح يصير انا انصحج اتفرين على كل صالون وتصرين على البرووفة وترى يمدحووون ليلى العرادى مكياجها ستايل وناعم فخم حتى رفيجتي تحب الناعم وديما مايضبط عليها المكياج لما حطت عند ليلى امبييييي زوغة يوم عرسها حتى ريلها ماتخرع منها مثل معاريس هالأياموانشاللة اني فدتج

ياحياتي لاتنقهرين ولايصير بخاطرج شي ان شاءالله بتعوضينها بعرسج وبتكونين احلى عرووووووووس

يا حياتي ولايضيق خلقج تعيشين وتنسين انا صار فيني مقلب اكثر من اللي صار فيج بس الواحد ينسى ويحط باله ان الزعل ما يفيد بشي وانشالله تعوضينها بالعرس وبصراحة اهم شي العرس ويارب تطلعين بعرسج احلى عرووووس .
والف مبروك وانشالله ربي يتمملج على خير .

بقولج شي وانا اختج بس لاتزعلين مني انتي اللي غلطانه والله لا اقلب الصالون على راسهااا انتي معطيتها صوره وقلتيلها ابي جذيه ليش تهول فيج المفروض تمسحه وتسوي اللي تبينه انتي داشه الصالون بفلوسج مو صدقه منها علشان تسوي اللي تبين وتفنن وتبدع بالعالم

الحين اللي صار صار ولازم تنقرصين عدل من هالسالفه ويوم العرس روحي بنفسج وشوفي شغلهم وحطي ناعم راح تصيرين متغيره على الناس يوم الملجه شكل والعرس شكل ثاني

والله يوفقج ويعوضج بالاحسن ان شاء الله بس ديري بالج روحي بنفسج شوفي الشغل مو بس صيت وتروحين على عماج نصيحه مني لج روحي شوفي الشغل بالاول

ياحياتي والله حسيت فيج نفس حالتي بملجتي احس نفسي ماطلعت نفس كل مرة اطلع فيها بالعروس حطتلي مكياج حلو بس العبت بحواجبي حسبي الله على ابليسها طيرتهم لي خلتهم جنهم حواجب جني يالله ماعليه ان شاءالله نعوضها بعروسنا لاتضيقين خلقج يالغالية