مفكره اوصل الهدية لزوجي بالدوام ،، تهقون يتقبل ؟

بنات انا ودي أفاجأ زوجي بهديه و فكرت اوصلها الدوام له يعني تكون بمكتبه قبل ما يوصل
شرايكم تهقون يتقبل الموضوع ولا اخاف يظغطونه ربعه ولا احرجه

مادري ودي اسويها بس اخاف تنقلب علي و يلومني
خصوصا ان الحين انا وياه متزاعلين شوي

فأبي اراضيه شرايكم

اسويها ولا لا

منو جربت تسويها مره ؟

لا ديري بالج تسوينها ترى هالشغله تحرج الرجال جدام ربعه ادري ودج بهشي بس مايصلح بمجتمعنا

لاااااا تسوينها الرياييل مايحبون جذي خصوصا الدوام بتحرجينه والله حطيها له بالبيت علي السرير مع كرت بيستانس فيها اكثر

لا تسوينها الريااال راح يحس باحرااج جدااام ربعه وراح يطنزوووون وتدرين انتي بالبااجي لانه مجتمعنا مايتفهم نفس هالامور

والله مخلي هالناس بس حق المعاااير والتطنز انا اقوووول حطيها على الفراش ومع جم وردة جووري وبطاقه فيها احلى الكلمات

منج وانتظريه لمه يرجع من دوااامه لانه الحركه راح اتفرحه واتشييل عنه تعب الدوااام

يعتمد

لا مايرضون الريايل جذي حطيها بسيارته مثلا احسن

هههههههههههه > يضغطـــونــــــــــــــــــــــــــه

اي والله احسها صعبه

كم مره نقزت له ماااا يرضى كلش لا حلو و لا ورد (بمناسبه ترقيه او امتيازات بالدوام) هالنوب هديه و بمناسبه خاصه. بالكويت صعبه جدا.
بس لمن كان يدرس برا كنت مشتغله عليه كروت و كيك و هدايا. و لمن سوا عمليه دزيتله ورد هم استانس. بس بالكويت لازم يلتزم بالعادات و التقاليد.

والله عن العين لاتسوينها عادي هالهديه تقلب حياتكم من فزة قلب

لا تسوينهااا متخافين من الحسسد خلي كل شي بينكم احسسسن

بالعكس راح يستانس وايد انا مره سويتها بعيد الحب وعيد زواجنا ريلي كان بدوره بنيوزيلاندا وبهاليوم دكتورهم كان يقولهم انتوا بعاد عن حبايبكم واكيد ما راح تحصلون هدايا بمناسبه عيد الحب عاد ريلي لما رجع الفيلا مع ربعه وصله الصندوق الي فيه هديته وحده استانس لان ربعه استغربوا والكل قام يدق على مرته ويقولها ان فلانه مرت فلان يابت هديه لريلها واهي بالكويت عاد انا سببت مشاكل لهم
بس حلوه فكرتج والي يبضغطه هذا المتخلف الحمدالله والشكر

أنا سويتها عادي انتي تعرفين طبيعة زوجج يرضى او لأ

اذا انتي تبين تحرجينه وتبينه يجيلج البيت ويسفل فيج دزيله اهديه ههههههههههههههههههههههههه