|
|
قبل شوي قريت موضوع الاخت sarateeواثر فيني حيل
بس فعلا
وبعد تجربة شخصية
لازم كل وحدة تحط فبالها ان ممكن لا سمح الله –
يجي يوم وترجع غريبة عن زوجها…
..مثل قبل الزواج
احساس غريب بس لازم يمر عليج علشان لما يتخلى عنج
مااا تنصدمين
رجااال هالايام مااااالهم امان ابدا…. صدقوني
انا قااعدة اكتب هالموضوع وانا للحين تحت تاثير صدمة من زوجي السابق وابو عيالي
انا زوجي كان رجل الكل يشهد له بالاخلاق العالية والدين
كااان بالنسبة لي اغلى شي بالدنيا بدون اي مبالغة
كاااان يموت على الارض اللي امشي عليها
كاانت "عسى الله يخليج لي "هي اكثر كلمه كلمة يرددها
وكان يقولي : انا من غيرج يا انحرف او انجن!!!
معاملته لي كانت طيبة جدا
وفجاه وبدوون اي مقدمات تخلى عني وعن عياله بدون سبب
ودزلي ورقت طلاقي بدون اي مبررات
انقلب حالة بين يوم وليله
وصار حتى عياله اللي كان متعلق فيهم حيل ..ما يشوفهم
انا ادري ان امه وخواتة يكرهوني جدا-بس
هل اهم السبب ؟ماني متاكدة..
بيتي انهدم بين يوم وليلة … والاسباب…
مجهووووله
علشان جذي اقولكم يا بنات بعد تجربتي هذي
لا تامنين لرجل مهما كااان يحبج ورووحه فيج
كووني له نعم الزوجة وعامليه بما يرضي الله ….
لكن
لا تجعلين حياتج وسعادتج واقفه عليه اهو وبس
لانج ممكن لا سمح اللح يجي يوم وتعانين -واحنا الحريم قلوبنا رهيفة مو مثل الرجال
اتمنى انكم فهمتوا قصدي واستفدتوا
اسفه على الاطالة
بس فعلا الرجال مو كل شي
صاجه والله حتي لو كان الزوج ونعم الزوج مخلص
اقولج علي شي انا اكتشفت هالشي من واقع تجربتي بزوااجي لو في اي مشكله لا سمح الله عاااادي يتهمج بانج انتي الغلطانه ويخلي اهله كلهم يوقفون صفه ولما تطخ السالفه ويعرف انه غلطان يعني لما يطيح الفاس بالراس يندم ويتاسف ويقول انتي دنيتي ومن غيرج مااقدر اعيش
اهنيه حسيت ان لازم الوحده تكون قويه واثقه من نفسها مو محتاجه حب او حناااان اللي ايي من الزوج حياه الله اما انزل نفسي واخليه مثل سي سيد وانا امعه بس اطيع الكلام ومالي راي لا والله الريال يحب المره القويه الواثقه من نفسها المنصته واللي كلامها يكون مختصر وفي محله
الله يهدي جميع ازواااجنا ويصبر قلوبنا
الله يصلح الحال
-نور78 ما يخالف حبيبتي عامليه على انه السي سيد مو مشكلة ولا تقصرين معاه ابد – بس لا تخلينة اهو محور حياتج والسبب الوحيد لسعادتج-
يعني اعتبري نفسج فيه ومن غيره عايشة حياتج سعيدة
-الزبدة لااا تتعلقين فالرجال مهما كان حلو معاج
شنو الحل؟؟؟؟؟؟
والصراحة موضوع حلو محد اطرحه من قبل
مشكورين على نقل تجربتكم ولو انها اتعور القلب بس جزاكم الله خير انكم نبهتونا
الدنيا مالها امان وممكن ينقلب الحال بين يوم وليله .. سبحان الدايم
حراام شنو ذنب اليهااال وذنبج
الله يكوون بعوونج
وصدقتي والله المفرووض الريااال مايكوون كل حياتنا
بس شنو الحل احنا قلبنا رهيف حيل
