مقابلة التطبيقي منو عندها فكره عنها ؟

الـسلام عليكم ..

يعطيكم العافيه بنات .. بغيت أســأل عن مقابلـة التطبيقي للإداريات قسم المالـــــية تحديـدا ..

انا تخصص محاسبه .. وخايفه .. شنو طبيعة الاسئله بالمقابله ؟

يعني يتعمقون بالتخصص ويمسكون الشهادة ويسألون عن المواد اللي خذيتها ؟!

صارلي جريب سنه ونص من تخرجت وناسيه كل شي

عفيه بنات اللي عندها فكره تفيدني واللي ما عندها ترفع الموضوع ..

والله يرزقنا ويرزقكم الوظيفه السنعه ..

up up up

يااااارب الللله يوفقج والله ماعندي فكره بس بحطلج اسأله عامه حق اللي تخصصهم محاسبه شيسألونهم فييه ..

بما انج صارلج سنه و نص ما تخرجتي راح يسألونج ليش ما ليش بس خنبدي الاسئله الحين ..

– عرفي عن نفسج ؟ هواياتج ؟ تقرين كتب ؟ تشبكين ؟؟ و شالمواقع اللي ادشينها ؟
– ليش ما اشتغلتي كل هالوقت و وين قدمتى ؟؟ انقبلتي اب مكان ولا لا ؟
– ليش تبين عندنا ؟ و شاللي يميزج عن غيرج ؟
– شنو تعرفينه عن التطبيقي ؟
ليش اخترتي هالتخصص ؟ و شنو المحاسبه ؟
– شنو يعني auditor ؟ و شنو التقارير اللي يطلعها ؟
– شنو اهمه القوائم الماليه و شالفرق بينهم ؟
– و شالفرق بين التكاليف الثابته و المتغيره و مثال عليهم ؟
و بس هذول اللي اب بالي الحيين بس مادري اشلون التطبيقي اسألتهم !! و االلله يوفقج ان شاء الله و تشتغليين ياارب و الله يوفقنا كلنا

مشكوووووووووره ما قصرتي عالاسئله اللي حطيتيها ..

وموفقه يارب ..

وبعد up up up

الي اعرفة ان 3 يقابلونج نائبة المدير العام للشئون المالية والادارية ورئيس شئون العاملين بالاضافة الى رئيس القسم المختص الاسئلة اكيد تكون في مجال تخصصج واهم شي الثقة بالنفس لكن مجرد سؤال هل عندج درجة ام لا اقصد مخصصين درجة توظيف باسمج او لا

فوووووووووق

السلام عليكم
اختي كونفيوسد قير
لا تحاتين المقابله لان اللي بيقابلونج من 3 – 4 اشخاص
وبصراحه ان جانج خريجه علوم اداريه / محاسبه بشري خير ودخلي المقابله بكل ثقه لان شهادتج اقوى من شهادات اللي بيقابلونج 100 مره
فلسفه زايدة بالمقابله لكن الواقع هالناس فاضيه من داخل يعني مايعرفون شي والمناصب اللي اهم فيها بواسطة ومحسوبية
لا تشيلين هم ولا تدرسين لان اهم مو فاهمين شي
بس اللي عليج ادعي ربج واتكون واسطتج قويه
بالتوفيق ان شاء الله

نوره .. اي انا خريجة علوم اداريه ..

مشكووووره ريحتيني الله يريحج .. والله كريم ان شاء الله يطلعون مثل ما تقولين (( فاضيييين من داخل ))

بس لا يتفلسفون علي وايد ويوهقوني

يعطيج العافيه

آآآب

لعيوووونج و ان شالله البنات ما يقصرون معاج

السلام عليكم
افا عليج يا كنفيوسد قير، احنا بنات ديره وحده
والله انا اقولج الصج وحتى لو يتفلسفون تفلسفي لان والله ماراح يفهمون شي، انا خريجه علوم اداريه وعرفت ان احنا احسن ناس بالامور الماليه لان شهادتنا ماكو مثلها بالكويت ، اقولج هالكلام عن تجربه عشتها مع غيري من الموظفين والمسئولين
خلج واثقه من نفسج والله يوفقج
بس ترى المكان مو لي هناك

قواج الله نورة ما قصرتي

..

up up

up up