|
السلام عليكم ورحمه الله وبركاته ^_^
شحالكن ..ربكم الا بخير؟!
عساكن بسهاله ^_^
انا اليوم مادري شفيني ..انزل موضوع ورى موضوع
تــفلن علي عن الحسد لوووووووولز المهم
مرحب
هالموضوع ابى اخصصه لسوالف ( العازبات )
..
مثل ما للمتزوجااآآت مواظيع بعد نحن يحق لنا ننزل موضوع
نخفف عن بعض …
وندعي لبعض بالخير .. وبان الله يأنس وحده كل عضوه محتاجه انسان
يشاركها حياتها …
ويفرج كربتها يارب العالمين
ولاتنسوني بدعواتكم لاني صدج محتايه وتعبانه نفسيا من الممنوعات اللي ببيتنا مع انها مش خارجه عن شرع الله مليت من الوحده .. طفرت من كثر مااجابل نفسي 24 ساعه لاحنيس ولاونيس..
وبسبب ظروف ما و الله يقدرني أتباع الحلال
وأبعادنا عن الحرام ^_^
خبروني شو شعوركم بنات ( اللي مب معرسات )….
رمسوا وسولفو وخذوا راحتكم ^_^
.
:
{ حسبنا الله سيأتينا الله من فضله أنا الى الله راغبون }..
رددوها دائمآ: لقله الرزق
:
والميلس ميلسي فلاتحشون كثير هع ….
,
كـفآره الميلس:
سبحانك اللهم و بحمده .. أشهد ان لا الــه الا انت .. أستغفرك و أتوب اليـك ..
وبس
تصبحون ع خير……..
القاكم ع خير باجر
أختكم:فراغ العاطفه
:
:
:
:
وانا ماتزوجت
مو عيب مني بس على قولتهم مابدي
اللحين ربي رزقنى والعرس قرب
وربي كل ما احط راسي اتندم انى تزوجت
ياحلات البيت والاهل والابو اللي يدلع والام اللي تداري
الصراحه العزوبيه احلى << رجال انتي؟؟
خخخخخخخخخخخخخخخخخخخ
بس والله يا بنات انه راحه بدون رجال
خواتي المتزوجات يتحففووون ويتمكيجون وعشيات وغديات وغثا وكل يوم عند خياطات
وع مابي اعيش هالعيشه
<< موكنش طولتيها
يالله ماطول عليكم
تحياتي ليكوم
والله العظيم انا اختى اللي اصغر منى تزوجت
وانا ماتزوجت مو عيب مني بس على قولتهم مابدي اللحين ربي رزقنى والعرس قرب وربي كل ما احط راسي اتندم انى تزوجت ياحلات البيت والاهل والابو اللي يدلع والام اللي تداري الصراحه العزوبيه احلى << رجال انتي؟؟ خخخخخخخخخخخخخخخخخخخ بس والله يا بنات انه راحه بدون رجال خواتي المتزوجات يتحففووون ويتمكيجون وعشيات وغديات وغثا وكل يوم عند خياطات وع مابي اعيش هالعيشه << موكنش طولتيها يالله ماطول عليكم تحياتي ليكوم |
انتي معرسه ..>>يالله برووووووغج ..>>برى من غير مطرود خخخخخخ
مبروك ع الزواج>تو الناس خخخخ
المشكله انا وحيده في الببيت
ابوي متوفي وامي بس وياي
واخواتي معرسات واخواني معرسين
وبطاليه ( كل شي ممنوع عند اهلي هع الشغل ممنوع واكمال الدراسه ممنوع والسواقه
ممنوعه وطلعه مع الربيعات ممنوع وروحه بيت ربيعات ممنوع الا لو اخوي يعرف اخوها وابوها
ويدها خخخخخخ كل شي مممنوع مب باقي يكتبون علي انا ممنوع خخخخخخ)
عشان جيه لو عرست مابتحسف
على مفارجه البيت لاني لاعت جبدي منه
لاعت جبدي من شي اسمه رقاد
لاعت جبدي من الكابه اللي تخلفها الوحده ويخلفها الملل
مليت ولاعت جبدي واحس اني بدش في حاله نفسيه
من الممنوعات اللي في بيتنا
يمكن لو عندي خوات كنت اقدر اقول بتحسف
^_*
واي ام تداري واي اب يدلع؟
خخخخخخخ فديتج مب كل البيوت يعيشون حياه مستقره
في امهات ينازعون 24 ساعه ويتحرطمون ونكديين>>مثل امي هع
وفي ابهات قاسيين
لاتقيسين ظروفج بكل شي
لان الظروف تختلف^_*
وانا بالعكس احب عيشه اخواتج
انا احب اهتم بعمري
بس منو يخليني !
كل ماسويت شي ابى اهتم
تحل علي الدعاوي من صوب امايه لوووولز
يعني الحياه عندي ممله كئيبه و24 ساعه فالبيت
ومحد وياي غير نفسي !!
يعني ماظني بتندم على شي
مابقى شي اندم عليه
…..
انا اللي طولتها بس عطيتج اللي بخاطري
والحمدلله ارتحت
مرحب
شوكرا من الاعماق ع المشاركه عيوني
ومرحبا بج
^_^
الله يرزقنا ويرزقج بالزوج الصالح
اللهم آآمين
========================
"مغروره بس معذوره"
بالمباارك العرس وعسى الله يهنيج ويسعدج
وانتي صاجه بكل كلمه قلتيها
الزواج مسؤوليه
واحناا أهلنا دلعونا زيادة عن اللزوم
>>>>>> حيل حساسه
===============================
وانا عن نفسي تقدمولي أكثر من شخص بس كنت توني أدرس وفضلت الدراسه بس وربي مو ندمانه على هالشي
لان الشهادة تدوم لكن الرجال لأ
(( متعقدة))
===============================
يلاا شاركوووووووووووووووووووو
انا الحمد لله بيتوتيه لابعد الحدود
ماحب السوق والازعاج
احب القعده بالبيت ولا احب الجمعات والعشيات
دايم مقفله على عمرى مقابله الاب توب
ولا التلفزيوون
وكل اسبوع اشتري مليون شريط فيديو
هندى -مصري-امريكي
تطورره وصرت اتابع يابانى وصيني وتايلندى بعد
اهم شي ما اطلع برا البيت
بس والله تاثرت والله يرزقج بالرجال الصالح اللي يسعدج والله يوفقنا
اختى ابله خلووود
يوفقنى ويوفقج يارب
وتسلمين على هالدعوه الحلوه
بس استضيفوونىى لين اتزوج تكفوووووووووووون ابي اسولف معاكم
حلوه سوالف البنات والله
تحياتى ليكووووووووووووووون
الله يرزقج الزوج الصالح التقى النقي الغني الي يحطج بعيونه ويخاف عليج من الهوا الطاير قولي امين : )
انا بعد انسه .. : ) <<يعني مكشخه عمري
وسبحان الله كل من ياخذ نصيبه بالدنيا
وعسى ربي يكبر حظوظنا ويرزقنا الرزق الطيب
موضوعج يهبل شكلي كل يوم بتقهوى فيه
وخلج قوية يا احلى فرفوره … عجزت ادلع فراغ : )
وي اشفيكم كل سوالفكم عن العرس والله هالسوالف تجيب لي الهم ماني ناويه أتزوج وآخذ ولد الحلال الا لما أخلص دراسه
ركزوا انا اللي آخذه مو هو << بنات آخر زمن
سولفو عن الأزياء بنات مو احلى
سوالف الزواج مو جينه تفتح عليناا أبواب وحنا محرومات
لووووووووووووووووووول
والله يرزقكم بالزوج الصالح اللي يحبكم ويرزكم
لي عودهـ
بس والله بيت اهلنا اســـحن هع
احس راحه البس على كيفي اخربط واستهبل باللبس وعادي وناااااسه
مع اني صج مو مرتاحه حيل لان فيه شوية مشاكل ومشاحنات وضيقه و….الخ
بس الحمدلله احسه افضل من الزواج رجال يبيله مجابل وعيال ومسؤوليه خصوصا اني ادرس
ومابي شي يلهيني عن دراستي لاني من الناس اللي ما يعرفون يجمعون شيئين في آن واحد << مستانسه الكسلانه
ولي رجعه الى هذا الملتقى ,, وللحديث بقيه
ويالله شعللوها نبي سوالف ووناسه وقرقره وحب وشاي وقهوه وشغل عدل
شعللوها
يعني بتسوون نفسنا ملتقى عرايس
وملتقى عزوبيات
ياسلاااااام
الله يوفقكم كلكم ويرزقكم بالرجال الصالح اللي يملى عليكم حياتكم بالفرح والسعاده
عاااجلا غير اجلاا
ومشكوره فراغ العاطفه
وان شاءالله كلكم تنتقلون لملتقى عرايس الكويت
واشوفكم كلكم اهنااك يااااااااااااااارب
فراغ العاطفه
الله يرزقنا ويرزقج بالزوج الصالح اللهم آآمين بالمباارك العرس وعسى الله يهنيج ويسعدج وانتي صاجه بكل كلمه قلتيها الزواج مسؤوليه واحناا أهلنا دلعونا زيادة عن اللزوم >>>>>> حيل حساسه وانا عن نفسي تقدمولي أكثر من شخص بس كنت توني أدرس وفضلت الدراسه بس وربي مو ندمانه على هالشي (( متعقدة)) =============================== يلاا شاركوووووووووووووووووووو |
امين يارب العالمين
امييييييييييييييييييييين …تسمعيني يوم اقول امين والا اصارخ بزياده هههه>>وحده ماتستحي لووووولز
ودامهم تقدموا لج اكثر من شخص ورفظتيهم جان طرشتيهم صوبيه هههههههه>>اسولف لووولز …
وجان زين اقدر اشتغل واكمل دراستي ااااخ بس ااخ
لاريل ولا دراسه هع هع
المستقبل ظايع والحياه مستمره لوووول
تسلمين ع حظووووووووووووووورج
بس يمكن تدرسين ويتقدمون لج وانتي ترفظين ترفظين لين يوصل عمرج 40
بلا ريل !!!!
ولاعيال يساندونج!!
ماعرف والله
بس يمكن انتي حاطه في بالج سن معين للزواج
……………….,,,
وانتي اللحين وين تدرسين؟ والا تشتغلين حياتو
فراغ العاطفه انا حيل تاثرت بكلامج والله
انا الحمد لله بيتوتيه لابعد الحدود ماحب السوق والازعاج احب القعده بالبيت ولا احب الجمعات والعشيات دايم مقفله على عمرى مقابله الاب توب ولا التلفزيوون وكل اسبوع اشتري مليون شريط فيديو هندى -مصري-امريكي تطورره وصرت اتابع يابانى وصيني وتايلندى بعد اهم شي ما اطلع برا البيت بس والله تاثرت والله يرزقج بالرجال الصالح اللي يسعدج والله يوفقنا اختى ابله خلووود يوفقنى ويوفقج يارب وتسلمين على هالدعوه الحلوه بس استضيفوونىى لين اتزوج تكفوووووووووووون ابي اسولف معاكم حلوه سوالف البنات والله تحياتى ليكووووووووووووووون |
^____^
وانا ماحب البيت كرهته لوووووولز
وانا عكسج تماما اموت بشي اسمه سوووووووووق
واهتمام وكشخه وخلطات >بس منو بيخلينا هع
بديت اشك ان فيج حاله نفسيه؟ههههههه( حد يحب قعده البيت والملل والكابه )
انا انسانه كنت اجتماعيه لابعد الحدود وسوالف وربشه وظحك
>>ايام الدراسه والله
بس احين قعدت لحالي في البيت وصرت من اجتماعيه لـ وحدانيه
يععععععععععععع والله انواع الظيجه والاكتئاب
لاني كنت مع ربيعاتي واللحين انا من دونهم
يالله الله كريم
والله يوفقج ولاتنسين تعزمينا بالعرس
لوووول
ربي يسعدج ويمكن كل واحد وشخصيته يمكن انتي بيتوتيه وانا
عكسسسسسج بس مب قادره اظهر هع هع
تسلمين ع حظورج الطيب غناتي
^_^
فراااااااااااااااااااااااغ بعد قلبي انتى ..
الله يرزقج الزوج الصالح التقى النقي الغني الي يحطج بعيونه ويخاف عليج من الهوا الطاير قولي امين : ) انا بعد انسه .. : ) <<يعني مكشخه عمري وسبحان الله كل من ياخذ نصيبه بالدنيا وعسى ربي يكبر حظوظنا ويرزقنا الرزق الطيب موضوعج يهبل شكلي كل يوم بتقهوى فيه وخلج قوية يا احلى فرفوره … عجزت ادلع فراغ : ) |
يابعد رووووووووووووووووووووووووووووحي ويابعد ألبي>>قلبت لبناني هع ..
امين ياربي ..ويغنيني بحلاله عن حرامه
امس صليت قيام الليل وقعدت اصيح اصيح صدج من خاطري ابى افتك
من الوحده……
وان شاء الله ندعي لج بصلاتنا ولجميع البنات اللي يبن الستر في الدنيا
والاخره
لاخليت ولاعدمنااااااااج
مرحبااااااا الساع ^_^