مفاجاة .لمعلمات مادة القرآن الكريم

السلام عليكم

يوجد في مركز منبر الحق النسائي في الصباحية بسعر رمزي ما يسوي الفكرة والشغل المتعوب عليه

….حقيبة لمعلمة القرآن الكريم فيها كل شئ يخص المعلمة في حصتها خاصة للابتدائي

عن شنو الفكرة وضحيلنا اكثر
ولا اي اجزاء بالضبط انا الجزء 29 موجود ولا لا
للمتوسط وشرحيلنا الفكرة ماعليج امر

إي والله إختي ياريت تشرحين لنا أكثر

ويا ريت تعطينا رقمهم بعد

الله يجزاج خير

وإن شاء الله يكون في ميزان حسناتج

السلام عليكم
الحقيبة عن وسائل المعلمة في حصة القران الكريم وما تحتاجه من بطاقات بشكل ملون وحلو عن آداب التلاوة من طهارة وخشوع و,,,,,,,,
والشفافيات عن ذلك وشريط وسيدي عن الجزء المقرر تحفيظة مثلا خامس جزء تبارك …
رقمهم 23612883

(بسعر رمزي ما يسوي الفكرة والشغل المتعوب عليه)
خافي ربك أنا سمعت نصيحتك وأرسلت السايق يشتريها
وياليتني ما شريتها شي يفشششششششششششل
عباره عن ملف أحمر وحاطه داخله سبع بطاقات بس البسمله والاستعاذه والخشوع التدبر والطهاره
و قران كريم وتعربف القران
وحاطه بعد مسواك ما أدري شنوا محله من الإعرب وشفيفه وحده بس مالها داعي
وحاطه جزء عمى للعفاسي؟!!!! وإحنا ما يسير نستخدم غير الحصري
وسيدي اداب التلاوه ما أدري شنوا راح يستفيدون منه البنات
وسعرها الأصلي ما يسوى دينارين بالكثير وأخذتها بست دنانير تخيلوا
بطاقاتي وشغلي في المدرسه أحسن منه بواااااااااااااايد كل ما شافوه الأبلات
سألوني من وين شاريته أقول لهم أنا مسويته بنفسي ما يصدقون
بس شنوا أقول حسبي الله ونعم الوكيل لو أقدر أروح و أرجعها كان رحت
بس كل إلي أبي أوصله لكم لا تصدقون أي أحد مهما كان
روحي بنفسك وتأكدي قبل لا تشترين أي شي
الناس ما صار عندها ذمه وضمير