|
|
عندنا صديقة متمرمرة بريلها – متزوجة من خمس سنوات
هالريل ما يعجبه عجب ولا صيام برجب
كله زعلان وكله مو راضي وكلشي مو عاجبه
وهي المسكينة دايما تلوم نفسها انها يمكن مقصرة واحنا نقولها القصور مو منج – لكنه بصراحة عقدها
لما وحدة من البنات يابتلنا موضوع حلو ومفيد من الانستقرام من حساب المحامي alarbash1@ – حبيت انقله لكم مثل ما هو ويكون ونناقشه ونستفيد من الموضوع ومن ردودكم انشاء الله
الموضوع يقول :
.
(مفاتيح) : أمرأة عجوز تحدثني عن زوج ابنتها بسبب مشاكل وقعت بينهما .. كانت تكرر " هالريال كله زعلان وماله مفتاح " .. وان ابنتها حاولت ان ترضيه بشتى الطرق دون فائده .. وانه (مو كفو)ا
.
️صدقت العجوز .. فللرجال مفاتيح .. متى حدثت المشكلة بين الزوجين .. كان بيدها مفتاحه .. وهذا المفتاح تجده المرأة بذكائها وفطنتها وعشرتها .. وكيدها احيانا
.
️احدهم مفتاحه الاناقة .. واخر الطعام .. واخر الجنس .. واخر الاثارة .. واخر حلو الكلام .. واخر البكاء .. وكما ان هناك رجل يحتاج لعدة مفاتيح .. فهناك أمرأة عندها
( ماستر كي ) مفتاح لكل المواقف والظروف
.
️فعلى المرأة ان تجد مفتاح او مفاتيح زوجها لتستخدمه عند اللزوم .. واللي ما عندها ولا مفتاح الله يعينها لان المشكله فيها هي .. او لجهلٍ منها
.
️ولكن .. هناك ايضا رجل ( قفل مصدي) .. ما يفتح باي مفتاح .. ولا ينفع معاه ماستر .. وهنا .. فاما ان الزوجه تتحمله على علاته والله يعينها .. والا تضطر الى
( كسره ) للتخلص منه نهائيا وذلك يعتمد على ما وراء ( القفل المصدي)
.
والسؤال هل للمرأة ايضا مفاتيح ؟
.
الالسن مفاتيح القلوب
.
.gif "Eh S(16)")
السؤال ؟
هل فعلا لكل ريال مفتاح ؟
انا شخصيا وعن تجربه بالزواج ان الزوج اذا كان يخاف الله فعلا يكون له عشرين مفتاح ويتغير مع الزمن والعمر (لبس -طبخ – كلام حلو) – لكن في رياييل فعلا قفل مصدي ما ينفع معاه اي مفتاح
هذا شرايكم فيه – هل تتحمله المرة والا تحقره والا تتركة
رايكم مهم لاننا نتابعكم عشان صديقتنا ان شاء الله تستفيد لان ملينا واحنا نتكلم بنفس الموضوع – ومالنا الا اهل التجارب ويكون في ميزان حسناتكم
وجزاكم الله كل خير والله يفتحها عليكم وتشوفون السعادة ولا يبليكم بريال بلوة مثل المصدي
(الصورة كانت حلوة ومعبرة 
)
واللي مفتاحه مصدي ومقفل بالمره فهاذي الله يكون بس بالنهايه كل شي وله مفتاح والزوجه الذكيه الفاطنه اهي اللي بتعرف
شدعوة
